Ka Nupepa Kuokoa, Volume LXII, Number 25, 21 June 1923 — Page 6
| This text was transcribed by: | Genesis Kauhi |
| This work is dedicated to: | Awaiaulu |
Ka Nupepa Kuokoa
KE KILOHANA POOKELA NO KA LAHUI HAWAII.
NUPEPA KUOKOA HONOLULU, T. H., POAHA, IUNE 21, 1923.
MA KE KAUOHA
Na Kanawai Kau o 1923
(Mai Ka Aoao Elima Mai)
PAUKU 5. O kela ame keia kahua maluna olaila ua malamaia na holoholona i loaa i ka ma’i akepau e hoomaemaeia kela wahi me ka hikwawe mahope koke iho o ka hookaawaleia ana aku o ia mau holoholona a i ku i ke aponoia mai e ke kauka-holoholona o ke teritore, e kona kokua a i ole hope paha malalo o na hoolilo o ka ona.
PAUKU 6. O ka papa mahiai ame ululaau ma keia ke hoomanaia aku nei e lawelawe pu me ke keena federala o ka oihana holoholona iloko o ko lakou hooikaika ana e hoopau i ka ma’i akepau o na bibi, a i ole na ma’i lele e ae o na holoholona, a ke hoomanaia aku nei e hooholo e koho i ke poho o na holoholona i pepehiia a e hoike aku i na loaa o ke kino mahope o ke kuaiia ana aku o ia holoholona i kulike ai me na hooponopono a ia keena iederala.
PAUKU 7. No na hana a keia Kanawai, e hui pu ana me na koi e ku nei ke paku iia aku nei ka huina o iwakalua-kumamalima tausani dala ($25,000.00) me na dala i hookaawaleia i keia manawa a e loaa no keia hana, ma keia ke hookaawaleia nei.
PAUKU 8. O ke Kanawai 204 o na Kanawai o ke Kau o 1919, elike me ia i hoololiia ai e ke Kanawai 128 o na Kanawai o ke Kau o 1921 ma keia ke hoopauia nei.
PAUKU 9. E mana no keia kanawai i kona aponoia ana.
Aponoia i keia la 1 o Mei, A. D. 1923.
W. R. FARRINGTON,
Kiaaina o ke Teritore o Hawaii.
KANAWAI 125
(B. S. HELU 75.)
HE KANAWAI
E. PILI ANA I NA KUAI ANA AKU A KA POE MAAUAUA KAAHELE, A E HOOPAU ANA I KE KANAWAI 194 O NA KANAWAI O KE KAU O 1921.
E. Hooholoia e ka Ahaolelo o ke Teritore o Hawaii:
PAUKU 1. O ka manao o “Mea maauaua kaahele” no ka pono o keia Kanawai e manaoia no a e hoohuipuia mai kela ame keia mea e ina paha nana ponoi a i ole kena paha, e lawelawe oihana ana no ka manawa a i ole e kaahele ana maloko o keia Teritore ina paha ma kahi hookahi a i ole ma ke kaahele ana paha mai kekahi wahi a i kekahi wahi aku, e kuai aku ana i na mea kuai, a, no ka hoohana ana aku i kana oihana, hoolimalima, a i ole e hai ana i kekahi rumi (e hui ana me kona rumi iloko o kekahi hokele a i ole hale paha, ina paha e hoohanaia ana ia mau rumi e ia mea no ka noho ana a i ole aole paha) a i ole o kekahi hapa paha o kekahi hale a i ole wahi i kukuluia no ka hoikeike ana ame ke kuai ana ia mau meakuai, a i ole no ka hoikeike ana i na buke a i ole mau mea paha i manaoia no ka lawe ana mai i na kauoha mai laila mai no ke kuai ana i na mea kuai koe ina e lawelawe ana ia mea ma kekahi hana kalepa pili i na mokuaina.
Aole kekahi mea maauaua kaahele e hookuuia aku a i ole e hookoeia mai na hoakaka ae ame na koi ana a keia Kanawai no kona noho hui pu ana paha n oka manawa me kekahi mea kuai kuloko nei mea kukala paha, mea kuai paha kalepa a i ole mea hana kaa lawe ukana a i ole mamuli paha o ia hana n oka manawa a i ole oihana mea maauaua kaahele paha a hui me kekahi mea, a i ole ma ka inoa o kekahi mea kuai kuloko nei, kukala, mea kuai, kalepa a i ole mea kaa lawe ukana paha.
