Ka Nupepa Kuokoa, Volume LXII, Number 20, 17 May 1923 — HE MAU MANAO POLOLEI OLE. [ARTICLE]

HE MAU MANAO POLOLEI OLE.

Pinepine ko makou lohe ana, i na manao hoakaka o kekahi poe, no ka lilo o ka hookapuia ana o ka waiona, i mea waiwai ole, no ka mea, ke ku mai nei na mea oiaio i keia wa, no ka o! aku o ka inuia ana o ka waiona, mamua o ka manawa e noa ana ia mea. O ka inuia ana o ka waiona, he hana hiki ole ia e pau, elike me ka hiki ole ana e pau na hana e ae i papaia e ke kanawai; aka nae, aole e hiki ia kakou ke hoohewahewa, i na pomaikai, j loaa mai, mamuli o ka hookapuia ana o ka waiona. Ke ku mai nei na mea oiaio loa imua o kakou, no ka hoopakeleia ana ae o kekahi mau ohana lehulehu, mailoko mai o ka noho nele ana. ma o ka hookapuia ana o ka waiona; ua loaa i kela mau ohana he noho lako ana i keia wa, he mau waihona ko lakou o na hanako. a nohona hauoli ana, ka mea i ike ole ia mamua, i ka wa e noa ana ka waiona; aole keia ma Hawaii nei wale no, aka ma Amerika holookoa, a ma na apau, i hookapuia ai ka waiona. Ke olelo nei ka poe ilihune, no lakou wale no keia kanawai hookapu waiona i hanaia ai, no ka mea ua nele ka loaa ana o ka waiona ia lala o ka poe waiwai a kuonono, ke mau nei no ka loaa ana <» ka waiona ia lakou, a ke inu nei no me ka hauoli ia mea. Ua hanaia ke kanawai no na mea apau; o ka loaa ana o ka waiona i ka poe waiwai, ame ka poe kuonoono, aole ia no ko lakou waiwai ana, a kuonoono ana paha, aka no kela manao hookiekie a hakihaki kanawai o ke kanaka; aka ua oi aku anei ka pomaikai o kela poe, mamua o ka poe ilihune, i nele i ka waiona Aole! Ua lilo ka waiooa i mea hooi aku i ka pilikia ame ka poino iwaena o ka para o ka poe ilihune, no ka mea o ka lakou inu ana i ka ia no kekahi mau kumu maikai, aka no ka uhauha, ka lealea, nolaila he luamimilo ia nana e luma'i ana ia lakou ilalo.. iloko o na hopena awahia, a ko lakou mau ohana i auamo ai i ka noho auwe ana. Ina ua hoonele i'o ia ka papa o na kanaka haahaa, i ka waiona ma o ke kanawai hookapu waiona la, alaila o lakou ka i hoopomaikai; ua hoopakeleia ae lakou, ame ko lakou mau <;hana, mai na haawina mai, a ka nele ame ka pilikia, a lakou j o na wa ae nei i hala, ma kahi o na manao hoohalahala i ala ae iloko o lakou, no ka ike aku i ka lako o ka poe, kuonoono, a ulakolako o ka noho ana i ka wāiona; o ka manao hoomaikai. ame ka mahalo, ka mea pono a lakou e olelo ae ai, no ko lakou hapaiia ana ae, ma kekahi anuu kiekie ae, o ke ola ana i keia la. .

Ina i naauao na hoa o ka ahaolelo aku nei i hala, ma ka ninaii e pili ana i na kula olelo Kepani, ina ua hana lakou i kekahi hooponopono ahaolelo, e hoopau loa ana i ke a'o ana o kekahi kula, mahope aku o ka hora elua o ka auwina la, aka e hookaulike ana i ka manawa o na kula apau, mai na kula aupuni, a na kula kuokoa, mai ka hora eiwa mai o ke kakahiaka aka hora elua o ka auwina la, o na la kula apau; ma keia ano, ina ua makemake na Kepani, e hoonaauaoia ka lakou r,iau keiki ma ka olelo Kepani, alaila e hooneleia ana lakou c ka hoonaajiaoia kela mau keiki, ma ka olelo Beritania.