Ka Nupepa Kuokoa, Volume LXII, Number 32, 9 August 1923 — Nuhou Kuloko [ARTICLE]

Nuhou Kuloko

I ke kulanakauh.«ile iho nei kr Eey. I. D. laea o Kaluaaha, Molokai, ma kekahi huakai awiwi, ma Poalua nei, a ma ke ahiahi no o Jteia la i huli hoi aku ai oia no ka Moku o Hina.

Mamuli o ko kuahaua a Kiaaina Farrington, e lilo ana ka la apopo, i la kulaia aupuni, no ke komo ana o ko Hawaii nei poe iloko o ka hoomanao ana no ka hoolewa o ka Peresidena Harding i ,make.

No ka manao ana e kaawale koke ©ku na kanawai ahaolelo, i loaa ai na kolamu nui 110 nu meahou like ole e puka aleu ai maloko o ke Kuokoa nei, ke hoopukaia aku nei na kan*wai apau.ma keia helu.

E malamaia ana he kaihuakai hoolewa hoomanao no ka Peresidena Harding, mailalo niai o Aala Paka, no ka pa'lii, ma ka hora umi o keia kakahiaka Poalima iho, a maloko o ka pa'lii na hana hoomanao e lawelaweia ai ma kela kakahiaka.

I kulike ai me kekahi aelike i hanaia e na kapena o na mokuheihei, he ekolu mau moku e komo hou ana Lloko o ka heihei mai Hawaii aku nei no Kaleponi, a e haalele iho ana kela mau moku ia Honolulu nei ma keia Poalima, ke ole e loaa he mau kuia.

Ma ka halawai a ka papa o na lunakiai o ka noho ana ao ma ka po o ka Poalua aku la i hala, i a'e ai ka papa i ka vito a ka meia, no ka aelike pili i ke alanui o Nuuanu.

Ua hoole ka papa o na lunakiai i ke apono ana aku i ka inoa o Simoon Akaka a ka Meia \Vilson, o ka waiho ana mai ma ka po o ka Poalua iho nei, i hoa no ka papa komisina makai.

Mawaho ae nei o Kaimuki ma ke kakahiaka o ka Poalua nei i paa ae ai he wahine Kepani i ka hopuia e na makai hooko i ke kanawai hookapu waiona, me ka loaa pu ana aku o ka ipuhao puhi rama ame na galani okolehao.

I kulike ai me na lono i hoea mai i Honolulu nei, e malama mai ana na makaainana o Hilo, Hawaii, i ke anaina hoomanao no ka hoolewa o ka Peresidena Harding ma ke kakahiaka o keia Poalima.

No ke komo pu ana aku iloko o ke kanikau no ka haalele ana mai o ka Peresidena Harding i keia ola ana, ua paniia na keena oihana o ke aupuni Teritore, ko ke Kulanakauhale o Honolulu nei, ame na keena oihana federala, iloko o keia mau la.

E hoomaka ana mai ka hora elua aku o ka auwina la o keia Poaono, a paa ma ka hora ewalu o ka po, e malamaia ai ke koho baloka o na lala o ke komite kalana, ma na kalapu Repubalika, i loaa he mau moho lehulehu e alualu ana i kela kulana.

Ma ka mokuahi Wilhelmina o ke ku ana mai no Honolulu nei, ma ka auwina la o ka Poalua aku la i hala, i huli hoi mai ai o Mrs. Luny Wright. o Waimea, Kauai, ame Miss Pua Wright, mahope iho o ka hoohala ana i kekahi mau pule lehulehu ma Kaleponi, no ka hui nui o na kumukula i malaniaia mai nei ma Okalana.

Mahope o ke kaama'i ana no kekahi manawa pokole, i haalele mai ai o Mrs. Kahaulelio K. Hilo, ka wahine mare a William Hilo, o ke alanui Hokele, i keia ola ana ma ka Poakahi nei, a ma ka Poalua 'mai i hoomoeia aku ai kona kino, ma.ka ilina o Kawaiahao.

Oiai na ?a c komo ana o Hawaii nei iloko o ke kanikau ana no ka Percsi<iona Harding, ua paniia ka puka o ka hale hoikeike o na meakahiko.

I kulike ai me ka hoike i loaa mai i keia keena, aia na luna oihana o Maui ma ka meheu pololei c hookolo īnai la, no ka paa o ka mea nana i pepehi ia Mr. C. C. Conant o Molo* kai a make.

Mahope iho o ka hoohala ana i kekahi mau pule lehulehu ma Amerika i huli hoi mai ai ka Lunakanawai C. B. Hofgaard o Waimea, Kauai, ma ka Wilhelmina, o ka Poalua iho nei.