O na hoakaka a keia Kanawai e pili aku no ia, a o ka manao o “maauaua kaahele” no ka pono o keia Kanawai, e manaoia no a e huipu ana me ka mea, ina paha nana ponoi a i ole akena paha e lawelawe ana no ka manawa a i ole oihana maauaua kaahele maloko o keia teritore, e kuai ana i na mea kuai, ina paha e hana ana ia mea a i ole e hana ole ana palia no ka lawelawe ana ia oihana e hoolimalima ana, a i ole e noho ana paha maloko o kekahi rumi hale a i ole wahi i kuku luia no ka hoikeike ana ame ke kuai ana aku ia mea kuai, a o ka mea e lawe ana, a i ole e hali ana ia mea, hookahi puolo, pahu a i ole hinai a i ole me ahali e ae, i kekahi mea hookahi i makemake mai, ina paha o ia mea e lawe ana o ia iho no paha a i ole aole paha, no kekahi mea i oi aku mamua o hookahi mamuli o ka lawe ana aku ia mea hookahi ma ke ano he mea i kuai mai.
O na hoakaka o keia Kanawai aole no e pili aku i na kuai i hanaia i ka poe kuai ma ke ano kalepa a i ole e na akena kuai ma na hana maamu, a i ole i na hoolilo pololei o na mea kuai ma o na lole i humuia no ka lawe ana aku i kekahi manawa mamua aku nei, a i ole i ka poe apa ue ku ana ma na alanui, a i ole i na poe kalewa mai na kaa mai, a i ole no kekahi kuai ana i na mea kuai, maluna o na kahua a i ole wahi o na hoomana a i ole wahi manawalea a i ole kekahi ahahui i hoohuiia no ka oihana mahiai oiai e mau ana ka hoohanaia ana o kekahi fea no ia ahahui a i ole hui a i ole no ke kuai ana i kekahi kii ma kekahi wahi kuai kii maoli a i ole no ke kuai ana ma o kekahi mea penakii i kana mea i hana ai.
PAUKU 2. O na maauaua kaahele apau, mamua o ka hoomaka ana e lawelawe i kana oihana maloko o keia teritore, e noi mua aku ma ke kakau malalo o kekahi hoohiki i ka Puuku o ke Teritore no kekahi laikini, e hoike ana i na inoa ame kahi noho o na ona a i ole na poe no lakou keia oihana i oleloia e lawelawe aku ana: a e waiho aku no i kekahi hoahu kuikawa o hookahi tausani dala ($1,000.00) me ia puuku, a e uku aku ia puuku, ma ke ano he loaa n oke teritore i ka huina o hookahi haneri dala ($100.00) ma ke ano he auhau laikini teritore. Ia manawa no ka puuku e hoopuka mai ai aiai i laikini maauaua kaahele, e hoomana mai ana iaia e lawelawe hana maloko o ke teritore elike me na hoakaka a keia Kanawai no ka manawa o hookahi makahiki mai ka la aku i hoopukaia ai ia mea. E paa no maluna o kela ame keia laikini kekahi kope o ka palapala noi.—aole e haawiia aku i kekahi mea okoa aole e hoomana ana a oi aku mamua o hookahi mea e kuai aku ana i na mea kuai ma ke ano he mea maauaua kaahele, in paha ma kekahi akena a i ole kakauolelo paha a i ole ma kekahi ano e ae paha mawaho o kona kino ponoi iho, a aole no hoi e haawi aku ana i ka mana e kuai i na mea kuai ma ke ano he mea maauaua kaahele a oi aku mamua o hookahi wahi i ka manawa hookahi.
PAUKU 3. E malama no ka puuku teritore ma kekahi papa i na palapala noi apau no ia laikini ame kekahi buke helu o na laikini apau i hoopukaia. O na papa ame na buke helu a ka puuku i oleloia ame na puuku o na kalana a i ole kulanakauhale ame kalana like ole i oleloia e pili ana i keia mau palapala noi ame na laikini e hanaia maluna o kekahi palapala kupono a e hamama i ka lehulehu.
PAUKU 4. Mamua o ke kuai ana aku malalo o keia laikini Teritore maloko o kekahi kalana a i ole kulanakauhale ame kalana o kela ame keia mea maauaua kaahele e hoikeike aku ia laikini i ka puuku o ke kalana a i ole kulanakauhale ame kalana iloko olaila oia i makemake ai e kuai a i ka uku ana aku i ka puuku i oleloia no kekahi laikini kuloko hou, elike me ia i hoakakaia mamua ae nei, no ka pono o ia kalana a i ole kulanakauhale ame kalana, e hoopaa iho no ia puuku i ka laikini teritore ma kona piha, a e hoopaa iho maluna olaila i na huaolelo “Ua ukuia mai ka auhau laikini kuloko.” a e kakau i kona inoa oihana, me ka la o ia kakauinoa ana. Alaila e hoopuka aku oia i laikini kuloko, e hoomana ana i na kuai maloko o na palena o ia kalana a i ole kulanakauhale ame kalana paha.
