Ka Nupepa Kuokoa, Volume LXII, Number 24, 14 June 1923 — O MAUI NO KA OI. [ARTICLE]

O MAUI NO KA OI.

Ma ka huakai aku nei a na lala o ka Ahahui Kamehameha no Maui, i hoike okoa mai ai na keiki o ka moku o Kama, a mau lala hoi o ka Ahahui Kahekili, ahahui lala o Kamehameha i ko lakou hiipoi i kela moto kaulana, o Maui no ka Oi, ina o na hookipa i paneeia mai imua o na malihini, mc ka puuwai lahalaha. ka mea nana i hoopa mai i ka puuwai o na Kamehameha ame na malihini, i komo aku iloko o na hauoli ana mamuli o ka lokomaikai i paneeia mai imua o lakou. O ka hoailona hikimua o na hana hookipa a na lala o ka Ahahui Kahekili, i ka hehi ana aku o na malihini kaahele i ka aekai o Kahului; ka mea hoi nana i hookahaha mai i ko lakou manao, o ia no ke kauia ana o kekahi mau huaolelo moakaka maluna ona kaa otomobile apau, e hoakaka ana: Nou e Kamehameha", a o ka lua o na hoailona nana i hoopa mai i na uhane o na kamahele, o ia no na huaolelo i kauia ma ka puka o na home, e i ana: "E kipa e Kamehameha! Aole he mau huaolelo i oi aku ke kupono elike ae la me kela, a na keiki o Kahekili i lawe mai ai, a kau ae maluna o na kaa otomobile, ame na home lehulehu; ma o kela mau huaolelo la, i hoike okoa mai ai na keiki o Maui, i ka wehe hamama ia o na mea apau, no ka pono ame ka hauoli o na malihini makaikai; he hoike maopopo loa, no ka lahalaha 0 ko lakou mau puuwai, me ka makee no ka pono wale no o na malihini. % . O na hookipa ana i paneeia mai imua o na lala o ka Ahahui Kamehameha, ma ke ano nui ke olelo ae, aole ia ma ke ano hoomaauea, aka ma ke ano kanaka makua, me ke kui o, e hoike okoa mai ana, ma o na mea i hoomakaukauia no na malihini, aia na manao lokahi iloko o ka Ahahui Kahekili, aole wale e hookipa aku i ko lakou mau hoahanau o ka ahahui hookahi, ame na malihini apau mai Honolulu aku nei, me ka puuwai hamama o ke ano Hawaii oiaio; aka no ka pulania ana i kela moto kaulana a na keiki apau o Maui e haaheo nei, "O Maui no ka Oi", e lilo ai ia mau hana hookipa ma ko lakou aoao, i kiahoomanao poina ole iloko o ka noonoo o na malihini. O na mea apau a oukou c na lala o ka Ahahui Kahekili i hana mai ai, no ka pono ame ka hauoli o na lala o ka Ahahui Kamehameha ame na malihini e ae, i lilo he mau malihini hanohano na oukou, iloko o na hora kakaikahi, a lakou i hoohala ai ma ka moku o Kama, ua lilo ia, i kiahoomanao no oukou, a 1 kumu alakai hoi, na kekahi mau ahahui lala e ae o ka Ahahui Kamehameha e ukali aku ai, ma na manawa elike me keia e hoea mai ana ma keia mua aku. Ua ai na lala o ka Ahahui Kamehameha i ko oukou lokomaikai e na keiki o k ;a Ahahui Kahekili a lawa i na meaai i hoomakaukauia, aole wale 110 ma ka ahaaina luau i malamaia, aka ma na home, i hookipaia aku ai na mlihini; a ua inu pu me ka hauoli ia lokomaikai hookahi, a me na puuwai i piha me na manao mahalo me na hoomaikai he nui, i huli hoi mai ai lakou no keia kulanakauhale, iloko o na hoomanao poina ole, no ka oukou mau hana kilakila pookela, o ka hookipa hoahanau oiaio loa, mailoko lilo mai o ko oukou mau puuwai. Ma ka aoao o ke Kuokoa nei, ke haaheo nei ia, no na hoike oiaio loa, o na hookipa kui'o a oukou e ka Ahahui Kahekili, i pulama aku ai i ko oukou mau hoahanau o ka ahahui hookahi, a ke manaoio nēi keia pepa, e hoomauia aku ia hana kilakila a oukou, ma keia mua aku, ma na manawa e ili aku ai ke ko'iko'i, o ka hookipa hou ana i ko oukou mau hoahanau; a e lilo pu hoi ka oukou mau hana hookipa, i kumu hoohalike na na ahahui lala e ae o ka Ahahui Kamehameha, ke hoea mai i ko lakou manawa e kaa ai, i mau kamaaina, no ka hookipa ana i ka Ahahui Kamehameha i kekahi wa e hiki mai ana. He mea oiaio, ua nui na hooikaika ana e holopono kela mau hana hookipa, ua lilo nae na hana nui, i mea liilii i ka manao lokahi; o keia iho la no ka pohaku paepae, nana e hooholomua i na liana apau, ina ma na mea pili ahahui, a mau hana c ae paha; me kela manao lokahi no auanei, ua hiki ia kakou ke olelo ae, e hoea mai ana he la ma keia mua aku, e ku ai ka Ahahui Kamehameha maluna o kona kahua onipaa, a e noho ai hoi maloko o kona home ponoi.