Ka Nupepa Kuokoa, Volume LXII, Number 32, 9 August 1923 — Ke Kulana Makai Nui Me Ke Kalaiaina [ARTICLE]

Ke Kulana Makai Nui Me Ke Kalaiaina

Iloko o na kau koho baloka o kakou i kaahope aku nei, pinepine ko kakou ike ana, i ka hooliloia o ka oihhana makai o ke Kulanakauhale a Kalana o Honolulu nei, i meapaahana no ka mikini kalaiaina; ama ke kau koho haloka koke aku nei no i hala, o na hoa o ka ahaolelo kuloko, ame ka elele i Wakinekona, i ku okoa ae ai ka Makai Nui Rose iwaho, ma ke poo o kela mikini kalaiaina. No ke kulana holo moho, e alualu ana i ka oihana makai nui, he hana hiki ole i ka Makai Nui Rose, ke noho malie, me ka hele ole e hooikaika nona iho, ina no e konoia ana kona puali makai, e hooikaika nona, aka o ka hoolilo ana i ka oihana makai, i mikini no ka lanakila o na moho Demokarata, aole loa he pololei iki o kela hana; a ua hiki no i na mana koho, ke ku-e aku i kekahi luna oihana o keia ano, noka mea ua ku-e oia i kana hoohiki oihana, a ua kapae ae hoi i ka hilinai a ka hapanui o na mana koho, i hookau aku ai maluna ona.

Malalo o na rula o ke komisina makai, aole he mana i loaa i ka makai nui, e hoopau mai i kekahi makai, me ka loaa ole o kekahi kumu kupono, me kona ahewaia imua o na komisina makai; nolaila ina i manao kekahi makai, he hana ku-e i kona lunaikehala maikai, ka hele ana e hooikaika, mamul o ke kauoha a kona poo ma ka ohana, ua hiki no iaia ke hoole aku, i ke komo kino ana e lilo i meepaahana no keia mikini kalaiaina, a e koho aku oia, i ke kanaka ana i manaoie ai, oia ke kupono i poo ma keia oih.nu nno nui o ke kulanakauhal- o Hokupono i poo ma keia oihana ano nui o ke kulanakauhale o llonolulu nei.

O ka mau o ka ikaika o ka mikini ka oihana makai, ame Ka ole, ma keia hoouka kalaiaina o kakou e nee mai nei, he ninau ia na keia mua aku e hoike mai, aka nae he hookahi mea maopopo loa i keia manawa, o ia no ke oho ana mai o ka manao o ka hapanui o na mana koho, me ka olelo ana, ua hoea mai i ka nianawa, e hoonohoia ae ai i kanaka okoa, ma ke poo b ka oihana maikai.

Ua loaa ka hoa paonioni o ka'Makai Nui Rose, iloko okona aoao kalaiaina iho, ma keia kau koho haloka wae moho, oia o Mr. David K. Trask, ma na hoailona i hoomaopopoia aku iloko o keia mau la e paila nei ka ipuhao kalaiaina, e halawai ana ka Makai Nui Rose, me kekahi hoa paio e hahana ai na paio ana, a ina ua loaa i'o i ka lehulehu o na mana koho, ka manao paa,' e ike aku i kekahi oihana makai, e hooko pono ana i na kanawai o ka aina, alaila ua kaa aku maluna o lakou ke ko'iko'i o ka wawahi ana i kekahi o na mikini kalaiaina mana nui, iloko o ka moolelo o ko kakou aupuni kulanakauhale.

Ke hoomanao nei keia pepa, ina ke kau koho haloka i holo kii-e at ka Lunakanawai Heen i ka Loio Kalana A. M. Brown, ua hoohanaia ka mikini o ka oihana makai, e kula'i i ka moho loio kalana o ka aoao kalaiaina hookahi me ka Makai Nui Rose; eia nae ua hiki ole i ua mikini kalaiaina la, ke huki like me ka ikaika, i na manu e lele like iloko o ka auna hookahi; o ka manaolana o keia pepa, e ike aku ana kakou iloko o keia kau koho wae moho ia hopena like, no ka mea he okoa ke ko ana o ke au o ka noonoo o na mana koho i keia manawa, mai na Demokarata a i na Repubalika.