Ka Nupepa Kuokoa, Volume LXII, Number 23, 7 June 1923 — O KA PONO KE HANAIA A HAULE MAI NA LANI. [ARTICLE]

O KA PONO KE HANAIA A HAULE MAI NA LANI.

Ma ka hihia o ka Makaikiu McDuffie, i nienieleia ai e ke komisina makai, i hoike mai ai ka Lunahoomalu David K. Trask, o kela komisina i kona manao kuokoa a hoopilimeaai ole, me ka makee, e lawelaweia na hana apau a kela komisina me ka pololei, a me kela manao makee i ka pololei, i haawi ai oia i kana olelo hooholo no ka pili o ka hewa i ka Makaikiu McDuffie, me ke koi ajna e hoopauia oia mai ka noho hou ana he poo no na makaikiu o Honolulu ne;. No ka pomaikai o ko ke Kuokoa poe heluhelu, a i wahi e maopopo pono ai ia lakou ke kulana o ka Lunahoomalu David | K. Trask, ma keia hihia, a pela hoi me kona mau hoa, ke hoo- j puka aku nei makou, i ka leka a Mr. Trask, i hoouna aku ai i ka Meia Wilson, elike me ia malalo iho nei penei: HONOLULU, T. H., lune 5, 1923. I ka HON. JOHiN H. WILSON, Meia, Kulanakauhale a Kalana o Honolulu, Honolulu, T. H. Aloha oe: Malalo o ka Pauku 1702 o na Kanawai Hooponopono Hou ia o Hawaii, 1915, na hoakakaia maloko olaila, e "makaala pono ka Meia i ke kulana pili oihana o na luna oiHana apau o ka lehulehu ame ke ano o ka lakou lawaelawe ana i ka lakou mau hana a hooko i ka lakou mau kumu hoopaa," ua manao au, he mea pono ia'u ka waiho ana aku ia oe no kou noonoo ana mai i na hoakaka o na mea oiaio mahope ae nei e pili ana i ka hana ninaninau i malama koke ia iho nei e pili ana ia Arthur McDuffie, ke poo o na makaikiu e ke Komisina Makai. I ka manawa i hanaia ai na hoohalahala e ku-e ana ia Mr. McDuffie, a mamua ae hoi o ka hoomaka maoli ana o na hana ninaninau a ke Komisina Makai ua maopopo loa ke kulana o na Komisina Woods ame o'Connor no ke kapae ana i ka hihia me ka lawelawe hou ole ia aku o kekahi mau hana mamuli 0 ka moolelo i pili ia Austin, o ka wa i hala. Ma ko'u manao ua hooholo mua o Woods ame o'Connor i ko laua manao no ka hihia me ke kalahea ana, maluna o na mea a laua i maopopo mua ai, e pili ana ia mea, aole i pili o McDuffie i ka hewa, a aole lie pono e laweia mai oia imua o ke komisina no ka pane awa ina kumu hoohalahala. Mamuli wale no o ko'u paakiki he hana ano nui loa kela, a no ka pono ka lehulehu, he mea pono e noiiia aku ahiki i ka ikeia ana o na mea oiaio apau, no ka pono o McDuffie nona iho, ina aole no kekahi mea e ae, e hoomaka ka ninaninau ana ma ke ano ku i kc kanawai. O ko'u manao maoli no ka ukali ana aku i na mea maa i hana mau ia ma na hihia o keia ano, e kapaeia ka luna oihana 1 ahewaia oiai e kakali ana i ka hopena o ka hoolohe ana i ka ihihia. Ma keia manao o'u, e Mr. Meia, ua hoakaka mai oe i [ koU manao mahope mai nei no ke kulike loa me ko'u. Ua ku-e | mai ka hapanui o ke komisina ia'u ma keia manao. No ka mahae o na manao iloko o ke komisina ma ka manawa e hooloheia ana ka hihia, o ia ke koho ku-e ana o Mr. Woods ame Mr. o'Connor ia'u, ua manao iho au, he mea makehewa wale no ka lioakaka hou ana aku, koe wale no ua ku aku au i na manawa apau, no ka waihoia mai o na oleloike apau i pili lihilihi aku i ka hihia. Ma ke Sabati, lune 3, he elima la mahope iho o ka pau ana o ka hooloheia ana o ka hihia, a mamua o ka loaa ana o kekahi olelo hooholo, ua