Ka Nupepa Kuokoa, Volume LXII, Number 31, 2 August 1923 — Page 6
| This text was transcribed by: | Kamehameha Schools Gift To Dr. Chun |
| This work is dedicated to: | Dr. Michael J. Chun |
Ka Nupepa Kuokoa
KE KILOHANA POOKELA NO KA LAHUI HAWAII.
MA KE KAUOHA
Na Kanawai Kau o 1923
(Mai Ka Aoao Elima Mai)
E Hooholoia e ka Ahaolelo o ke Teritore o Hawaii:
PAUKU 1. O ke poohou elua o ka Pauku 1861 o na Kanawai i Hooponopono Houia o Hawaii, 1915, elike me ia i hoololiia, ma keia ke hoololi houia nei i heluhelu ai penei:
"No ka hooko piha a i ole hapa paha o kona mau koi malalo o na hapa mahele (2) ame (3) o keia pauku, e uku aku no ke Kulanakauhale ame Kalana i oleloia i ke Teritore o Hawaii i Iulai 1 ame Ianuari 1 o kela ame keia makahiki, i ka ukupanee maluna o ka huina i oleloia o hookahi miliona eha haneri kanaiwa-kumamaha tausani me eono haneri umi-kumamakahi ame 33-100 dala ($1, 494,611.33), ma ka helu o eha pakeneka (4%) o ka makahiki hookahi, a pela pu no hoi kekahi huina e hiki ana a i ole mau huina i kela ame keia makahiki pakahi, mahope o Iulai 1, 1916, no ka manawa o kanakolu (30) makahiki, i hiki ai i ka huina nui o ia mau huina i ukuia, e kau pakenekaia ana ma ka huina o eha pakeneka (4%) o ka makahiki hookahi, elike ana i ka pau ana o ia manawa o kanakolu (30) makahiki, ka huina o hookahi miliona eha haneri kanaiwa-kumamaha tausani ame eono haneri umi-kumamakahi ame 33-100 dala ($1,494,611.33), a ua hiki e uku aku pela i ke Teritore iloko o kekahi makahiki hookahi i kekahi huina paku'i mamuli o ke kumuwaiwai o hookahi miliona eha haneri me kanaiwa-kumamaha tausani eono haneri umi-kumamakahi ame 33-100 dala ($1,494,611.33).
PAUKU 2. E mana no keia Kanawai mai ka la aku o kona aponoia ana.
Aponoia i keia la 2 o Mei, A. D. 1923.
W. R. FARRINGTON,
Kiaaina o ke Teritore o Hawaii,
KANAWAI 232
[B. S. HELU 158.]
HE KANAWAI
E HOOKAAWALE ANA MA KE ANO HAAWI MUA I KA HUINA O EKOLU TAUSANI DALA (3,000.00) NO KE KUKULU ANA I MAU ALANUI MALOKO O NA HOME HOOKONOONO O PAPAALOA, HILO AKAU, HAWAII.
E Hooholoia e ka Ahaolelo o ke Teritore o Hawaii:
PAUKU 1. O ka huina o ekolu tausani dala ($3,000.00) ma keia ke hookaawaleia nei a e ukuia mailoko ae o na dala maloko o ka waihona puuku o ke Teritore o Hawaii, aole i hookaawale mua ia, no ke kukulu ana i alanui maloko o na Home Hookuonoono o Papaaloa, Hilo Akau, Kalana o Hawaii.
PAUKU 2. O ka huina i oleloia o ekolu tausani sala ($3,000.00) i hookaawaleia ma keia, e hooliloia aku no maluna o na kikoo dala i hoopukaia e ka lunahooia i hookahuaia maluna o na kikoo aie i aponoia e ke Komisina o na Aina Aupuni, iaia ka hoomalu o ke kukulu ana o ia mau alanui.
PAUKU 3. O ka huina i hookaawaleia ma keia a i ole o kekahi huina elike me ka mea e hooliloia ana, e hoihoi houia aku no iloko o ka waihona laula o ka waihona puuku o ke Teritore mai na loaa mai o ke kuaiia ana o na aina aupuni maluna o ka Mokupuni o Hawaii.
