Ka Nupepa Kuokoa, Volume LXII, Number 18, 3 May 1923 — MAI PUNIHEI WALE KAKOU. [ARTICLE]

MAI PUNIHEI WALE KAKOU.

Mamuli o ka hoomaopopo ana, elike me na mea oiaio, i huaiia ae i ke akea, a i hoikeia mai hoi i Honolulu nei, i na hana epa me ke koloh- maoli, a kekahi mau hui aila lehulehu e hpohanaia mai nei ma na aina Inamao; ua konoia mai keia pepa e kauleo aku imua o na Hawaii, e akahele, me ka pUpuanulu ole, ma ka punihei wale ana aku, e komo iloko o kela mau hui aila, malalo o na kumu hoohoihoi, i ka nui o ka puka ame ka pomaikai e loaa niai ana mailaila mai. I kela ame keia manawa, ua hoea mau mai, na pepa hoike mai kela niau nui aila mai, i Hawaii nei, e hoakaka ana i ka nui o ka pomaikai, ma kela hana; ua nui ko I-lawaii nei poe, i lawe i na mahele iloko o kela mau hui aila, o ka hopena nae i ikeia, ua poho ka hapanui o lakou, koe wale no paha kekahi poe kakaikahi. O ka hana naauao, nia ka aoao o na Ilawaii, i manao e hooleomo i ka. lakou mau dala iloko o na hui aila, a iloko paha o na hui hoopukapuka apau,~ o ia no ka huli mua ana i ka mea oiaio, ina he mau hui maikai ia, aole paha; aia a loaa mai na hooiaio ana, mai ka poe mai, i hiki ke hilinaiia, alaila hookomo aku i ka oukou mau dala; ina aole, alaila ua oi aku ka palekana, o ke ku mamao ana mai, me ka hookomo ole aku i na dala ma ke ano naaupo; no ka mea, o ka hopena e oili mai ana, o ia no ka pololei ana o na dala a ko Hawaii nei poe, iloko o ina pakeke, o na kanaka, na lakou i kukulu ae i na hui aila; ma ke ano imi pomaikai no lakou iho ma ke ano epa, ame ke kolohe. He nui na kumu hoohoihoi a kekahi niau hui aila ma Amerika i hoolaha ae ai ma ke akea, he mau hooiaio kekahi i kukuluia mai, me k@ inoa o na peresidena o na banako, no ka hoahuia ana o na da!a ? ka poe i komo iloko o na hui aila; me ia mau hoailona no nae apau no na ano kupoa;. a maikai e kela mau hui, ma ka huli pono ia ana mai nei e ke aupuni o Amerika: ua ikeia, he poe ēpa wale no ka poe na lakou e hoohana ana ia mau hui, a o ka makemak'e ame k:i īini iloko 0 lakou, o ia no ka hookomo nuj aku o na kanaka i ka lakpu mau daia, i nui ai ko lakou waiwai ame na pomaikai. Jna he makemake ko oukou e na kanaka Hawaii e komo iloko 6 na hui hoopukapuka elala. he oi ae ka hookomo ana 1 na dala iloko o na hui hoopukapuka iloko nei o ka aina, no ka niēa, eia no imua ponoi o ko oukou alo, na kanaka na lakou e hoohana ana ia mau hui, a e ike ana no oukou, i ke ano o na hana apau e lawelaweia ana. E ninau i na hui kupono e komo ai. mai komo nia ke ano pupuahulu, o lilo auanei ia hana hemahēma i mea mihi mahope aku.