Ka Nupepa Kuokoa, Volume LXII, Number 27, 5 July 1923 — Nui na Moho e Alualu Ana i ka Lunahoomalu Lilo ka Make Ana o Samuel Kauhane i Kumu e Ake ai Kekahi Poe ia Kuiana O NA LUNAKIAI KE KULEANA HOOKOHU Makemake o Samuel M. Spencer ka Lunahooia e Hookohuia Mai Oia ma ia Wahi [ARTICLE]

Nui na Moho e Alualu Ana i ka Lunahoomalu

Lilo ka Make Ana o Samuel Kauhane i Kumu e Ake ai Kekahi Poe ia Kuiana

O NA LUNAKIAI KE KULEANA HOOKOHU

Makemake o Samuel M. Spencer ka Lunahooia e Hookohuia Mai Oia ma ia Wahi

Mamuli o ka pauaho ana mai o Samucl Kauhane, ka lunalioomalu o ka papa lunakiai o ke Kalana o Hawaii, i keia ola ana, ua nui na inoa i lolieloheia ae, no ka lilo i mau moho, e holo mai ana no kela kulana, ma keia kau koho wae moho ae o na luna oihana o kela kalana. I kulike ai me ka lono meahou o ka loaa ana mai i Honolulu nei mai Hilo mai, o ka inoa o Sam M. Spcnccr. ka lunahooia o ke Kalana o Hawaii, ka inoa ikaika loa no kela kulana, a iwaena o ka pohai o na luna oihana oia, kekahi o na inoa ikaika loa. 2cmfw Bhrd etao shrd cmfw shafw I kulilie ai me kekalii hoolala ana 0 ka wa ae nei i hala, i ka manawa 1 loaa ai ka hoomaopopo ana, no ke kulana nawaliwali o Sainuel Kauhane, e hiki ole ai iaia ke lawelawe i na hana a ka lunahoomalu o ka papa; ua manaoia, e waiho okoa mai oia i kona kulana, a iloko no hoi o ia manawa hookahi, e waiho ai o Sam Af. Spencer, i leona noho lunahooia ana, no ka manao e lawe ae i ke kulana lunahoomalu no ka papa. E hoakaka ana kela meahou, ina i'o no ka lilo aku o Mr. Spcncer he moho 110 ke kulana lunahoomalu o ka papa o na lunakiai, aole ka he kanalua no kona kohoia, no ka mea oia kekahi o na kanaka make* makeia, e na mana koho baloka.

Mawaho ae naē o ka inoa o fca Lunahooia Spcncer, i oiliili ac nei, no ka hoopiha aku i ka makalua i hoohakahakaia iho, mamuli o ka make ana o ka Lunahoomalu Kauhane, o ka inoa kekahi o «Tames Henderaon, ka lunanui o ka hui uwila o Hilo. Aia ka mana hookohu i kekahi mea iloko o ka lima o na lunakiai, no ka hoopiha ana i kekahi wahi hakahaka o ka papa, nolaila o ka mea maopopo loa, ina e kaa ana ka hapanui o na hoa o ka papa, ma ka aoao e kakoo ana i ka inoa o Spencer, alaila oia aku ana ka lunahoomalu hou o ka papa o na lunakiai o Hawaii. Ina e pii aku ana o Spencer, ma ke kulana lunahoomalu no ka papa, alaila o ka Hope Lunahooia Brown. ka i manaoia, e hooikeikeia ae ana ma ke kulana e waiho hakahaka iho ana, ahiki i ka wa e koho maoii ia ai i lunahooia hou, iloko ae nei o Novemaba. Ma ka oleloia, he hookahi ka kumu i makemake ai o Spencer e lawe i ke kulana lunahoomalu no ka papa o na lunakiai, no ka hoololi ana i kana oihana, a o kekahi no hoi, he mahuahua iki ae ka uku o kela oihana ; a mawaho ae olaila, na kc kalana c hoolako mai iaia me ke kaa otomobile, ame kona mau lilo kaahole.