PAUKU 4. E mana no keia Kanawai i kona aponoia ana.
Aponoia i keia la 2 o Mei, A. D. 1923.
W. R. FARRINGTON,
Kiaaina o ke Teritore o Hawaii.
KANAWAI 233
[B. S. HELU 28.]
HE KANAWAI
E HOOLOLI ANA I KA PAUKU 1246 O NA KANAWAI I HOOPONOPONO HOUIA O HAWAII, 1915, ELIKE ME IA I HOOLOLIIA E KE KANAWAI 112 O NA KANAWAI O KE KAU O 1915, KANAWAI 222 O NA KANAWAI O KE KAU O 1917, KANAWAI 24 O NA KANAWAI O KE KAU KUIKAWA O 1920 AME KANAWAI 73 O NA KANAWAI O KE KAU O 1921, E PILI ANA I NA WAIWAI I HOOKUUIA MAI KA AUHAU MAI.
E Hooholoia e ka Ahaolelo o ke Teritore o Hawaii:
PAUKU 1. O ka Pauku 1246 o na Kanawai i Hooponopono Houia o Hawaii o 1915, elike me ia i hoololiia e ke Kanawai 112 o na Kanawai ke Kau o 1915, Kanawai 222 o na Kanawai o ke Kau o 1917, Kanawai 24 o na Kanawai o ke Kau Kuikawa o 1920 ame Kanawai 73 o na Kanawai o ke Kau o 1921, ma keia ke hoololiia nei ma o ka paku'i ana aku i keia mau poohou e heluhelu ana penei:
"O kela aina apau ma Kalaepohaku, Kaimuki, Kulanakauhale ame Kalana o Honolulu i paaia no ka hoohanaia ana e ke Kula Nui o St. Louis, e hookuuia no mai ka uku auhau ana ; aka nae, e hoohanaia keia aina aole no kekahi hana e ae koe wale no ka hoonaauao ana."
O na waiwai apau, lewa ame paa, e noho onaia ana a e hoohanaia ana e ka Ahahui Kokua o Maui o ke Kalana o Maui, e
"O na waiwai apau, lewa ame paa, e noho onaia ana a e hoohookuuia mai ka uku auhau ana."
hana maoliia ana e ka Ahahui Alexander House Settlement o ke Kalana o Maui, e hookuuia aole e uku auhau."
PAUKU 2. E mana no keia Kanawai i kona aponoia ana.
Aponoia i keia la 2 o Mei, A. D. 1923.
W. R. FARRINGTON,
Kiaaina o ke Teritore o Hawaii
KANAWAI 234.
[B. S. HELU 111.]
HE KANAWAI
E HOOPAU ANA I KA PAUKU 1842 O NA KANAWAI I HOOPONOPONO HOUIA O HAWAII, 1915, E PILI ANA I NA PA UWEA KALAKALA MA NA ALALOA.
E Hooholoia e ka Ahaolelo o ke Teritore o Hawaii:
PAUKU 1. O ka Pauku 1842 o na Kanawai i Hooponopono Houia o Hawaii, 1915, ma keia hoopauia nei.
PAUKU 2. E mana no keia Kanawai i kona aponoia ana.
Aponoia i keia la 2 o Mei, A. D. 1923.
W. R. FARRINGTON
Kiaaina o ke Teritore o Hawaii.
KANAWAI 235.
[B. S. HELU 112.]
HE KANAWAI
E HOOMANA ANA A E HOOMAKAUKAU ANA I KA HANA IA ANA, KA MALAMAIA ANA, KA HOOLAWA IA ANA AME KA HOOLAKO IA ANA O KA UWILA NO KA HOOMALAMALAMA ANA AME KA IKAIKA HOOHANA MALOKO O KA APANA O HANA, MA KA MOKUPUNI A KALANA O MAUI, TERITORE O HAWAII.
