Ka Nupepa Kuokoa, Volume LXII, Number 26, 28 June 1923 — LOAA AKU HE MAU KAHUA HALE KAHIKO MA NIHOA. [ARTICLE]

LOAA AKU HE MAU KAHUA HALE KAHIKO MA NIHOA.

0 keia malalo nei ka lono kelekalapa uweaolelo o ka loaa ana ae ae i ke keena o ka oihana kaua moana ma Puuloa mai ka Lutanela Comm. S. W. King mai ke aliikoa kiekie nana e hoomalu ana ka moku Tanager o ka holo ana aku nei e huli i na mokupuni liilii ma ke komohana aku nei o na Mokupuni Hawaii mai ka moku Tanager mai o ka Poaono aku la i hala a e hoakaka ana ma na mea ano nui penei:

U. S. S. TANAGER, lune 16,— He nui ka pilikia ame ka nui o ka hana o ka pae ana aku iuka o Nihoa mamuli o ka lilo o ka makani hikina i mea hapai mai i ka nalu a hui me ke Kaikuono Adams. He nui na pupu oluna o ka aina maloo i loaa a ma kahi o 10,000 o ia znau pupu i ohiia mai. Mamuli O ka ino kakaikahi loa na pupu kai i loaa aku. Lehulehu wale na ano holoholona kolo o na ano like ole i loaa aku o Nihoa. Lehulehu na kumu loulu i loaa

aku e ulu ana ma na owawa a he uliuli i na launahele like ole ma kekahi mau wahi ke noonoo iho no ke ano o kela mokupuni ku mamao kanaka ole, aneane he 30 mau ano like ole i loaa aku. Ua loaa pu aku kekahi mau kahua anuanuu i lioonohoia e na lima kanaka me na kahua-hale ame na heian he nui ma kela ame keia wahi, komo pu me na kahua i hanaia i mau wahi mahiai. He mau ahua kiekio ka kekahi i loaa aku a ua manaoia no ke kilo ana i na enemi ina no ke kipa aku i Nihoa. Ile mau poho pohaku lehulehu pu kekahi i loaa aku aohe nae he mau kii pohaku i kalaiia. O na owawa ma ka aoao hikina he lehulehu na kahua-hale i loaa aku a he kakaikahi ma ka huli komohana o Nihoa, o na launahele ulu nui ma ka aoao hikina o Nihoa he loulu a ho uliuli olalo o na owawa ia niau launahele. He 20 hoi kekahi i ike i keia laau e moe mau ano manu i loaa aku a hookahi ano manu noho maluna o ka aina.