O ka auhau no ia laikini he kanalima dala ($50.00) o ka la hookahi a o ia laikini e maikai wale no elike me na la o ka auhau laikini o kanalima dala ($50.00) o ka la hookahi i ukuia aku, a e paa ma kona alo he hoike o ka la e pau ai ia mea.
PAUKU 5. Aole kekahi mea maauaua kaahele e hoolaha, hoike a i ole lawelawe aku i kekahi kuai ana ma ke ano he waiwai inisuaia, banakalupa, poho, mea i haawiia mai, kahu, hooko waiwai, mea paa waiwai, poe kuai i na mea i hanaia a i ole no ka hoopau ana i na mea kuai, a i ole ma ke ano he waiwai i poino mamuli o ka uahi, ahi, wai a i ole ma kekahi ano e ae paha, a i ole ma keia mau mea like, mamua o ka hana ana pela, e hoike mai ma ka hoohiki ma ke kakau i ka puuku o ke teritore maloko o ka palapala noi kumu no kekahi laikini teritore, a i ole ma kekahi palapala noi paku’i paha, i hoopiha mua ia, a i kopeia maluna o ka laikini, i na kumu apau e pili ana ia mea ame ke ano o na mea kuai kuikawa elike me ia i hoolahaia ai a i waihoia mai, e hui pu ana i na inoa o na kanaka mailaila mai i loaa ai na mea kuai i loaa ai na mea kuai i loaa ai, ka la o ka laweia ana mai i ka mea e paa ana i ka laikini, ame kahi i hoea mai ai ia mea kuai ame kahi hope i laweia mai ai me na mea liilii apau loa e pili ana ia mea i hiki ai e ike pono ia kahi i hiki mai ai ia mau mea e kuaiia aku ana. O kekahi hoike hoopunipuni ana maloko o ka palapala noi, ina paha o ka palapala kumu a i ole palapala paku’i paha, no kekahi laikini a o ka nele ana ma ka aoao o ka mea paa laikini e hooko me na koi apau a keia pauku e hiki no ia mea maauaua kaahele e ahewaiai a e hoopa’iia aole e oi aku mamua o elima haneri dala ($500.00) a i ole hoopaahao aole e oi aku mamua o kanaono la a i ole na hoopa’i no a elua.
PAUKU 6. O na laikini teritore apau i hoopukaia malalo o keia Kanawai e pau no ma ka palena o hookahi makahiki mai ka la aku i hoopukaia ai, a ua hiki no, ina e makemakeia ana, e hoihoi hou aku i kekahi manawa mamua iho o keia no ka hoopuaia, a aole kekahi laikini kuloko e hoomauia aku no kekahi manawa loihi aku mamua o ka manawa o ka laikini teritore i hoopukaia ai. I ka pau ana ame ka hoopuka hou ia ana aku o kela ame keia laikini teritore, e kahakua iho ka puuku teritore e hoopau ana ia mea, e kakau iho i ka la o kona laweia ana mai ame ka hoopauia ana maluna iho a e waiho ia mea ma ka papa. Ma kahi o ka haawiia mai a i ole hoopauia mamua o ka manawa e pau ai, na ka puuku teritore, ma ke kakau, e hoike aku i kela ame keia puuku kalana ai ole kulanakauhale ame kalana pakahi no ia haawiia ana mai a i ole hoopauia ana paha. E paa ka puuku teritore i ka waihona kuikawa i hoahuia mai e ia mea paa laikini i hoikeia maloko neia no kekahi manawa o kanaono la, a mahope o kona maopopo ana o na koi apau maluna o ia mea malalo o keia pauku, e hoihoi aku no ia dala hoahu a i ole kekahi hapa paha o ia mea, ina he koena kekahi, elike me ka mea e koe ana maloko o kona mau lima i ka mea paa laikini nana i hoahu mai ia mea. O kela ame keia dala i hoahuia me ka puuku teritore e hiki no e lawe waleia elike me kona waiho ana maloko o kona mau lima no na hoopii a i ole kanasiia mai paha a i ole hoomalu mamuli o ka poe koi aie no na koi e ulu ae ana no na mea e piil ana me ka oihana i lawelaweia malokio o keit teritore, a e uku ae no oia, malalo o ke kauoha a ka’aha, a i ole mamuli o kekahi hoomalu, ia huina dala e koiia aku ana i kona ahewaia ana a i ole ma kekahi ano e ae paha. O ia dala i hoahuia, a i ole o kekahi hapa paha o ia mea, aole e ukuia i ka puuku i oleloia ma kekahi ano e ae paha, ahiki i ka pau ana o na la he kanaono i hoakakaia maloko o keia pauku. O ia dala i hoahuia e hiki no e laweia no ka uku ana i na hoopa’i apau ame na auhau i kau mai maluna o ka mea