E Hooholoia e ka Ahaolelo o ke Teritore o Hawaii:
PAUKU 1. Palapala hoomana. O A. F. Tavares, o Haiku, Apana o Makawao, Kalana o Maui, Teritore o Hawaii, o kona mau hoahui, kona mau hooilina a hope, a i ole o o kekahi hui ana a i ole a lakou e kukulu ai malalo o na kanawai o ke Teritore o Hawaii (oia a i ole o lakou ma keia hope aku e kapaia o ka ahahui), ma keia ke haawi ia nei ke kuleana, ka mana ame ka pomaikai e hana, e kuai aku, e haawi aku a e hoolako aku i uwila no ka hoomalamalama ana i uwila no ka hoonee mikini ana maloko o ka Apana o Hana, ma ka Mokupuni o Maui, Teritore o Hawaii, no ka hoomalamalama ana i na alaloa, na alanui, na hale aupuni ame na hale noho home ia, a i ole ia no ka hoonee ana i na mikini, a i ole ia no kekahi hana e ae a'ua ahahui nei i manao ai he kupono e hoohana ia, a i kela ame keia manawa, no na hana i hoakaka ia ae la maluna ae, me ka loaa pu ana mai o ka apono ana ame ka hooponopono ana a na luna aupuni na lakou e hooponopono ana i ua mau alaloa a alanui la, e kukulu, e malama a e hoohana i mau pou kupono, i mau laina, uwea, uwea nunui, kukui, pou kukui, me hoohele uwila, na paipu hoolawa uwila, ame na pono ame na lako e ae i kela ame keia manaw ai manao ia he kupono no ka hoohele ana, mahelehele ana ame ka hoolako ana i ka uwila, i ka poe e lawe ana ia uwila, malalo, ma ka aoao a i ole ia maluna o na alaloa, na ala heleaoao, na alanui, na kuea aupuni no uwapo, na ala liilii ame na ala ololi maloko o ua apana nei o Hana i oleloia, ma ka Mokupuni o Maui, a e hoohui i ua mau uwea nei i oleloia, na laina ame mea hoonee uwila, me kekahi mau wahi hoohana mikini, na home ame na hale aupuni, na ipukukui, na ipu pou kukui, a i ole ia me kekahi mea e ae i kukulu ia a i ole ia me kekahi mea e ae me ka kahua hana kahi e hoolako ia mai ai ua uwila nei.
PAUKU 2. Na rula ame na hooponopono ana. Ma keia ke hoomana ia nei ka Papa Lunakiai o ke Kalana o Maui e hana, a i kela ame keia manawa e hoololi, hooponopono a paku'i aku i mau rula kupono e hooponopono ana i ke ano o ke kukulu ia ana o na pou ame na uwea, ka hoomahia ia ana o na uwea ame na lako e ae e lawe ana i ka uwila, ka eli auwai ana i wahi e waiho iho ai na paipu lawe uwea uwila, ame ka malama ia ana me ka maikai o na pou apau, na uwea ame na lako e ae, ame na mea e ae apau e pili ana i ka hana ia ana ame ka hoolako ia ana o ka uwila, elike ma ka ua papa la i manao ai a i ike ai he kupono no ka pono ame ka maluhia o ka lehulehu. Ina i kekahi manawa a ka ahahui, mahope iho o ka haawi ia ana aku he hoohalahala ma ke kakau , e ae ole ai e hooko i na rula ame na hooponopono elike me ia i hoakaka ia ae la maluna e pili ana i kukulu ia ana o na pou ame ka hoomoe ia ana o na uwea, ka hoomania ia ana o na uwea ame na lako lawe uwila e ae, ame ka hana hou ia ana o na pou apau ame na lako e ae, ua hiki no i ka Papa Lunakiai o ke Kalana o Maui, mahope iho o ka haawi ana aku i ua ahahui la i hoolaha kupono, ma ke kakau, i ko lakou manao e hana pela, ka hoonee ana aku i ka hooko ia ana o ua mau rula nei e hooponopono ana i ke kukulu ia ana o na pou ame ka hoomoe ia ana o na uwea, ka hoomahi ia ana o na uwea ame na lako lawe uwila, ka eli ana i na auwai lawe paipu ame ka malama ana me ka maikai i ka hana hou ia ana o na pou apau, na uwea ame na lako e ae, a e hana ma na ano apau a lakou i manao ai he pono no ka hooko ia ana o ua mau rula la, a o na hoolilo kupono apau no ia hoohana ana e ohi ia no ia mai ka ahahui mai e ke Kalana o Maui.
