Ka Nupepa Kuokoa, Volume LXII, Number 33, 16 August 1923 — Page 6

Ka Nupepa Kuokoa

KE KILOHANA POOKELA NO KA LAHUI HAWAII.

 

He Moolelo Walohia

Ko Vekinia Waiwai Hooilina

Hoopuhiliia na Hana a ka Mea Manao

Ino---Kau i ke Aki i ka

Manawa Hope

 

            Aaki iho la o Liliana i kona mau kui i ka manawa ana o ka ike ana mai i ka hoihoi o ko Rupata mau maka o ia alawa ana mai e nana ia Veki me ka minoaka hoomahie ma kona he-lehelena, a ke nooonoo pu la oia ia manawa heaha ana la ka kona makuahine mea e kamailio mai ana i ka manawa e loaa aku ai iaia ka ike o ke keiki hanai a kona anakala ua haawi aku oia i kona naau apau maluna o ke kaikamahine Amerika i hoowahawahaia.

            "I Amerika no anei oe, e Miss Linetona mamua?" wahi a Veki o ka ninau ana aku i kona hoapaio, me kona ike ole aku aia iloko o i ala ka inaina kahi i hoopu'e mai ai nona, no kona hele pu ana mai me ka i ala mea i lia ai.

            "I Amerika no anei oe, e Miss Linetona mamua?" wahi a Veki o ka ninau ana aku i kona hoapaio, me kona ike ole aku aia iloko o i ala ka inaina kahi i hoopuʻe mai ai nona, no kona hele pu ana mai me ka i ala mea i lia ai.

            "Ae, ilaila au, a ua lehulehu kaʻu mau wahi i ike a ua nui no hoi kaʻu mau mokuaina o ke kaahele ana i kekahi kau wela he mau makahiki lehulehu i kaahope aku nei," wahi a Miss Linetona.

            "A pehea ua hauoli no anei kou uhane i ka ike ana aku i na wahi like ole o ia aupuni?"

            "He like ole nui loa o Amerika mai Enelani nei aku, he nani no ia aupuni, aka nae, he oi aku no koʻu makemake i koʻu au-puni nei, a o keia no ka oi aku o ka maikai ame ka nani i kuu manao, oiai nae, aia maloko o Amerika kekahi mau wahi kau-lana loa ma ke ao," i pane mai i o Liliana, "Aka nae, ane-ane e lilo ko mama ola ma kekahi uila kaaahi malaila, a ua nui no hoi koʻu hauoli no kona hoi ana mai me ka palekana i ka onehanau nei."

            "O!" Wahi a Veki i hooho ae ai, me ka hoohoho ana aku i kona hanau iloko, elike me ka hana a ka mea i piha i ka eha-eha no kana mau mea hookaumaha noonoo i ike ai. " Ke hoo-maanao nei au ia uila poino i loaa ai iaia; o wau pu kekahi ma-luna o kela  kaaahi i halawai ai ko makuahine me kela uila. O kela Lede Linetona anei kou makuahine?"

            "O kaumaha maoi ka kou komo pu ana iloko o kela ulia! Ua eha anei oe?" wahi a Liliana o ka ninau ana mai me ka piha loa i ke kahaha.

            "Aole! ua pakele maua me mama aole i manuheu, o ka piha nae i na manao pihoipihoi o ia ka i loaa ia maua. o k kaiakama-hine kauwa a maua ka mea i eha, ua haki kona lima a lewa. Ke hoomanao nei no au no ka Lede Linetona, no ka mea, ma ka la a haalele aku makou i kela wahi a makou i noho ai ua lawe pu aku la o mama ia'u e ike iaia; ua maopopo loa ia'u ko'u lohe ana i kona inoa mamua i ko Mr. Hamiletona mana-wa i hoike mai ai ia'u nona ma kekahi la aku nei o ka pule i hala. eia nae aole hiki ia'u hoomanao ae no kahi a'u o ka ike mua ana iaia," i pane aku ai o Veki.