paa laikini no kona ku-e ana i na hoakaka a keia Kanawai, a na ke kakauolelo o ka aha iloko olaila, a i ole lunakanawai apana iaia i hookauia mai ai ka hoopa’i a i ole auhau e haawi aku ia manawa i hoolaha i ka inoa o ka mea paa laikini maluna ona i kau mai ai ia hoopa’i a i ole auhau ame ka huina o ia mea i ka puuku o ke teritore, a nana ina aia iloko o kona mau lima he huina lawa kupono i hoahuia e ia mea paa laikini, a nana e uku mai ia huina i hoikeia e ke kakauolelo i oleloia a i ole lunakanawai apana paha a ina, ua loaa ole i ka puuku ka huina e lawa pono ai ka hopoa’i ma ka huina i hoahuia, e uku mai no oia i ka huina elike ka nui me ka mea e paaia ana e ia. O na olelo hooholo apau, na hoopa’i a i ole auhau paha e ukuia no elike me ka loaa ana mai o na koi i ka puuku o ke teritore ahiki i ka lawa ana o ia mau koi, a i ole ahiki i ka pau ana o na dala i hoahuia; aka aole kekahi hoolaha i waihoia mai mahope o ka hala ana o na la he kanaono ka hopena i hoike mua ia ae nei, e lilo i mea ku i ke kanawai. Aole kekahi uku ia ana aku o kekahi hapa o ia dala i hoahuia e haawiia i ka mea paa laikini koe wale no a ua paaia aku ka huina elike me ke koi no ka uku ana aku i na koi apau loa no lakou i paaia ai elike me ka hoolaha i loaa mai a e ku ana aole i ukuia.
PAUKU 7. I kela ame keia manawa e hoopukaia ai kekahi laikini teritore malalo o na hoakaka a keia Kanawai a ua nalowale a i ole ua hooleia i mea e hiki ole ai ia laikini, mahope o ka pau ana o ka manawa e hoikeikeia, a i ole e haawiia mai malalo o na hoakaka o ka Pau ku 6 o keia Kanawai, o na laikini, e pili aku no malalo o na hooponopono ana elike ka mea e koiia mai ana e ka puuku, a e waiho aku i kana palapala hoohiki me ka puuku e hoakaka ana i ke ano o ia laikini me ka maopopo lea i hiki ai e ikeia kona ano ame ka mea nana e koi mai ana, a e hoike ana i na lilo ame kona poino, a na ka puuku mahope o kona ike ana i keia mau mea e hooia ana i ka nalowale ana a i ole poino ana, ua hiki iaia e lawe mai ia mau hoike a e apono ia palapala hoohiki aku na dala i hoahuia ma ka waihona kuikawa ma ke ano o ka laikini kai hoihoi ia mai e ia.
PAUKU 8. Ina e hoopiia ana kekahi mea e lawelawe hana ana no ke ku-e i kekahi o na hoakaka o keia Kanwaai, e koi mai ana a i ole e hoike ana i kona hookolokoloia ana ua hoomaka oia ia oihana me ka manao pono e hoomauia aku ana ma kahi ana i hoomaka ai ia hana, o ka ahahookolokolo imua olaila i hooloheia ai ia hihia, i kona manao ana, e hoomau aku ia hihia mai kekahi manawa a i kekahi manawa aole e oi aku mamua o hookahi makahiki, e lawe mai ana i bona lawa pono mai ka mea i hoopiiia ma kekahi huina aole e oi aku mamua o hookahi tausani dala ($1,000.00) ma kahi o kona hoea mai no ka hookolokoloia no ka hihia i hoopaneeia, ua hiki no hoi e aeia aku na oleloike no ka hana i hanaia, ka oiaio, kona ae ana a i ole na mea apau e pili ana i ulu ae mai ka hoomaka ia ana o ka hoopii a e pili ana i na ike ame ka manao o ka mea i hoopiiia:
I ka hookolokoloia ana o kekahi mea i hoopiiia mai no ke ku-e i kekahi o na hoakaka o keia Kanawai, a i ole ma kekahi hihia e koiia mai ana maluna o kekahi mea e ka puuku o ke teritore, a i ole ma o kekahi kalana a i ole kulauakauhale ame kalana ma o kona puuku no ka uku ana aku o kekahi huina a i ole mau huina i koi ia malalo o keia Kanawai mai kekahi mea mai, ina e ikeia ana o ia mea aole no kekahi manawa aole i emi iho malalo o eono mahina mamua aku o kona hoomaka ana e hana maloko o keia teritore, ka oihana o ke kuai ana aku i na mea kuai elike me ia i hoakakaia maloko o ka Pau ku 1 o keia Kanawai, ua lawelawe ia hana maloko o keia teritore, o ia mau ike e manaoia he ike lawapono o ia mea he maauaua kaahele malalo o ka manao o keia Kanawai.