PAUKU 3. Aole e hoohihia na pou i na alaloa a pela wale aku. O na pou apau, na laina, na uwea, na uwea nunui i hoohuihui ia, na ipukukui, na pou kukui, na mea lawe uwila, na paipu lawe uwea ame na lako e ae i kukulu ia, i malamaia a i hoohanaia malalo, ma ka aoao, a i ole ia maluna o na alaloa, na alahele aoao, na alanui, na kuea aupuni na uwapo, na ala ololi ame na ala liilii maloko o ua apana nei i oleloia, maloko o ka Mokupuni o Maui, e kukulu ia lakou, e malamaia a e hoohana ia e ka ahahui, ma ke ano e hoohihia a hoopilikia ole ai i ua mau alaloa nei, na alahele aoao, na alanui, na kuea aupuni, na uwapo, na ala ololi ame na ala liilii, e ka hele ia ana e ka lehulehu.
PAUKU 4. E nana ia ka wahi hana uwila. O ka wahi hana uwila, na buke o ka ahahui, na bila apau o ka ahahui, e wehe ia no ka ikea e ke komisina o na ahahui hana i na hana no ka lehulehu o ke Teritore o Hawaii, ame ka puuku o ke Kalana o Maui.
PAUKU 5. Na mita, na kaki, ke kaulike ame ke ano o ka hoomaopopo ia ana. He kuleana no ko ka ahahui e malama, e lawe a e hoohana i na mita ana uwila, a i ole ia i kekahi mau mea e ae e ana i ka uwila no ka hoomalamalama ana, no ka hoohana ana i na mikini a i ole i ai ka uwila i hoolako ia aku i kela ame keia manawa, a e hookomo aku ia mau mea ma kahi i manao ia ai he kupono, i mea e ike ia ai ka nui o ka uwila e hoolako ia aku ana, a i ole ia i hoolako ia aku e ka ahahui : a e kaki aku, a e ohi mai mai na poe apau e lawe ana i ka uwila, i ke kumukuai kupono elike m eia e kau ia ai i ole ia e hoomaopopo ia ai e ka ahahui i kela ame keia manawa.
PAUKU 6. Na kaki no ka hoohui ana. Ua loaa pu no hoi i ka ahahui ke kuleana me ke apono ana mai o ke komosina o na ahahui hana i na hana no ka lehulehu, e kaki aku i na poe lawe uwila, a i ole ia i ka poe e noi mai ana e ae ia aku e lawe uwila no ke kumukuai ame ka lilo o ka hoohui ana mawaena o ka laina kokoke loa ame ka aina kahi i manao ia ai e hoohana ia ka uwila ; a o ua kumukuai a lilo la e hui pu me ke kumukuai o ka uwea apau loa, na pou, na mea hoomahia ame na lako e ae a hui pu ia me ka uku hana kupono no ka hana i na hoohui uwila la ; koe nae keia, aole e koi wale ia aku ua ahahui la e hana, e kukulu a e malama i ua hoohui ana nei elike me ia i olelo mua ia ae la no ka hoolako ana aku i ka uwila no ka hoomalamalama a hoonee mikini ana, koe wale no aia a waiho mua mai ka mea noi, in a e koi ia aku, me ka ahahui, i huina dala e lawa ai ka hapalua o na lilo apau loa o ka hoohui, ke kukulu ana i ua mau hana hoohui nei ame ke kumukuai o ka uwila no hookahi mahina.
PAUKU 7. Ke ku-e ana e paa i ka waiwai ; ke kaupalena ia o ia kuleana. Ua loaa no i ka ahahui ke kuleana e kuai, e paa a e lawe mai, me ke kuai paha a i ole ia ma ka hoolimalima, i na waiwai paa, lewa, a huikau paha, elike me ke kupono a i ole no ka holomua o na hana o ka ahahui ; aka oia a i ole o lakou aole i loaa ke kuleana a i ole ia ka mana e kuai aku i na palapala hoomana e aku a i ole ia i na waiwai o kekahi ahahui e aku i ano like me keia, koe wale no a loaa ke apono ana mai o ke komosina o na ahahui hana, i na hana no ka lehulehu.