            "O ka'u makemake nei e ike o ko mama anei ka lede loko-maikai a oluolu i kokua ai iaia i koa manawa e ma'i ana?" o keia la Liliana mau mea e noonoo ana no ka ninau ana mai ia Veki, eia mae, o na huaolelo mua wale no ka i puka mai i kona waha, a hooki koke iho la i kana kamailio ana no ka piha loa i ke pihohoi.

            Ma kela manawa e ma'i ana o ke Lede Linetona, mahope o ka loaa ana i kela ulia kaaahi, a hoea aku ai ke keikikane ana no ke kii ana aku iaia, ua hooiaio mai oia i ka olelo a ke kauka, a ua lohe maopopo ke keikikane ia mau hoakaka a ke kauka he wahine Amerika koa loa ka mea nana i hoopakele i kona ola, a na ia lede no hoi i malama maikai iaia iloko o kona manawa e waiho ana i ka ma'i nona mahope iho; eia nae, ua hoole paakiki loa ia lede aole e hoike wale ae i kona inoa, oiai nae e kamailio mau ana o Pasi ame Liliana, na kahi lede i hoike ole aku i kona inoa, i mala-lama i ko laua makuahine.

            Nana ae la ko Veki mau maka iluna me he la e ninau ae ana, i loko Liliana manwaw i hooki koke iho ai i kana kamailio ana, nolaila ua koiia mai la oia ma kekahi ano e hoopau pono aku i ke kamailio ana a i aku la:

            "O ka'u e makemake nei oia ka nui ole o na ola i make ma kela uila: he uila weliweli maoli no kela la ma jela manawa i hu ai ke kaaahi apau na kaa i ka nahaha. Ua ike anei oe i na mea hoikeike kamahao Kepani a ka Lede Danafota, e Miss Alekanedero?"

            "Aole la: aohe o'u manawa i laweia aku ai e hoikeike," i pane aku ai o Veki me kona noonoo ana iho i ke kupanaha o kona hoaloha ano iho la ka hoolauna ana, o ka hoololi koke ana ae la no k ia i kana kumuhana e kamailio mai ai.

            "Ina aole oe i ike, e ae mai hoi ha oe e lawe aku au e hoikeike ia oe, ike oe ia mau mea kamahao i hanaia e ke akamai o ke kanaka," i kahamaha koke ae ai o Rupata no kona makemake iho la e kaawale koke maka Veki mai a Liliana mai, a i ko Veki ae ana aku, hopu mai la e Rupata i ko Veki lima, a haawi aku la hoi o Veki i kana kunou haahaa loa i Liliana aku.

            Ia laua i u haele aku ai, nana aku la o Liliana mahope o laua me ka piha loa i inaina, me ka naau hoi i hoehaehaia, eia nae, iloko wale iho no on a ia inaina kahi i hoonaku ai, no kona ike he poe okoa aku kekahi e nana mai ana iaia ia manawa e ahuwale loa ae ai ia manaoino on a; nolaila aole i hala he ma-nawa loihi mamua o kona lilo hou ana oia ke ola ame ka hoku-hele a o ke kikowaena hoi o kekahi pohai o ka poe maka hano hano e akoakoa ana maloko o ia hale ia manawa.

            Alakai aku la o Rupata ia Veki ahiki i ke komo ana aku iloko o kekahi wahi rumi uuku ma kekahi aoao a i laweia hoi mai Iapana mai.

            Ua hoolakoia ia wahi rumi me na mea nani, a ia Veki i komo aku ai maloko o ia rumi aohe mea hookani e ae a kona naau o ka mahalo wale no i ka nani o na mea apau e ahu mai ana maloko o ia rumi, o ka oluolu iho no hoi kekahi o ka hoonanea ana ma-loko olaila, ke ea huihui e pa mai ana, me ka noho pu aku o Anoipua imua o kona alo, ua piha iho la oia i ka hauoli, a ia Liliana hoi e kuaku mai ana i ko laua noho kokoolua.