PAUKU 9. O ke Kanawai 194 o na Kanawai o ke Kau 1921 ma keia ke hoopauia nei.
PAUKU 10. E mana no keia Kanawai i kona aponoia ana.
Aponoia i keia la 1 o Mei, A. D. 1923.
W. R. FARRINGTON,
Kiaaina o ke Teritore o Hawaii.
KANAWAI 126.
(B. S. HELU 82.)
HE KANAWAI
E Hookaawale ana I Haawina No Ke Kuai Ana I Na Koena Pono Hana Alanui E Haawiia Mai Ana No Ka Hoohanaia Ana E Ke Teritore O Hawaii E Ke Keena Kalaiaina.
E Hooholoia e ka Ahaolelo o ke Teritore o Hawaii:
PAUKU 1. O ka huina o ekolu tausani dala ($3,000.00) ma keia ke hookaawaleia nei mailoko ae o na dala maloko o ka waihona puuku, aole i hookaawale mua ia, no ka uku ana i na hoolilo apau o ka lawelawe ana, hookomo ana iloko o na pahu ame ka hoouna ana mai ame na auhau uku maluna o na pono hana alanui e hoounaia mai ana no ka hoohanaia ana e ke Teritore o Hawaii e ke keena kalaiaina, mai kahi mai e hoounaia mai ana ahiki i kahi i makemakeia ai ma na Paeaina Hawaii a ka Lunanui o na Hana Hou e hoike aku ai.
PAUKU 2. E lilo no i hana na ka lunanui o na hana hou ka hooko ana aku i na hoakaka a keia Kanawai. Ua hiki iaia e hoole i kekahi a i ole i na pono no apau, ina oia e manao ana ua oi aku ka pono ke hana pela.
PAUKU 3. E mana no keia Kanawai i kona aponoia ana.
Aponoia i keia la 1 o Mei, A. A. 1923.
W. R. FARRINGTON,
Kiaaina o ke Teritore o Hawaii.
KANAWAI 127
(B. S. HELU 127)
HE KANAWAI
E Hoomaopopo Ana No Na Hoolilo O Ka Hoolaulea Ana I Kekahi Mau Senatoa Ame Na Lala O Ka Hale O Na Lunamakaainana O Ka Ahaolelo Nui O Amerika Huipuia Ame Na Lala O Ka Aha Kuhina O Ka Papa Kuhina O Amerika Huipuia E Hele Makaikai Mai Ana I Ke Teritore O Hawaii Mamua Iho O Ka La 31 O Dekemaba, 1923, Ame Ka Hoolilo Ana I Na Dala I Hookaawaleia Maloko Nei.
E Hooholoia e ka Ahaolelo o ke Teritore o Hawaii:
PAUKU 1. Eia ma keia ke hoomanaia nei ke Kiaaina o Hawaii e hoouna aku i kono i kekahi mau lala o ka Aha Senate o Amerika Huipuia, na lala o ka Hale o na Lunamakaainana ame na lala o ka papa Kuhina o ka Peresidena o Amerika Huipuia, e hele mai e makaikai i ke Teritore o Hawaii iloko o ka makahiki oihana o 1923.
PAUKU 2. O keia huina o umi tausani dala ($10,000.000) ke hookaawaleia nei ma keia, mailoko ae o na dala maloko o ka waihona puuku o ke Teritore o Hawaii, aole i hookaawale mua ia, no ka uku ana i na hoolilo o ka hoolaulea ana i na lala o ia poe e hele mai ana e makaikai i ke Teritore o Hawaii mamua iho o Dekemaba 31, 1923.
PAUKU 3. O ke Kiaaina, ka elele Lahui ame ekolu lala o ka ahaolelo e hookohuia ana e ke Kiaaina, e lilo i komite no ka hoolaule’a ana ame a i ole hoomaopopo ana i hoolaule’a no na lala o ia poe e hele mai ana iloko nei o ke Teritore o Hawaii.
PAUKU 4. O ia komite e hui ana malalo o na hoakaka a ka Pauku 3 o keia Kanawai na lakou e koho mai mawaena ae o lakou iho i lunahoomalu.
PAUKU 5. O na dala i hookaawaleia ma keia e hooliloia no maluna o na kikoo dala i hoopukaia e ka lunahooia o ke Teritore maluna o na kikoo aie i hoomanaia e ke komite a i kakauinoaia e ka lunahoomalu o ia komite.
PAUKU 6. E mana no keia Kanawai a e lilo i mea mana mai a mahope aku o ka la o kona aponoia ana.
Aponoia i keia la 1 o Mei, A. D. 1923.
