Ka Nupepa Kuokoa, Volume LXII, Number 21, 24 May 1923 — LAWE I KONA OLA ME KA PU PANAPANA [ARTICLE]

LAWE I KONA OLA ME KA PU PANAPANA

Ma ka hapalua o ka hora ehiku, 0 ke kakahiaka o ka Poakolu o ka pule aku nei i hala, i lawe ae ai he haole nona ka inoa o Neil Lydick, 1 kona ola iho, ma ke ki ana no iaia me ka pu panapana. Ma na mea i kolio wale ia aku, 0 ke kumu o ka lawelawe ana o kela haole i kela haua naaupo, mamuli mai no ia o ka hoopilikiaia o kona noonoo, ma na mea pili dala. He limahana oia no ka hui banako o Bihopa ma, a mamua aku o kona noho hana ana me kela hui banako, ua noho hana mua oia ma ke kahua hoomoana o na koa ma Leilehua. Maloko o kekahi hale, ma ke Kula Kamehameha kahi noho o kela haole me kana wahine. Ma ka hora ehiku o kela kakahiaka, i haalele iho ai ka wahine i ko laua home, no ka hele ana e ai i kona aina kakahiaka maloko o kekahi hale okoa aku, a iaia i huli hoi mai ai, e waiho aku ana kana kane, maloko o ka rumi moe o ko laua hōme, me ka puka poka ma kona poo. Mamua ae o ke ki ana o kela haole iaia iho i ka pu, he ola kino maikai kona, aole lie mau hoailona iki, no ka hoopilikiaia o kona noonoo ma kekahi ano, a ua kamailio pu no oia me kekahi o kona mau hoaloha ma kela kakahiaka, me ka maikai, me kona hoike okoa ana mai hoi, i kona piha lioihoi maoli, aka 1 ka haalele ana aku p kela lioaloha iaia; o kona manawa ia i ki ae ai i ka pu panapana ma kona poo, me kona make ana me ka hikiwawe loa mahope mai.