            No kekahi manawa aneane e piha ka hapalua hora ko laua hoo-nanea ana malaia me ka nana ana i na mea hoikeike kamahao a na Kepani e ahu ana maloko, a no ka hooahauoli pu ana no hoi kekahi ia laua no ia hui ana, a kokoke no hoi e puni kela rumi ia laua i ka heleia e nana i na mea hoikeike like ole,ia ana ma ka puka a komo ana no iloko.

            Huli koke mai la o Rupata e nana, a hoomaka koke mai la mo oia e hele mai imua, me ka hoihoi na maka a he minoaka o ka hauoli hoi ke paani ana ma kona helehelena, a hooho ae la:

            "O Anakala Wile;" wahi ana, "aole au i manao e hoea mai ana oe ianei i keia po. I ka manawa hea kou hoea ana mai nei?

            "He mau minuke kakaikahi wale aku la no i hala," wahi a ka anakala o ka pane ana mai me ka oluolu loa a e hoike ana hoi.

            Ma kona leo aia ke aloha iloko o no kana keiki hanai. "Aole au i manao e hiki ana la ia'u ke ae mai i ke kono a ka Lede Danafota ua hoike aku au ia Miriama aole au e hiki mai ana no kekahi kumu no a'u i manao ai, eia nae mahope o kou noonoo ana ame kou hooikaika ana hoi e pau koke kau mau hana mamua o ka manawa maffiu e pau ai pela iho la au i hooholo ai i kuu manao e hiki ianei no ka hoohauoli a no ka loaa ana hoi he manawa maikai e hoomahaia ae ai ka noonoo pilihua no ka hana."

            "O, ke hauoli loa nei au no keia hoea ana mai la ou, e Anakala Wile; ua ike au ma kekahi mau la aku nei i hala ua nui loa kau hana me kou haawi nui i kou manawa ame kou noonoo no ka hana; o ka loaa o kekahi manawa nui nou e hoohauoli ai ia oe iho ka mea pono loa.

            "E Anakala, e oluolu oe e komo loa mai iloko nei, makemake au e hoolauna aku i kekahi o kou mau hoaloha maikai loa, he lede opio ia oe eia oia maanei i nei manawa a makemake  au e ike oe iaia" a hopu koke mai la no i ka limi o ka makuakane a alakai aku la a hoca i kahi a Veki e ku mai ana me kona nani nui, oiai o Veki e nana ana i kekahi mau lihilihi i hana maiau ia ma kekahi aoao aku o ka rumi.

            I ko laua hiki ana aku ma kahi a Veki e ku ana hooho ae la ke Sa Williama Hita me ka leo pihoihoi: "A, he lede opio ka!" Aohe hiki pono ia Sa Williama Hita ke ike mai i ka helehelena o Veki, no ka huli o kona alo i kahi o na lihilihi o ke kua wale no kana wahi e ike aku ana.

            No keia leo o ka anakala a Rupata i lohe mai ai pii iki ae la kaula ma kona mau papalina, aohe nae ona puaileo ahiki i ko laua hoea ana ma ka aoao o Veki, alaila i mai la:

            "E Miss Alekanedero, ke makemake nei au e hoolauna aku i kou anakala ia oe o keia ka hoaloha oiaio a maikai loa ou ma keia ao au i kamailio mua aku ai ia oe i ko manawa i ninau mai ai no kou wahi e noho ai o kou kahu keia ke Sa William Hita.

            Ia lohe ana aku o Veki, alaila huli papu mai la oia imua o na keonimana, he minoaka ma kona mau lehelehe, a no ka mea, no ka manawa loihi mamua aku kona iini mau ana e hui a e halawai hoi me ke kahu hanai o Rupata, a ia ike  ana aku a Sa Williama aia kekahi mea iloko o ka helehelena ui o veki i nana ae ai iluna iaia, kela hiohiona hoi ana i hoohuoi iho ai ua aneane like me kona, na maka poniponi no hoi o veki like me kona, ke ano o ka nana ana ame ka oni ana, ka leo no hoi i aneane loa elike me ko kana me kona wahine i nalowale loa mai iaia aku no na makahiki lehulehu i kaahope aku i ka manawa a Veki i hele mai ai e hui a e haawi mai hoi i kona aloha lululima ana iaia ua hoopilihua loa i loaa ole iaia mamua aku eia nae aole oia ia moeuhane iki o ke kaikamahine nona ke helehelena ui ana e hoohuoi ana o kana kaikamahine ponoi no ia ana i ike ole ai i ka hanau ana a i keia ike ana ua kanaka makua.