PAUKU 8. Ka mana e aie dala ame ke kuleana e bona. O ka ahahui i kela ame keia manawa e manao ia ai he kupono no ka hooholomua ana i na mea i manao ia maloko o keia palapala hoomana, e haawi ia ka mana e aie dala, me ke kuleana e hoopaa pu i kekahi mau waiwai no ka uku pono ia ana o ia aie me ka ukupanee i aelike ia ai, ma ka moraki ana i kekahi hapa a i ole ia i na waiwai apau o ka ahahui i loaa malalo o keia, i hui pu ia me na palapala hoomana apau ame na pono a pomaikai apau i haawi ia a i ole ia i loaa mai malalo o ka mana o keia kanawai, a i ole ia, ina i manao ia he mea pono, e hoopuka ia no na bona, i hoopaa ia me kekahi palapala kuai kahu no ia mau waiwai i oleloia ae la maluna, aole nae e oi aku o ke kanaono pakeneka o ka waiwai io o na waiwai apau, a e hoopaa pu ua no hoi ma ia palapala kuai kahu na waiwai e loaa mai ana mahope aku, ame na loaa waiwai ame na loaa ma ka hana o na waiwai apau me ka noonoo ole ia ae mai hea mai la ka loaa ana mai o ia mau loaa, a malalo no hoi o na kumu e ae i manao ia he kupono eia, a i ole ia e lakou ; koe nae keia aole mea maloko o keia pauku e hana ia no ka hoonele ana aku i ka ahahui mai ka loaa ana mai o ke kuleana aie maa mau maloko o ka oihana, ame ka hana aku i mau nota aie me ka moraki ole.
PAUKU 9. O keia palapala hoomana aole he kuleana paniku. Ke hoomaopopo ia nei ma keia me ka moakaka lea aole mea i hookomo ia maloko o keia e manao ia e haawi ana i ka ahahui i ke kuleana e paniku aku i ka hoolako, kuai, a hoolawa ia ana o ka uwila no ka hoomalamalama ana a i ole ia no ka hoohana mikini ana, a o ua ahahui la me ka palapala hoomana, e paa mau malalo o ka mana o ke kanawai a mau kanawai e hoomana ana i ke komisina o na ahahui hana i na hana o ka lehulehu, ame na kanawai e ae apau o na ano apau e hana ia ana i kela ame keia manawa no na hale hana uwila no ka hoomalamalama ame ka hoonee mikini ana a i ole ia o na ahahui e hoohana ana ia mau hana maloko nei o ke Teritore, a i ole ia o ke Kalana o Maui, ame ko lakou hope.
PAUKU 10. Ka hoopau ia ana o ka palapala hoomana. Ke hoomaopopo ia nei, ina o ka ahahui i oleloia e hala hope ana a i ole e hoole ana i ka hana ana a i ole ia i ka hooko ana i kekahi a i ole i na kauoha apau o keia kanawai a i ole ia i na kanawai o ke Teritore o Hawaii, a i ole ia o ke Kalana o Maui, a i ole ia o na rula i kuahaua ia ae elike me ia i hoomaopopo ia ma ka Pauku 2 o keia kanawai, a e hoomau i ka hooko ole ana ame ka hoole ana, a ua hoomau i ka hana ole ana ame ka hooko ole ana ia mau mea mahope iho o ka haawi ia ana aku he kauoha no kekahi manawa kupono e ke komisina o na ahahui hana i na hana o ka lehulehu, a i ole ia e kekahi luna aupuni o ke kalana a i ole ia o kekahi mahele, a i ole ia e ka Papa, ua hiki no i ua luna aupuni a i ole papa la, me ke apono ana mai o ke Kiaaina ame ka Loio Kuhina, ke hoopii imua o kekahi aha i loaa ke kuleana e lawelawe i na hihia o keia ano, e hoopau ia ka palapala hoomana ma keia e haawi ia nei ame na kuleana a mana a pomaikai apau i pili pu mai me ia, a e hoolilo ia ia mau mea i mea waiwai ole.