KANAWAI 128
(B.S. HELU 142)
HE KANAWAI
E Hookaawale Ana I Ka Huina O Ekolu Haneri Me Iwaka-Lua-Kumamaha Dala Me Kanaiwa-Kumamaono Keneka ($324.96) No Ka Pomaikai O Ka Hui Mahiko O Waimanalo.
E Hooholoia e ka Ahaolelo o ke Teritore o Hawaii:
PAUKU 1. O ka huina o ekolu haneri me iwakalua-kumamaha dala ame kanaiwa-kumamaono keneka ($324.96), ma keia ke hookaawaleia nei maloko ae o na loaa laula o ke teritore no ka uku ana apau i ka hui mahiko o Waimanalo no na uku hoolimalima i ohiia e ke teritore no kekahi hapa o ka aina o Waimanalo, Oahu, i komo aku iloko o na aina i hookaawaleia no ka Oihana Koa ma Waimanalo.
PAUKU 2. E mana no keia Kanawai i kona aponoia ana.
Aponoia i keia la 1 o Mei, A. D. 1923.
W. R. FARRINGTON,
Kiaaina o ke Teritore o Hawaii.
KANAWAI 129
(B. H. HELU 329)
HE KANAWAI
E Hoololi Ana I Ka Mokuna 138 O Na Kanawai I Hooponopono Houia O Hawaii, 1915, E Pili Ana I Na Kiure Ame Ka Hookolokolo Ana Ma Na Kiure.
E Hooholoia e ka Ahaolelo o ke Teritore o Hawaii:
PAUKU 1. O ka Pauku 2440 o na Kanawai i Hooponopono Houia o Hawaii, 1915, ma keia ke hoololiia nei i heluhelu ai penei:
“Pauku 2440. Papakiure kuikawa. I ka hookolokoloia ana ma o kekahi kiure o kekahi hihia kivila, koe ma na lawelawe no ka oleloino, laipila, olelo karaima, hoowalewale, hope kumuole, hoopii kumuole ame ka hoopaahao hewa, ua hiki i ka aha ke a’o aku i ke kiure e pane i na ninau apau e pili ana i ka oiaio i waihoia aku ia lakou e ka aha no ia mea, ai ma na hihia o ia ano e pane mai ke kiure ia mau ninau, a aole e haawi i olelo hooholo, a i ka loaa ana i ke kiure ma na ninau i paneia mai e lakou, e hookomo iho ka aha i olelo hooholo a o ka olelo hooholo i hookomoia pela e lilo no i mea paa, a e lilo no i mea hoohalahalaia a e ku-eia (ina e noiia mai ana e ku-e) me he mea la o ka olelo hooholo no ia a ke kiure.”
PAUKU 2. E mana no keia Kanawai i kona aponoia ana.
Aponoia i keia la 1 o Mei, A. D. 1923.
W. R. FARRINGTON,
Kiaaina o ke Teritore o Hawaii.
KANAWAI 130
(B. H. HELU 119)
HE KANAWAI
E Hoololi Ana I Ka Pukau 3650 O Na Kanawai I Hooponopono Houia O Hawaii, 1915, E Pili Ana I Ka Haawi Waleia Ana O Ka Buke Wehewehe Olelo Hawaii.
E Hooholoia e ka Ahaolelo o ke Teritore o Hawaii:
PAUKU 1. O ka hapa-mahele hope o ka Pauku 3650 o na Kanawai i Hooponopono Houia o Hawaii, 1915, ma keia ke hoololiia nei i heluhelu ai penei:
“a e hoomaopopo houia, ua hiki no i ka papa e haawi aole e oi aku mamua o hookahi haneri (100) kope o ka buke wehewehe olelo Hawaii me ka uku ole iwaena o na aha ame na keena mana hooko ame ka ahaolelo e ku nei o ke teritore no ka hoohana oihana ana a aia mau aha ame na keena, ka hale waiho buke o ka lehulehu ame na kula nui maloko o ke teritore, ame ke Ku’@ Kiekie o Hawaii.”
PAUKU 2. E mana no keia Kanawai i ka la o kona @@@ ana.
Aponoia i keia la 2 o Aperila, A. D. 1923.
W. R. FARRINGTON,
Kiaaina o ke Teritore o Hawaii
KANAWAI 131
(B. H. HELU 309)
HE KANAWAI
E Hoomana Ana A E Kuhikuhi Ana I Ke Kalana O Hawaii E Uku I Kekahi Mau Koi O Ka Waiwai O Akana Amelia Richardson, W. H. Beers, Ame Mrs. Lee Kon, No Na Auhau Waiwai I Ohiia Mai Ia Lakou Mai Me Ke @@ I Ke Kanawai.