            Ina paha i loaa ka ike maopopo i ka makua ame ke keiki i nei manawa o kana keiki ponoi ia, a o kona makuakane ponoi no hoi ia, in a la he manawa ia e hoohanininiia ai na kuluwai o Kulaniakoi aole nae.

            Ia manawa i ka Sa Williama Hita noonoo iho me he mea la ua ike mua no oia i ka helehelena o ke kaikamahine e ku mai ana mamua on a mamua ma kekahi wahi me he mea la ua halawai mua no ko laua mau uhane iloko o kekahi manawa powehiwehi i hala a ua malamaia kekahi manawa maikai loa ma ke ke kamailio pu ana, aole nae e hiki iaia ia manawa he hoomanao ae.

            Ia mau minuke ua hiki ole iaia ke hoomaopopo ua ala loa paha oia a i ole e moeuhane ana paha ia mau minuke me he mea la he ohu neepaa ka i huna ae i ka ike a kona mau maka ke lohe la no hoi oia i ke kanioeoe o kekahi mea ma kona mau pepeiao me he ulaleo la na ka manu e kani mai ana i Olaa, "paia kona mau pepeiao aohe ana leo lohe aku, a me he mea la ua nakaka ka hanua malalo iho o kona mau kapuai waewae me ka makaukau loa e ale ola aku iaia.

            "E Anakala Wile, ua mai anei oe?" i ninau koke ae ai ke keiki no kona ike ana ae i ke ano e o ka makuakane a i ka lohe ana mai o ka anakala, puiwa ae la oia ma he mea la akahi no oia a ala ae, alaila hoomopopo iho la ua anoe ka paha kana hana ame kona noonoo mamua iho.

            "Aohe ai mai e kuu keiki he ano poniuniu wale iho la no keia ou a e pau ana no ke hala ae kekahi manawa a ke ike nei no au ua hala hope aku la ia ano i nei manawa a e noi aku ana au ia oe a i ko hoaloha e huikala mai iau no kou lilo ana i mea hoopihoihoi aku paha i ko olua mau noonoo" i pane aku ai ka baroneta a haka pono aku la kana nana ana maluna o na maka onaona poniponi o Vekinia e kau mai ana iluna a e nana pono mai ana no hoi iaia.

            Haawi aku la oia i kona lima no ka paaia mai e ke keiki i ole ai oia e hina ilalo, i ka manawa ana i kamailio aku ai, a hele mai la no hoi o Veki imua hookahi kaina waewae me he mea la he mana ume kekahi nana i huki mai iaia ana i hiki ole ai ke hoomanaopopo ia manawa.

            "E noi aku ana au i kou oluolu e Sa Williama e noho, ilalo ma keia noho paipai," i noi ae ai o Veki a huki pu mai la i ka noho paipai ie no ka makuakane e noho ai.

            "O, me ka mahalo ia oe, e noho like iho no kakou apau ilalo a e kamailio liilii no kekahi manawa," o kona haule iho la no ia ilalo o ka noho a nana hoi ka noho hookahi ka noho like ana iho o na keiki a me ka mau no o ka noonoo iloko o Sa Williama me he mea la e kaawale aku ana ka papahele mai kona mau waewae aku ana ka papahele mai kona mau waewae aku.

            Huki mai la o Rupata i kekahi noho no Veki e noho iho ai, a i ko Veki noho pono ana iho oili aku la e kii i kiaha wai no ka makuakane i mea hoanoe ae i kona noonoo a eia nae i ka loaa ana mai o ke kiaha wai ua hoi hou mai la kela ano maikai elike me mamua aku a kamailio mai la ma ke ano hoomama i ka noonoo o ke keiki a no kekahi manawa loihi ko lakou noho ana e kamailio ma ka mea e pili ana i na mea hoikeike kamahao a lakou e ike aku ana ma na wahi apau oloko o ia rumi.

