Ka Nupepa Kuokoa, Volume LXII, Number 22, 31 May 1923 — HE HOALOHALOHA NO KUU WAHINE HELELOA. [ARTICLE]

HE HOALOHALOHA NO KUU WAHINE HELELOA.

Mr. Sol. Hanohano, Lunahooponopono o ke Kuokoa, Aloha:—E oluolu oo c hookomo iho mii kekahi j wahi kaawale o ka kakou hiwahiwa, | ka wahaolelo o ka lehulehu, i ike mai ai ka ohana, na hoaloha mai Hawaii moku o Keawe a Kauai kaili la. Ua hanauia kuu wahine aloha, mai ka puhaka mai o Hunaikahaupo Kalua kona papa, a o Kukepoopuaakalani kona mama, ma Waipio, Hawaii, i ka M. H. 1863; a hoi mai ka'u wahine aloha a noho ma Moiliili me kona mau makua, a ilaila hui iho Ia niaua a hoohuiia hoi i]oko o ka berita maemae o ka maro i ka M. H. 1889 iloko o ka mahina o lanuari la 18, a hoolilo pu ia hoi maua i hoahanau no ka ekaleaia o Kawaiahao i ke Sabati mua o Aperila, o ia makahiki. Nee mai maua a noho mai i Kapauhi, no elua makahiki; a mailaila mai a noho ma Manamana ne elua makahiki, a loaa hoi ia maua elua keikikane, a nee hou no maua no Kakaako; no iwakalua-kumamalua makahiki, kahi hoi a maua i hookahua ai i ko maua noho ana, a mai ko maua puhaka aku lie hookahi keikikane a he ewalu kaikamahine, a ua like hoi me nmi-kumamakolu keiki, ekolu keikikane me ewalu kaikamahine. Mai Kakaako mai, nee maua no I Kaimuki, a nolio maua ilaila no ewa!lu makahiki, a pilia iho la no hoi ia maua he 34 makahiki ko maua noho ana iloko o ka berita maemae o ka mare, a haalele mai oia ia'u kana kane i hooneleia i ka wahine. me na kaikamahine okolu e ola nei, ' oia o Mrs. Abr. Koahou, Mrs. llazel Kaholokai ame Mrs. W. Kepano, a hoi aku la e hui pu me na keikikane I ekolu a maua ame na kaikamahine he elima i haalele mua mai i keia ola ana; pela pu me na moopuna. He makuahine hoomanawanui, lei keiki, lei moopuna ame na kualua. Ua nolioia e maua ma na wahi like ole o ke kulanakauhale nei, a ma ka apana o Kakaako i hookahua ai maua i ko maua home. Ua hoomailo ka ma'i i kuu wahine aloha no liookahi makahiki me eono Imahina, a haalele mai la oia ia'u ke kane i hooneleia i ka waliine. Ua huli aku i ke ola mai na wahi like ole o ke kulanakauhale nei, aka ua hiki ole ka mana o keia ao ke kaohi mai, a ko ae Ia ka olelo 0 ka buko nui Nana no i haawi mai a Nana no i lawe aku a hoonaniia hoi ko Akua ma na lani kiekie, he malu ma ka honua he aloha i kanaka He hoahanau oia no 34 makahiki no ka ekalesia o Kawaiahao, a he komite kiai no ka ekalesia, a o kuu wahine uloha kekahi na lakou i hookumu ka hui Oiwi o na Wahine, a he hoahanau no hoi, no ia hui no umi-kumamaono makahiki, a haalele mai la ia'u mo na lei a maua. He makuahine lokomaikai, he oluolu, ho aloha i na hoaloha, ea hoaJauna, a he puuwai hamama i ka poe apau e hiki aku ana imua ona no na kokua. Ua hala, ua hala kuu hoapili-i piliia e maua no 34 makahiki, a hoi aku la: Ma ko lesu mau lima, Ma Kona poli no, Malaila au e malu, A maha n!aikai pu. Hamau he leo nani, Ke meleia mai, 3£ao mai na puu nani, , M.ai kela ao maikai. ! Ua haalele mai oia ia'u i ka la | ekahi o Mei, a laweia aku kona ' kino wailua no ka hale kupapau o Borthwick, a ma ka la G mai i maneleia aku ai kona kino no ka luakini o Kawaiahao a ma na hoakaka manao o kuu Kahu Rev. A. Akana, i komo mai ai iloko o ka naau o ka'u mau keiki, ina aole na makua i aloha i na keiki pehea la e ike ai ua keiki i keia ao, a pela na manao paipai a Mr. J. H. S. Kaleo i haawi mai ai, a i ka hookuu ana o ke anaina hoomanao o leuu wahine aloha ua laweia aku kona kina wailua a hoomoeia aku ma ka aoao o kona makuahine, i hala mua 1 kela ao ma ka pa ilina o Kawaiahao. Ua piha hoi iaia he 60 makahiki, me na la keu o kona ola ana ma keia ao. Me ka mahalo ia oe e Solomon Hanohano, ame na keiki o kou papapa'i. Owau no ke kane i hooneleia i ka wahine. J. M. KEALOHA,