Ka Nupepa Kuokoa, Volume LXII, Number 20, 17 May 1923 — KEKAHI MAU HIHIA A KA OIHANA HOOMALU [ARTICLE]

KEKAHI MAU HIHIA A KA OIHANA HOOMALU

He 13 mahina hoomalu ka hoopai a ka Lunakanawai O. P. Soares o ke kau ana aku maluna o Joe Paeheeo ke kalaiwa kaa holonui noonoo ole i ko hai pono i hopuia ai ma ke Sabati iho nei.

Xo ka hoea ole ana ae imua o ka aha hoomalu ma ke kakahiaka Poakalii nei ma ka manawa i kaheaia mai ai na hihia o Peter Almeida ame A. Hyman, he mau kalaiwa kaa oto i hoopiia ae no ka holonui, ua lilo wale na dala he $15.00 pakalii a laua o ka bela ana i ke aupuni.

Ma kc kakahiaka Sabati iho nei kahuli ke kaa oto e kalaiwaia ana e ke Kapena koa Car]an mahai o ke alanui c holo la i Leilehua a haule i ka auwaha ma kahi kokoko i Aiea, a eha ka wahine a ke Kapena Carlan ame Mrs. C. B. Thomas ka wahine a ke Kapena Thomas, o ke knmu o ke kahuli ana o ke kaa no kt> olinolino ka ona o ke Kapena koa Carlan i na kukui o kekahi kaa oto e holo mai ana, a i loaa ai i kowa no ke kaa e holo mai ana ua hoohuli ae la ko Kapena Carlan mahai o ke alanui, o ke kahuli loa aku la no ka ia, a o keia ae la na ulia poino i loaa i na wahine.

No ke kalaiwa kaa otomobile o J. E, Lynch me ka loaa ole o kona laikini i hookomoia ae ai he hoopii nona, a e ols ka bela ana ae he $15, hookuuia ae ai, eia nae, no kona hiki ole ana ae imua o ka aha ma ka manawa i kaheaia mai ai oikona hihia ua lilo mauwale ia mau dala, no ka ike no ua hewa, e aho ka haalele ana ia mau dala bela mamua o ka hele ana ae e hakaka imua o ka aha, o koikoi loa iho auanei ka hoopai.

Ma ka po Sabati aku nei he eono poe piliwaiwai i liapukuia ae a kuku yn;i i ka lialewai, a e ole ka bela ana ae he $15 pakahi hookuuia ai; no ko lakou hiki ole ana ae imua o ka aha e hoeaea waha ai i ke kahu o ka aha ua lilo wale i ke aupuni kulanakauhale ame kalana ia mau dala bela he $90.

He mai ahulau hou o na hana wawahi hale ma Waikiki ka i hoikeia ae i ka oihana hoomalu. O. J. A. Parker ka i hoike ae i ka oihana makai no ke komoia ana o kona hale e ka piko pauiole ma ka po o ka Poalima o ka pule aku la i hala a lilo aku he $15 mai kona hale aku. Ma ka po Poaono mai o ka hale o ke Kapena Gordon Weleh ma ka Papu Be Russy ka i komoia, oiai oia ame kona ohana ua hele mai ma ia po no kekahi wahi; pau na wahi oloko o ka hale i ke kuekaaia aohe nae hoi i hoikeia ae ka nui o na waiwai i mioia e na lima huluhulu o ke kolohe.