            Oiai lakou e noho ana a e kamailio ana aia maluna o Veki na maka o ka baroneta kahi i haka mau ai me kaiini nui iloko on a e maopopo ka makuakane o ke kaikamahine ame kona moolelo. Ua lilo ka maikai o na olelo a Veki ame ka ui no hoi o kona helehelena i mea makemake nui nana a i kela ame keia manawa a ke kaikamahine e kamailio mai ai iaia aneane loa e hanini mai na waimaka mai kona mau maka iho.

            "He malihini anei oe e noho nei ma Ladana neI? i ninau okoa aku ai oia ia Veki, mahope o ka hooki ana iho o Veki i kana kamailio.

            "Ae, he malihini au na ka mokuakahi i lawe mai a pae i nei aina malihini, eia nae, aole au i hoomaopopo ia mea oiaio he malihini au mai kou manawa o ke hoea ana mai ianei no ke kumu no he poe lokomaikai maoli ko keia aina," i pane mai ai ke kaikamhine.

            "A aia ihea kou home?" wahi hou o ka ka baroneta ninau.

            "Aia maloko o ke kulnakauhale o Nu Ioka ma keia aoao o ka Moana Atelanika."

            "Oiai o ka alaila o kou hoea kou hoea koke ana mai nei no anei ia nei?"

            "Ae, ua loihi iki ae nei no nae no ka mea o ke kolu keia o na pule mai kou hoea ana mai," i pane mai ai o Veki.

            Huli ae la o Sa williama e nana la Rupata me he mea la, e ninau aku ana o ka loihi io na paha ia o kona manawa mai ka hoi  ana mai.

 

NOHO KA HALAWAI A KA EKA LESIA O ISEU KRISTO O NA LA HOPE NEI MA KA POA-ONO, LA 4 0 AUGATE, 1923.

 

Ua hoomaka na hana ma ka hora 10 ponoi, Peresidena Nepa ma ka noho me kona mau hoa kuka. O ka mua o na hana o ka hui ma-nawalea no ia i alakaiia e Mrs. Mi-newa me kona mau hoakuka elua: ua ku ke anaina e himeni, "Ia Oe ke Akua ka Mahalo"; puleia, a ma ka pau ana o ka pule, himeni hou, "E Hoonani i ke Akua."

         Ua ku mai o Minewa a hoike mai i kona manao iwaena o na lala o ka hui e kaheaia ana lakou e haiolelo, a e hoike mai i ke ano o ko lakou mau apana i noho ai, ka hoomau i na hana ma Waikiki, Kalihi, Au-waiolimu, Wahiawa, Laie, Manana, o keia na peresidena i hoike mai i hor 12 ponoi. Noho hou ma ka hora 2 pooi a hoikeia mai e ka Peresidena Nepa.

         Ua kaheaia ke anaia e ai iloko o kekahi lanai pe'a i hoomakaukau-ia, ua ai me ka maluhia a lawa, hoomaha he hapalua hora.

         Noho hou hora 2 ponoi, i alakaiia e ka papa hmeni o Kalihi, pule a himeni hou.

         Ku mai ka paeaina a hoike mai, ka halawai keia o na luna i loaa ka oihana kahuna; ua hanaia ka hana me ka oiaio, ua hanaia ka hana me ka oiaio, ua kaheaia na luna e hoike i ko lakou mau apana, a he nui aku na hana i hoikeia mai e ka paeaina Nepa. Ekolu malihini mai Kaleponi mai, ua kaheaia e haiolelo ma ka olelo namu, a hookuu na hana hora 3:30.

         Komo mai i ka hora 7:30 p.m. i ka po, no ka ahamele, nui ka poe i komo mai ia po a loaa no na kenkeni $20.15.

