Ka Nupepa Kuokoa, Volume LXII, Number 26, 28 June 1923 — Piiia e ke Kaa Oto a Make he Keiki Kepani Paa Nae ke Kiakaa o ke Kaa Otomobile i ka Hopuia no ka Hewa Laweola MA KE ALANUI KUKUI KA POINO I LOAA AI Hooku'iia Kela Keiki Iaia e Holo Ana no Kekahi Aoao o ke Alanui [ARTICLE]

Piiia e ke Kaa Oto a Make he Keiki Kepani

Paa Nae ke Kiakaa o ke Kaa Otomobile i ka Hopuia no ka Hewa Laweola

MA KE ALANUI KUKUI KA POINO I LOAA AI

Hooku'iia Kela Keiki Iaia e Holo Ana no Kekahi Aoao o ke Alanui

Ma ke alanui Kukui, e kokoke la i ke alanui Muliwai, ma ka hora ewalu a oi o ke kakahiaka o ka Poakahi iho nei, i hooku'iia ae oi he keiki Kepani auku o eono makahiki, nona ka inoa o Tomio Anamizu e ke kaa otomobilo e hookeleia ana e Ērnest Kong, a he mau minuke wale no mahope iho o ka ana aku o kela keiki maloko o ka halema'i o na poino ulia, i make loa aku ai oia, mamuli o na palapu i loaa iaia, ma kela hooku'iia ana e ka otomobile. I kulike ai me ka n'o kela hooku'iia ana o ke keiki uuku e ka otomobile, e holo ana o Ernest Kong maluna o kona kaa ma ke alknui Kukui, no ka aoao hikina o ke alanui, e hoea mai ai no ke alanui Nuuanu, a i ke kokoke ana i ke alanui Muliwai, ike aku la oia i ka holo ana ae o ke keiki uuku mai kekahi aoao mai o ke alanui Kukui, no kekahi aoao, mamua pono ae, o kahi a kona kaa e holo aku anal Ua hoopaa koke oia i ka holo o kona kaa, eia nae, na hooku'i e aku la ka pale o ka aoao hema o kona kaa i' kela keikl a hina ilalo, me ka pii ana aku o ka huila hopo o ke kaa maluna o kona kino, a kaualako aku la no kekahi mau kapual .mamua o ka paa ana o ka āolo o ke » , / I kulike ai me ka moali o na huila 0 ke kaa otomobile, ua hoomaopopoia, ua paukiki maoli ka holo ana 0 ke kaa otomobile, ma kela manawa i hoopaa ai o Mr. Kong i ka holo o kona kaa, no ka mea aole ia i paa koke, aka ua holo pahu'a 1 aku la ia ma kahi o ke kanakolu- ! kumamakolu kapuai a oi, mamua o lka hooku'iia ana akn o ke keiki uuku, a mau aku la no ka holo ana no na kapuai he umi-kumamaiwa, mahope o kela hooku'i ana. Uā hookauia ae ke keiki poino maluna o ke kaa otomobile, no ka hoihoi ana aku iaia i ka halema'i na poin oulia eia nae ua make oia he mau minuke helu wale no mahope mai, no ka nui loa o na poino i kau aku maluna o kona kino. Ua paa o Ernest Kong i ka hopuia, no ka hewa lawe ola ma ke degere ekolu, eia nae ua hookuu hou ia mai oia, mamuli o kona waiho ana ae i ka bona o elima kaukani dala. Ma ka Ernest Kong hoakaka, ua oili ae kela keiki uuku, mahope mai o kekahi kaa kalaka nui i piha 1 ka mauu maloo, mamua ae o kahi a kona kaa otomobile e holo aku ana.