E Hookoloia e ka Ahaolelo o ke Teritore o Hawaii:
PAUKU 1. O ka papa o na lunakiai o ke Kalana o Hawaii ma keia ke hoomanaia a ke kuhikuhiia aku nei e uku aku i ka huina o kanalima ame 99/100 dala ($50.99) i ka Waiwai o Akana Emalia Richardson, i ka huina o kanaiwa-kumamakolu ame 44/100 dala ($93.44) ia W. H. Beers, a o ka huina o kanawalu-kumamahiku ame 60/100 dala ($87.60) ia Mrs. Lee Kon, no na auhau waiwai i ohiia mai ia lakou mai maloko o ke Kalana o Hawaii no ka manawa mai Aperila 16, 1920, ahiki a e hui pu ana me Dekemaba 31, 1920, i ka waiho ana mai o lakou, me ka lunahooia o ke Kalana o Hawaii, i kekahi palapala hookuu piha mai na koi apau i keia mea i oleloia.
PAUKU 2. E mana no keia Kanawai i kona aponoia ana.
Aponoia i keia la 2 o Mei, A. D. 1923.
W. R. FARRINGTON,
Kiaaina o ke Teritore o Hawaii.
KANAWAI 132.
(B. H. HELU 311)
HE KANAWAI
E Hoololi ana I Ka Mokuna 121 O Na Kanawai I Hoopono@Pono Houia O Hawaii, 1915, Ma O Ka Paku’i Ana Aku Ia Mokuna I Pauku Hou E Ikeia Ana O Ka Pauku 2075A, E Pili Ana I Ke Kuaiia O Ka Opiuma A I Ole Kona Hoo-Hanaia ana.
E Hooholoia e ka Ahaolelo o ke Teritore o Hawaii:
PAUKU 1. O ka Mokuna 121 o na Kanawa ii Hooponopono Houia o Hawaii, 1915, ma keia ke hoololiia nei ma o ka paku’i ana aku ia mokuna i pauku hou e ikeia ana o ka Pauku 2075A e heluhelu ana penei:
“Pauku 2075A. O ka poe apau e wehe ana a i ole e malama ana, i wahi e heleia aku ai e kekahi poe, i kekahi wahi e loaa ai ka opiuma, a i ole o kekahi paha o kona mau mea e hanaia aku ai a i ole yenshee no ke kuaiia a i ole no ka haawiia me ka uku ole, no ke puhiia ma ia wahi; a o kela ame keia mea e loaa aku ana ma ia wahi, e kuai a i ole e haawi wale ana i kekahi opium@ a i ole o kekahi mea i hanaia mai ia mea mai a i ole yenshee, no ke puhiia malaila, a i ole e hoohanaia aku ana paha ma kekahi ano e ae, koe elike me ia maloko o ka Pauku 2072 ame 2074 i hoa-kakaia mai ai; a o ka poe apau e loaa ana maloko o ia wahi i ka manawa o ka opiuma a i ole o kekahi o na mea i hanaia mai ia mea mai a i ole yenshee e puhiia ana, ua ku i ka hewa mika mina a i ke ahewaia ana, e hoopa’iia ma o kekahi hoopa’i dala aole e oi aku mamua o elima haneri dala ($500.00) @@@ i ole ma o ka hoopaahao aole e oi aku mamua o cono mahina @@ ole ma o na hoopa’i no a elua, dala ame hoopaahao.
PAUKU 2. E mana no keia Kanawai i kona aponoia ana.
Aponoia i keia la 2 o Mei, A. D. 1923.
W. R. FARRINGTON,
Kiaaina o ke Teritore o Hawaii.
KANAWAI 132.
(B. H. HELU 311.)
HE KANAWAI
E Hoololi Ana I Ka Mokuna 121 O Na Kanawai I Hooponopono Houia O Hawaii, 1915, Ma O Ka Paku’i Ana Aku Ia Mokuna I Pauku Hou E Ikeia Ana O Ka Pauku 2075A, E Pili Ana I Ke Kuaiia O Ka Opiuma A I Ole Kona Hoohanaia Ana.
E Hooholoia e ka Ahaolelo o ke Teritore o Hawaii:
PAUKU 1. O ka Mokuna 121 o na Kanawa ii Hooponopono Houia o Hawaii, 1915, ma keia ke hoololiia nei ma o ka paku’i ana aku ia mokuna i pauku hou e ikeia ana o ka Pauku 2075A e heluhelu ana penei:
“Pauku 2075A. O ka poe apau e wehe ana a i ole e malama ana, i wahi e heleia aku ai e kekahi poe, i kekahi wahi e loaa ai ka opiuma; a i ole o kekahi paha o kona mau mea e hanaia aku ai a i ole yenshee no ke kuaiia a i ole no ka haawiia me ka uku ole, no ke puhiia ma ia wahi; a o kela ame keia mea e loaa aku ana ma ia wahi, e kuai a i ole e haawi wale ana i kekahi opiuma a i ole o kekahi mea i hanaia mai ia mea mai a i ole yenshee, no ke puhiia malaila, a i ole e hoohanaia aku ana paha ma kekahi ano e ae, koe elike me ia maloko o ka Pauku 2072 ame 2074 i hoakakaia mai ai; a o ka poe apau e loaa ana maloko o ia wahi i ka manawa o ka opiuma a i ole o kekahi o na mea i hanaia mai ia mea mai a i ole yenshee e puhiia ana, ua ku i ka hewa mika mina a i ke ahewaia ana, e hoopa’iia ma o kekahi hoopa’i dala aole e oi aku mamua o elima haneri dala ($500.00) @@ i ole ma o ka hoopaahao aole e oi aku mamua o eono mahin@@ i ole ma o na hoopa’i no a elua, dala ame hoopaahao.