hoikeia mai la ia'u ka lohe no ka loaa ana o kekahi oleloike ano nui loa ma keia hihia i hoolohe mua ole ia. Ma ke ano nui, eia no ke ano o keia oleloike: Ua hoike mai kekahi mau mea kuonoono o Honolulu nei, ma kahi o elua mahina, mamua ae o ka holo ana aku o Mrs. McDuffie no Amerika, ua ike laua i kekahi komolima me ke daimana e komoia ana eia, a ia laua i kamailio aku ai i na manao niahalo no ia mea, a mai kekahi poe e ae, no lakou na inoa e waiho nei me a'u, ua olelo ae oia, ua haawiia aku ia mea iaia e Mr. McDuffie he mau pule lehulehu mamua aku a he waiwaiio kona ma kahi o ka $5000. O ke ano nui o ka oleloike o keia ano ua maopopo i na mea apau, o ka oi loa aku, mamuli o na oleloike kaawale i waihoia ae e Austin ame McDuffie ma ka hooloheia ana o ka hihia, e pili ana i nā hana i lawelaweia no kekahi daimana o elua ame hapaha carat. Ona mea na laua i hoike mai ia'u i keia mea ua makaukau laua auaaa e hele mai e hoike. Ua hoike aku au ia Woods ame o'Connor e pili ana i keia hoakaka, me ke koi ana aku, e hui pu mai laua me a'u, nna ke kauoha ana, e wehe hou ia ka hoolohe ana i ka hana ninaninau, i hiki ai ke laweia mai keia oleloike. Ua hoole inai laua, me ka olelo ana, ua lohe laua i ka laua mau mea apau i makemake ai e ike, a ina e wehe hou ana kakou i ka hoolohe ana, e hookau aku ana ia i ke komisina ma kekahi kulana maikai ole. Iloko o na lawelawe hana ana a ke komisina, mahope iho o ka pau ana o ka hooloheia ana o na oleloike ma ke ano pili oihana, ua ake nui loa o Woods ame o'Connor e hui pu aku au me laua ma ka haawi ana i olelo hooholo kuikai. la'u i hoike aku ai ia laua, ua loaa ia'u ka manao, o ka McDuffie moolelo ponoi no kana mau hana i lawelawe ai me Austin, ua hooiaio mai oia no kona kupono ole no ke kulana oihana ana e paa ana, ua koi mai la laua me ka ae ana, e kapae ia McDuffie mai ka hana aku no kekahi manawa, mai ka elua a i ka eono mahina, ina au e kakau ana i ka olelo hooholo no keia mea me laua. Ua hoole loa aku au e Mr. Meia i ka hana ana pela malalo o ke kumu malia paha aole i pili iki ka hewa ia McDuffie a i ole ua pili paha ka hewa iaia. Ina aole i hewa, e hookuu loa ia oia, ina ua hewa, e hoopau koke ia oia. Mai kela manawa mai, a ke mau nei no ia manao o'u, aole he keena ma keia hihia, no ka hoolokahi ana, a ina ua ike na Kjomisina Woods ame o'Connor i ka hewa o McDuffie ma kekahi ano, o ke alahele wale no i hamama no laua, o ia no ke koho ana no kona hoopau koke ia. No na mea ano nui e ae i pili i ka hihia ma kekahi mau kumu e ae, aohe a'u mea hou aku e paku'i ai i ka'u hoike a ka liapa uuku, o ke kope o ia mea ua waihoia aku ia oe i nehinei. DAVID K. TRASK, Lunahoomalu Komisina Makai. Ke oni mai nei na wahine iloko o keia mau la, me na manao lokahi, no na alahele, e loaa ai ka maluhia ma keia mua aku, a e palekana ai na wahine mai na hana limanui aku, i lawelawe mau ia iloko o na manawa ae nei i hala; ma keia ano aole a kakou mau hoohewahewa ana, no ko lakou komo kino mai iloko o na hana kalaiaina ma keia mua aku. •++ Ma keia Poakahi ae ka La Kamehameha, he hana na na Hawaii apau, ka hoikeike ana ae i ko lakou mau manao ohohia, no ko lakou la kulaia ponoi, aole a i na la kulaia e ae, ilaila e hoikeike ai i na manao ohohia!