Ka Nupepa Kuokoa, Volume LXII, Number 20, 17 May 1923 — $500 KA HOOPA'I NO KA MALAMA HALEINURAMA. [ARTICLE]

$500 KA HOOPA'I NO KA MALAMA HALEINURAMA.

Ma ka noho ana o ka aha hookolokolo Federala a Lunakanawai John De Bolt ma ke kakahiaka o ka Poakahi nei e hoolohe i ka hihia o Dillon, i hoopiiia ae ai no ka malama i kekahi hale inurama ua ae okoa ae oia i kona hewa a ua kauia mai ka hoopa'i o $500 maluna ona me ua koina o ka aha, no ka loaa ana aku o hookahi kuaka okolehao maloko o kona haleMa ka hoakaka a George Burns, ka makai hookapu waiona, ma kona manawa i komo aku ai iloko o ka rumi kuai waiona o Dillon, ua ninini iho la o Dillon i ka okolehao iloko o ka puka hookahewai, a hopu aku la oia i ke kaulahao e paa ai ke pani o ka puka wai, a mamuli o ia hopu ana aku ana me ka hikiwawe ua moku mai la ke kaulahao. Mahope o ka lohe ana aku o ka Lunakanawai De Bolt i na olelo a Burns ua kau koke mai ka lunakanawai i ka hoopaU koikoi o $500 maluna o Pillon, me na koina o ka aha. O Eaton H. Magoon, ka loio ma ka aoao o ke aupuni a nana i hoopii ae ia Dillon.