Ka Nupepa Kuokoa, Volume LXII, Number 24, 14 June 1923 — HE MANAOLANA NO KA POE HOOKUONOONO. [ARTICLE]

HE MANAOLANA NO KA POE HOOKUONOONO.

Ua ku mai nei ka Lunanui Jolm Hind, o ka mahiko o Hawi, Kohala imua, a hoike ae i kona manao kokua i ka poe hookuonoono, ma ka hana ana he aelike me ka poe kanu ko, e haawi ana i kanahiku pakeneka o na kopaa c wiliia ana ia lakou, a i kanakolu pakeneka i ka mahiko. He nuhou hoohauoli keia i ka poe he mau home hookuonoono ko lakou ma na aina kanu ko: a ina penei iho la na mahiko e ae, e hoike mai ai i ko lakou mau kokua i ka poe hookuonoono, alaila aia he manaolana nui, no ka hooikaika maoli o na Hawaii, i ka mahi ana i ko lakou mau aina i ke ko, ma keia mua aku. O ka pilikia nui i hoomaopopoia, iloko o na makahiki lehulehu ae nei i hala, aole i loaa aku i na mahiko, kela manao makee, e haawi aku i na kokua ame na hana hoohoihoi apau i na kanaka Hawaii, i waW no lakou e hoomau ai i ka hana kanu ko: aka ua nana wale no kela mau mahiko i ko lakou mau pomaikai iho, me ka noonoo ole aku no ka hopena e kau aku ana maluna o ka poe hookuonoono. Ma ka moolelo o na kanaka Hawaii, mai kinohi loa mai, o lakou kekahi poe hooikaika me ka makaala ma kela oihana, ke haawiia aku na kumu hoohoihoi apau ia lakou; aka ina he hana kapakahi kekalii e lawelaweia ana, o na Ilawaii kekahi poe hoopauha, no ko lakou makemake ole, e lilo ko lakou luhi, i mea poho wale. Ke waiho mai nei na aina hookuonoono o kekahi poe Hawaii, me ke kanu ole ia i ke ko, no ke kumu, aole na mahiko i lilo i mau mea kokua aku ia lakou; o na aelike i hanaia o ka wa ae nei i hala, ma kekahi mau mahiko me ka poe hookuonoono, he mau aelike ia, e loaa ole ai na pomaikai i ka poe kanu ko; ua ahona ka waiho wale ana i ka aina, mamua o ke kanu ana i ke ko, no ka mea e noho mau ana ka poe hookuonoono iloko o ka aie, me ke kaa o na pomaikai, i na mahiko. Aole he kumu nui i holopono ole ai ka hana hookuonoono ma Hawaii nei, iloko o na makahiki ae nei i hala, o ka haawi ole ia o kekahi pakeneka kiekie o ka mahele kopaa i ka poe hookuonoono, a uuku na pakeneka ma ka aoao o na mahiko; aka me ke ana pakeneka kiekie o kanahiku ma ka aoao o ka poe kanu ko, a i kanakolu ma ka, aoao o ka mahiko, aia he manaolai?a nui, no ka loaa he pomaikai i na Hawaii, e hoomahu'i ana ma kela hana; ke ole nae, e hoohtmahema ka mahiko, i ka wili ana aku i ke ko a ka poe hookuonoono, a ha!a ka wa kupono. Ua ike ko Waiakea poe hookuonoono i ka pilikia o ka hana kanu ko i keia manawa, pela me ka poe hookuonoono o na wahi e ae; e hoopauia ana nae keia pilikia iwaena o lakou, ina e ukali mai ana na hui mahiko e ae, ma ke alahele a ka Lunanui John Hind o Hawi, Kohala, Hawaii, i hana aku ai,

i na Hawaii malaila; me kela hoailona maopopo loa o na pomaikai, e konoia mai auanei na Hawaii, he mau aina kanu ko ko lakou, e komo kino, me ka hooikaika ana i ka hana kanu ko, ma ia ano auanei, e lilo ai lakou, aole wale no i poe ohi i na pomaikai, aka e lilo pu ana lakou, i poe hoopulapula ia lakou iho, me ka hoolaupa'i ana i ka aina.