PAUKU 11. Hoike makahiki. Uku i ke aupuni. O ka ahahui, iloko o hookahi mahina mahope iho o ka pau ana o kela ame keia makahiki, e waiho ae me ka puuku o ke Kalana o Maui, i hoike e hai ana i na loaa pau loa mai ke kuai hoolilo ia ana aku o ka uwila no a hoomalamalama ana ame ka hoonee mikini ana i hoolako ia aku e ua ahahui la iloko o ka makahiki i hala ae, a e uku aku no hoi, ma ia manawa hookahi no, i ka puuku o ke Kalana o Maui a ma ka aoao hoi o ua kalana la i oleloia i elua ame ka hapalua pakeneka o na loaa apau o ka makahiki i hala ae no ka hoomalamalama ame ka hoonee mikini ana.
PAUKU 12. O na waiwai apau o na ana like ole i lilo i waiwai no keia hana uwila ana, i hui pu ia me keia palapala hoomana ua hookuu ia, koe nae ka meae i hoomaopopo ia maloko o ka pauku 11 nei mai kela ame keia auhau malalo o ke Teritore o Hawaii, ahiki aku i ka piha ana o elima (5) makahiki mai a mahope aku o ka hoomaka ana o ke kukulu ia ana o na hale a i ole o kekahi mea e ae no ka hoohana ame ka hoolako ana i ka uwila.
PAUKU 13. O keia palapala hoomana e lawelawe ia ma ke ana kaupaona o ka pololei ; ke komisina o na ahahui hana i na hana o ka lehulehu. O keia palapala hoomana, a o e kanaka a i ole ia o ka ahahui e paa ana i keia, e lawelawe ia no ma ke ano o ke ana kaupaona o ka pololei ke hiki aku i ka hana i na uku kaki, na kumukuai ame na kaki e ae, a ma na ano apau e mana no na mea i hoakaka ia maloko o ka Mokuna 128 o na Kanawai i Hooponopono ia o Hawaii, 1915, e kukulu ana i komisina o na ahahui hana i na hana o ka lehulehu, ame na hoololi apau e pili ana me ia, no ka hooponopono ana i na ahahui hana i na hana o ka lehulehu maloko o ke Teritore i oleloia.
PAUKU 14. Ma keia ke haawi ia nei ka mana i ke komisina o na ahahui hana i na hana o ka lehulehu o ke Teritore o Hawaii, e kauoha i ua ahahui nei i oleloia, i kona mau hooilina a hope ma ke kanawai, e hooloihi aku i na laina hoohana i ka manawa e hoike ia aku ai i ke komisina o ia hooloihi ana he mea ia e pono a e pomaikai ai ka lehulehu, a o ka waiwai hui ia o ua ahahui la. ke hui pu ia aku me ua hooloihi ana nei, ua hiki ke loaa mai he puka kupono maluna o ka lilo o ke kukulu ia ana ame ka malama ia ana o ua mau mea hana nei ; koe no nae keia, o na kauoha apau loa a ke komisina o na ahahui hana i na hana o ka lehulehu ua hiki no ke hoohalahala ia imua o kekahi o na aha o ke Teritore elike me ia i hoomaopopo ia maloko o ke kanawai.
PAUKU 15. O ka mana i haawi ia ma keia e pau no ia a e lilo i mea ole in a o na hana i kauoha ia e hana ia maloko o keia kanawai e pili ana i ke kukulu ana i na hale ame na mea e ae no ka hana ana i ka uwila a i ole ia o ka hoolako ana aku i ka uwila no ka hoomalamalama ame ka hoonee mikini ana, a i ole ia o ke kukulu ana i na pou ame ka hoomoe ana i na uwea no ia mau mea, a i ole o ka eli ana i na auwai no ka hoomoe ana i na paipu lawe uwea uw@ ame ka hoomoe ana i na uwea maloko olaila ma kekahi o na alaloa, alanui a wahi e ae, no ka lawe ana aku i ka uwila no ka hoomalamalama a hoonee mikini ana, a ua hoolilo io aku no no ia mau hana i ka huina aole i emi iho malalo o elima tausani dala ($5,000.00) iloko o hookahi makahiki mai a mahope iho o ka la i apono ia ai keia kanawai e ka Ahaolelo o Amerika Huipuia, aole i hana ia.
