Ka Nupepa Kuokoa, Volume LXII, Number 24, 14 June 1923 — E HOONUI IA AE KA HAAWINA DALA NO KA HOME LEAHI. [ARTICLE]

E HOONUI IA AE KA HAAWINA DALA NO KA HOME LEAHI.

Maloko o ka hoike makahiki a ke Kauka A. N. Sinclair, ka lunahoo2āna o ka Home Leahi, aole me ka hikiwawa a holomua loa ka lapaau ana i ka poe ma'i akepau ma ka haleina'i akepau ma Leahi Home, aka ma ke ano ulolohi loa. O jia make i ka ma'i akepau, ua hoemiia mai ke 31 no ka 10,000 kanaka i ka 1911, ka manawa i kukuluia<ai ka halema'i Leahi, a i ka 18 no ka 10,000 i ka makahiki i hala. Maloko o ka hoike a ke Kauka Sinclair, ua haawi oia i kona mahalo i ka buro ma'i akepau no ka hana i hanaia e ia buro ma ka hooikaika ana e kinai i ka laha loa ana ae o ka ma'i i kau nui ia ka weli i nei mau la, aole mawaena 0 ka lahui kanaka hookahi wale no, aka e na lahui kanaka apau e noho nei maloko o Hawnii i keia la. He elua haneri ka nui o na ma'i e malamaia mai nei ma ka Home Leahi, a ua manaoia e oi aku ana maluna o keia ka nui o na ma'i 1 keia makahiki ae. Ua lawa kela halema'i me na lako e hiki ai ke paio aku me ka ma'i, o ka makemake no o ka lunihoohana e hooI mahuahua ae ka haawina dala no ia |home no ka 1924. $