PAUKU 2. E mana no keia Kanawai i kona aponoia ana.
Aponoia i keia la 2 o Mei, A. D. 1923.
W. R. FARRINGTON,
Kiaaina o ke Teritore o Hawaii
KANAWAI 133
(B. H. HELU 312)
HE KANAWAI
E Hoololi Ana I Ka Mokuna 181 O Na Kanawai I Hooponopono Houia O Hawaii, 1915, E Pili Ana I Na Ahahui I Hoohuiia.
E Hooholoia e ka ahaolelo o ke Teritore o Hawaii:
PAUKU 1. O ka Mokuna 181 o na Kanawai i Hooponopono Houia o Hawaii, 1915, ma keia ke hoololiia nei ma o ka paku’i ana aku i pauku hou e ikeia ana o ka Pauku 3273A a e heluhelu ana penei:
‘Pauku 3273A. Inoa. Aole kekahi ahahui i hoohuiia e lawe i kekahi inoa (ina paha no kekahi mea a i ole aole paha) i kulike me ka inoa o kekahi ahahui i hoohuiia i hoomanaia aku mamua e lawelawe oihana a e lawelawe oihana ana malalo o na kanawai o ke teritore, a i ole e ano like loa ana me kekahi i mea e alakai aku ai iloko o ka hoohuikauia a maopopo ole. O na palapala hoohui o kekahi ahahui i hoohuiia i loaa kekahi inoa o ku-e ana i na hoakaka maloko nei aole e hoopaaia maloko o na buke e ka puuku.
PAUKU 2. O ka Pauku 3282 o na Kanawai i Hooponopono Houia o Hawaii, 1915, elike me ia i hoololiia, ma keia ke hoololi houia aku nei ma o ka paku’i ana aku i hoakaka hou ma ka pau ana o ia pauku, e heluhelu ana penei:
“A e hoomaopopo houia no nae, aole kekahi hoololi e hoololi ana i ka inoa o kekahi ahahui i hoohuiia e lilo i mea mana ahiki i ka loaa ana mai o kekahi kope o ka palapala hooia o ia mea a waihoia maloko o ke keena o ka lunahoopaainoa o na palapala kuai o ke Teritore o Hawaii, a o ia lunahoopaa e lawe mai no ia kope o ka palapala hooia no ka hoopaa ana i kona hooiaia, ana e ka puuku o ke Teritore o Hawaii, a i ole e kekahi mea i hoomanaia e lawelawe ia hana ma kona wahi.”
PAUKU 3. E mana no keia Kanawai i kona aponoia ana.
Aponoia i keia la 2 o Mei, A. D. 1923.
W. R. FARRINGTON.
Kiaaina o ke Teritore o Hawaii.
Ke hoomaka nei ke Komisina e hoolala no ka loaa ana mai o ka ae mai ka Peresidena mai, o ka hoaie ana aku i kela huina o $75,000 i aeia iho nei e ka Ahaolelo, no ke kii ana i ka wai o Waihanau, no na alna o Palaau ame Hoolehua. Ke loaa mai ka aeia ana, aole no paha o loihi aku, a loaa mai keia mau dala. Ke ole ko oukou moakakau e kuhihewa ola na banako ke kakall mai nei no ka puka aku o kela mau bena ale no ka mea na ko Komisina ponoi no e uku ana ka ukupanoo ame ka waiwai kumu o keia mau bona, mailoko ae o ko lakou mau loaa.
No ka poe lawai’a, e kupono ana keia mau pa. Hookahi eka a emi iki mai ka nunui o keia mau apana. Ua lawa loa keia, a ua hiki pu no hoi e ulu na wahi mea kanu, a e hanai i mau wahi puaa a mau wahi moa pu no hoi. He nui ka hana o Molokai i keia mau la. Eia ke mahi mai nei o Libby ma he mau tausani oka halakahiki. E lilo ana keia oihana i mea hoolawa mai i na kanaka he lehulehu me ka hana.