PAUKU 16. O ke Teritore o Hawaii, he Kalana o Maui, a i ole ia o kekahi mahele aina o laua, iloko o kekahi manawa o eono mahina o ka waiho ia ana he hoike ma ke kakau i ka ahahui i ko lakou manao e hana pela, haawi ia malalo o ka mana piha i hoo-mana ia e ka Ahaolelo o ke Teritore o Hawaii, ua hiki ke kuai aku a lawe mai i na waiwai apau o ka ahahui, elike pu me ka waiwai io o ia mau waiwai ia manawa.
O ka huina e uku ia aku ai i ka ahahui no ia kuai ana e hoomaopopoia e ke komisina o na ahahui hana i na hana o ka lehulehu, aka, aole nae keia huina e oi aku i kekahi manawa mamua o ka waiwai io a i ole o ka huina auhau o ia mau waiwai, mahope iho o ka hoolawe ia ana ae o ka huina waiwai emi ame na kaki maluna o ua mau waiwai la. O ka waiwai io o ka palapala hoomana ame ka manao maikai ame kekahi mau ano like me ia aole e helu ia he waiwai i ka manawa e hoomaopopo ia ai ka waiwai io o ka huina e uku ia ai.
Ua loaa i ka ahahui a i ole ia i ka mea kuai mai ke kuleana e hoohalahala ia imua o ka Aha Kiekie o Hawaii mai ka olelo hooholo mai a ke komisina o na ahahui hana i na hana o ka lehulehu ma ka waiho ana ae ma ke kakau me ke komisina iloko o elima la i palapala e hoike ana i ka manao e hoopii hoohalahala, mahope iho o ka hoopuka ia ana o ka olelo hooholo. Alaila e lilo no ia i hana na ke komisina o ka hooia koke ana aku imua o ka aha kiekie i ka moolelo o kana hana, e hoike ana maloko o ia palapala hooia i ka waiwai io a ka ahahui i koi mai ai, ka waiwai io a ka mea kuai mai i waiho mai ai, ame ka waiwai io a ke komisina i hooholo iho ai. E hoopili pu ia aku me ua palapala hooia nei na kope o na palapala apau e pili ana no ua hihia nei, ame na olelo ike e ae apau maluna olaila i hookumu ia ai ka olelo hooholo a ua komisina nei, ame ke kope pu o ua olelo hooholo nei. I ka manawa e lawe ia ai ua hoohalahala nei a noonoo, ua hiki no i ka aha kiekie, ma kona aoao iho, ke lawe houl mai i mau olelo ike hou aku i hookomo ia e na aoao a elua.
PAUKU 17. O keia palapala hoomana ua hiki ke hoololi ia a hoopau ia. O ka Ahaolelo o Amerika Huipuia, a i ole ia o ka Ahaolelo o ke Teritore o Hawaii, ua hiki ke hoololi pakui a hoopau loa i keia kanawai i na manawa apau e makemake ia ai e hana pela.
PAUKU 18. E mana no keia a e lilo i kanawai mai a mahope aku o kona apono ia ana e ke Kiaaina o ke Teritore o Hawaii, me ke apono ana mai nae a ka Ahaolelo o Amerika Huipuia, a o ia apono ana mai ka Ahaolelo mai o Amerika Huipuia e loaa iloko o elua makahiki mahope aku o ka la o ia aponoia ana e ke Kiaaina.
Aponoia i keia la 2 o Mei, M. H. 1923.
W. R. FARRINGTON,
Kiaaina o ke Teritore o Hawaii.
KANAWAI 236.
[B. S. HELU 120.]
HE KANAWAI
E HOOKAAWALE ANA I KA HUINA O ELUA TAUSANI EHA HANERI KANAHIKU-KUMAMAHA DALA ME IWAKALUA KENEKA $2,474.28) NO KA HOIHOI HOU ANA AKU NA KA WAIAKEA MILL COMPANY NO NA DALA A IA HUI I HOOLILO MUA AI NO KE OO KO O 1921 E ULU ANA MALUNA O KA APANA 714B, AINA HOOKUONOONO MA WAIAKEA, HILO HEMA, HAWAII.