         Ku mai ka Peresidena Nepa, e hele mai oukou i ka la apopo i ke Kula Sabati, a Hui Opio i ka auwina la, hora2. Hora 7:30 o ia po, noho hou, ua nui na hana i lawelaweia, haiolelo, a pela wale aku, a hookuuia ia po ma ka hora 9:20, mw ka pule a kekahi o na luna.

         W.K. APUAKEHAU

HAINA NANE

         Eia hou mai no ke keiki o ka peni hulu ekake, o ka Maluulu, ke nome hou aku nei no me ka popo-ahi Helene, e hiki ole ai ka wela o ka hua nioi ke konikoni iho o'u mau lehelehe.

         E oluolu mai hoi i wahi keena hou no'u, e ha'i hele ae ma na kai-aulu o na paemoku, o Hawaii, a loaa aku ke keiki o ka makakila niho elepani o ke kai maokioki, Kona i ka la'i, no na keiki hua nioi a ua eueu nei o ka pali kapu o Keoua.

         Ka hua nioi mua, loaa no au i na mea ulu a ke Akua i hana ai.

         Poka mua. Mole. Ua loaa i na meaulu apua, o ia ka hope loa o ke kumu o na meaulu pela i kapaia ai ka mole o na laau, na meahihi.

         Ka hua nioi elua, loaa no au i na moku, na waapa, na waa, ame na kanaka apau. Aole loa au e haalele ia lakou ahiki i ko lakou hoooluolu ana.

         Poka elua. Ka, O ka huaolelo ka, he mea pili paa loaa ia mea lakou, aole he wa e haalele ia moku, ia waapa, hoe ka, ia waa ka liu, a pela wale aku.

         I ka hui ana o na keiki hua nioi nei a ke keiki o ka makakila niho elepani, loaa ke kino hookahi ke kama apiki, aole mea e ike aku iaia!

         Eia mai ka hoopili ana o ka popoahi Helene. Moleja, ke aliinui.

         I kela au kahiko loa, he ma haneri makahiki lele wale, oiai ka Amona e noho ana ma ka aina he-molele, e hoomana ana ia Moleka ko lakou akua kii, i hoomahui pu aku hoi ka lahui Isaraela ia lakou i huikau pu aku ai me ka Amona, aka nou e ka lahui Hawaii mai ke komo ana o ka pono iloko ou e Ha-waii ahiki i keia la ua ike anei na hanauna hou i ke akua o ka Amona, a i ole ke hoomanaia anei oia i ke-ia au o ke Kauoba Hou? Aole, pela i nele ai ka ikeia ana o ko kama.

         Ke lana nei ka peni hulu ekake, e kupono aku ana ka popoahi He-lene i na lehelehe o ua kama hoo-kapuni nei au e ke keiki o  ka wai kau i ka mak ao ka opua, ke lele-pi nei kuu peni hulu ekake ahoe hoololohe hou ma ha'i o ka auwai, ka mea weliia e na ekake Papani ke o holu ka aiana, haukawewe aku la ka popoahi Helene i ka pali kapu o Keoua e weluwelu liilii ai ka paa no 365 la.      G.K.P. KAUAULA,

Keiki o ka Peni Hulu Ekake Maluulu o Lele, Lahaina, Maui.

         Kapekepeke mai la no ka helena o ka poka ahi Helena a ke keiki o ka peni hulu ekake; o ka e'a o ka lepo ka i pohina i na maka, aohe wahi mea a mahina mai ka paa o ka pali Kapu o Keoua, he o ia mau no ua eueu nei i ka maka o ka opua. I nui ke aho i make ka hoapaio; no ka mea, he iki ulu ia no Kanekina, haalulu ke kahua maika. Huli hou ia mia!-L.H.

HOALOHALOHA NO KEKUAI-OLELO MALAMA

Mr. Lunahooponopono, Aloha oe: -O ko makou hoahanau i ha'ia ae la maluna, he lala ku maikai no keia mau Ahahui, aole wale o ia, ua noho me ke aloha hoahanau oiaio he kiahoomanao e poina ole ai; pela no makou e komo pu nei iloko o kou kaumaha, a kanikau pu ana me oe i Mr. Malama ame ka olua mau lei keiki, ame ka ohana apau.