E Hooholoia e ka Ahaolelo o ke Teritore o Hawaii:
PAUKU 1. O ka huina o elua tausani eha haneri kanahiku-kumamaha dala ame iwakalua-kumamawalu keneka ($2,474.28) ma keia ke hookaawale ia nei mailoko mai o na dala apau e waiho ana iloko o ka waihona o ke Teritore i loaa mai mai ke kuai ia ana o na aina aupuni maloko o ka Mokupuni o Hawaii no ka hoihoi hou ana aku i ka Waiakea Mill Company i ka huina a ia hui e koi nei no na dala i hoolilo mua ia no ka malama ana i ke oo ko o ka makahiki 1921 e ulu ai maluna o ka Apana 714B, o na aina hookuonoono o Waiakea, Hilo Hema, Hawaii.
PAUKU 2. E hoopuka aku no ka luna hooia o ke teritore i bilo kikoo dala i ka Waiakea Mill Company no ka huina i hoomaopopoia maloko o ka Pauku 1 o keia kanawai, i ka manawa e waiho ia mai ai o ke koi i hoopili pu ia me na itamu n ona mea i hoolilo ia ai ia mau dala.
PAUKU 3. E lilo no keia i kanawai mahope iho o kona apono ia ana.
Aponoia i keia la 2 o Mei, M. H. 1923.
W. R. FARRINGTON,
Kiaaina o ke Teritore o Hawaii.
Nokeaha e lilo ai ke Kumukuai Haahaa i kumu nou e hoohana ole ai i ka Mea Maikai Loa?
He mau kaukani o na hoao i hanaia maloko o ko makou mau hale hoohuihui a ma ke alanui, i hoikeike maopopo mai, o ke Zerolene, i hanaia mai ka Aila Maka mai, i hookaheia ma na laina paipu like ole iloko o ko makou mau hale hoomaemae, a i hoomaemaeia e ka makou ano kiekie loa o ka hoomaemae ana, he emi kona pa`u, he oi aku na mile gasoline a he emi ka anai ana ame ka pilikia mamua o kekahi mea hoopahee kaa e ae a makou i ike ai, a i hoao ai, a i ole i hanaia paha.
Nolaila ke olelo nei makou, "Hoomau i ke Zerolene--ina no he emi mai kona kumukuai."
STANDARD OIL COMPANY,
(California)
30% less CARBON
5% more gasoline mileage
The Standard Oil
Zerolene
For Motor Cars
Through for the Day
E hoopokoleia ana kau hana o ka la me ka maalahi pu, ina he kapuahi kuke aila maikai kau. E hoohana i ka Aila Star, aohe au nanahu ame ka wahie e hapai ai a he lehu paha e kope ai.
E hana ana oe me ka wela kupono i hoihoiia a malalo pono ae o na meakuke kahi i makamakeia ai--a e mau ana ka hu`ihu`i me ka maemae o kou halekuke.
O ka Aila Star ka aila maemae o ka a ana, ke kaulike ame ka hoomakaulii--i hoomaemaeia a hoomaemae hou ia e ka makou ano hoomaemae kuikawa.
Ma na wahi kuai aila apau. Kauoha ma ka inoa ma ke kini a pahu paha---Aila Star.
STANDARD OIL COMPANY
(California)
STAR OIL
(KEROSENE)
HEAT AND LIGHT
STAR OIL
STANDARD OIL COMPANY
(California)
Maalahi Ka Hoahu Ana
He maalahi ka hoahu dala ana ina he moohelu hoahu kau. Ua hiki ia oe ke wehe i moohelu me ka huina uuku, elike me $1, ma ka Banako o Bihopa & Co. Ina e hoohui aku ana oe me ia mea i kela me keia pule a mahina paha i pakeneka paamau o kau mau loaa, aole e loihi e loaa ana he huina mahuahua i hoahuia e oe.
K uku nei ka Banako o Bihopa & Co., he 4 pakeneka ukupanee, i hoohuiia ma ka hapa-makahiki, ma na moohelu hoahu.
The Bank of Bishop & Co., Ltd.
Ka Banako Kahiko Loa ma Hawaii nei.
Kukuluia i ka 1858.
HUINA WAIWAIPAA HE $16,000,000.00 A OI.