         Haalele mai oia i keia akoakoa pu ana, wanaao Poalua Mei 28, he luaiakoko kona ma'i nana i oki pu ue i kona ola, me ka hikiwawe loa, oiai kona noonoo e maikai ana no, pomaikai wale hoi ha ka poe e kiai ana, wahi a ka buke nui, aole lakou e weliweli ia mea. No-laila, e hoolana no i manao.

         E nana ia Iesu Ke keiki Hipa no, Ua make oia no'u, I ola au a mau, He uku aha ka'u, E uku ia Iesu, Kuu kino kuu naau, Me kuu mau mea apau.

         Aloha no o Kekiniolelo, he kai-kamahine papa no na wai kaulana o Manookalanipo, ka wai ualiliahi, ame ka wai kea, o Makaweli, he kupa hoi no ke one o Luhi me ka i'a lau o ka aina, i'a hoanu ili, he mea ole nae ia anu, he manawa walw no kona e hiki mai ai, a o ke anu hoi hou ole mai, o ka moe kapu a Niolopua, ilaila na mea apau, ua paa ke kanawai luli ole a ko kakou makua laui, a Nana no auanei e lawe aku na kaumaha ame na luuluu, ou e ke kane a ko ma-kou hoahanau ame makou pu iloko o ke aloha o ko kakou Kristo.

         O maua iho no ma o na ahahui i hoikeia maluna,

Peresidena- Mrs. FANNY SABO,

Hope-Peresidena- MRS. H. CHARLMON

Komite:- MRS. ROSIE CHU WAH,

NA LUNANUI O KA AHAHUI C. E. MAKUA O KA KAWAIAHAO

         O keia malalo iho nei na lunanui hou o ka Ahahui C. E., Makua o ka ekalesia o Kawaiahao:

         Mrs. Martha Hailele, Persidena: Mrs. Kalua Kiakahu Hope Peresidena; Mrs. Beckey Keliikahi, Ka-kauaolelo, Mrs. Nora Kama, Kakau-let; Mrs. Emily Perry, Puuku; Mrs, Amma hussey, Hoa-kuka; Mrs. Minnie Mattson, Lunahooia, Susan Kaahea, Elele.

Ei ma Kohala Hawaii kekahi hui hana halakahiki, a ole no i hiki aku kona mau eka i ka palena o na eka e hiki e kanu ia i ka hala-kahiki. Eia no lakou i na la o ka hoao, no ka mea he mau tausani eka i hiki e haiia i keia hua ai, in a e makemakeia ana. Eia no hoi ma Kohala kekahi mau hui mahiko ano kunewanewa no o ke ola ana, ma-muli o ka lawa ole i ka wai a o na ko e ulu la ma kekahi mau wahi e kaukai wale no i ka ua. I ka nele ana i ka haule ua, maloo iho la ke ko. A o keia mau aina e hiki loa e kanu ia i ka halakahiki loa e kanu ia i ka halahiki no ka mea he mai aina lepo momona a aole mea nana e akeakea mai ka ulu pono ana o na mea kanu, a oi aku hoi ka halakahiki. Aole wale no o keia na Apana i hiki e hooina ae na loaa mamuli o ka haalele ana i ke kanu ko aka ana na aina no mai puna ame kau, he mau aina e waiho wale nei, a he mau kula hanai pipi i keia la, aka, in a e hoomakaia ana e ka hulakahiki e oi aku ana ke kanu i ka halakabiki e oi aku ana ka loaa. Ma ka aina o Kamoa ma Kau he mau tusani eka i hookaawaleia ma ke kanawai hoopulapula a o ka hapanui o keia mau eka i hookaawaleia ma ke kanawai hoopulapula a o ka hapanui o keia mau eka ua hiki loa o ke koanuia i ka halakahiki. Ma ka nana aku, aole he alanui e ae e hiki ai e hoonui ae i ka waiwai o Hwaii nei mamua o keia 'oihana o ka oihana kanu halakahiki.