Ka Nupepa Kuokoa, Volume LXII, Number 33, 16 August 1923 — Page 7
| This text was transcribed by: | Kamehameha Schools Gift To Dr. Chun |
| This work is dedicated to: | Dr. Michael J. Chun |
Ka Nupepa Kuokoa
KE KILOHANA POOKELA NO KA LAHUI HAWAII.
Mr. Lunahooponopono o ke Kuo-kea: Aloha oe:- Me ka naau i piha okolu mai i wahi kaawale o ka hiwahiwa a ka lahui no ka makou wahi kanaenae hope loa no ka makauahine o ka pono i hookaumahaia i hooneleis i kona hoapili ke kane kana mealoha o keia ola honua ana, i ike mailai hoi na pae Ilani mauoa o Haupu. i ke kama ame ke ewe o ka aina e huli hoi aku la i ka aina o Manokalanipo, me kana puolo nui he lehu wale no me na waimaka helelei.
Kahi Moolelo o Keia Make Mainoino
Ma ke kekahiaka nui o Poakolu. O ka la 20 aku nei o Iune, a i ka hapalua paha o ka hora 5 e aneane aku ana no i ka hora 6, ua ala ae la no keia haole a he mea mau no iaia ka hele ana i kahi o na paahana e kali mai la e maopepe kahi o ka hana e hana aku ai ala ae la no oia a hele aku la e halawai me kana wahine maloko o ka hale kuke e hoomakaukau ana i meaai na kana keiki e hele aku ai i ka naha. ninau mai la oia i ka wahine in a paha oia i ike ua ku mai o Likelike. ae aku la ka wahine. ua hala aku la. puka pu aku ia no laua a elua a ku ma ka pukapa. e kokoke aku ana i ka hale waibo kaa (garage) me he la he 30 wale no paha kapuai mai ka puka pa a komo aku iloko o ka hale kaa, hulk hoi aku la ka wahine noloko o ka halekuke, kaha iho la no ke kane hele aua iloko o ka halekaa a kau aku maluna o kona kaa "Dodge" no ka hele ana e nana i na paahana.
Ia wa lohe mai la no ka wahine i ke kapalulu o ka mikini, e hooholo ana a makaukau pono paha no ka nee ana imua. alaila pii aku hoi ke kanaka a hehi aku i ke ki hooholo o ke kaa imua, a me he mea la, i ka wa no paha i pii aku ai iluna o ke kaa, a hehi aku ke ki holo, o ia no ka wa i pa-hu ae ai a puehu liilii omua o ke kaa, lohe koke mai la no ka wahine i ke pa-hu a naueue ka halekuku, a pau no mea o ka halekuke i ka helelei.
Holo koke mai la no ka wahine me ke Kepani kuke, e waiho ana ke kane ma ka aoao akau o ke kaa, ua hai kekahi wawae a he mau puka ma ka umauma e kokoke aua i ka puuwai, ua mokumoku ke poo, hapai ae la ka wahine i ke poo e kamau ana no kahi hanu a o ka lele loa ae la no ia, kaikai ae la ka wahine, ke Kekani ame ke kanaka uwi waiu i ka mea poino a komo iloko o ka hale, a holoiia ae la ke koko a hoomaemaeia, alaila kaheaia ka makai ame na kanaka hana, na kanaka ame na Kepani.
Ua hoouna koke ia aku ka lono i Honolulu i ka ohana Cooke, na on a na aina hanai hloholona o Molokai, Ranch. a ma ka lokomaikai o ka oihana kaua ma Puuloa, na kau mai la o Geo. P. Cooke me ka makaikiu maluna o ka mokulele me ka pokole o ka manawa. Ua kelekalapa pu ia aku ka Makal Nui Crowell i Maui. ua hiki e mai ko Honolulu, a i ahi la ae ko Maui.
Hiki mai la ka Makai H. H. Peelua ma kahi o kahi o ka poino, ua weluwelu omua o ke kaa, o ka hale me weluwelu, kela hao keia hao kela kui keia kui ame na apanapana lole o ke kaa, aia lakeu apau me he mea la ua kakiaia iluna o kaupoku na aaho ame na kua, ua puka pu kaupaku ua na-ha ia kekahi aoao o ka hale.
Paniia kela hale a paa i ka papa ahiki i ka wa o ka makai nui ni ole na on a o ka aina e hiki mai. ai. o G. P. Cooke ame ka Makaikiu Harria ka i hiki mua mai, a huliia ahi i hoopoinoia, ua loaa aku maloko o ke kaa kekahi mea i hanala he mea hoopa-hu, a ua loaa aku no kekahi owili o ke kiana pauda, a he kanaka akamai ka mea nana i hana. Me he mea la ua maopopo i ka makaikiu ka mea nana i hana. aole he Kepani aka, he mea ike, aole no i hopuia ahiki i keia la. ke huli nei no.
KE KULANA AME KE ANO O KEIA HAOLE
O Mr. Elmer Ellsworth Conant ka inoa o keia haole, kekahi keia o na haole oluolu. a ua lilo kona oluolu ame kana man olelo ame kana hana i mea na na Kepani e makemake loa ai. a pela pu hoi me na Hawaii.
Me ah mea la he 4 a 5 paha makahiki i hala ae nei. ua hoihoiia mai oia e ka Ohana Cooke i luna no Kaunakakai nei malalo o ka Lunanui James Monroe. hookahi no mea i makemakeia ai oia, o ia no kona ike kanu ko, ike nana lepo, nana i ke ano o ka wai a pela aku.
Ua eli oia he mau luawai lehulehu a ke waiho nei me ka manao e mahi ko aku ana no, in a aole i loli ka aina o Kalamaula i Hoopulapula. ina na ka uwila o Inwe ka wai i Palaau ame Hoolehua no 20 mile.
I ka hoopauia ana o ka luna nul ka Hui James Monroe, ua hookleieia ae oia i luna nui no na aina hanai holoholona o Cooke me i ka makahikl aku la i hala, ahiki i ka make ana iho la.
Ua hanaula ola me Menophia New York, Amerika, i ka la 27 o Maraki 1561, ua piiha laln na maka o ie 42 ame na malama keii, he anaka ike ma ka oihane mahike, ua noho ma ke ano luna nuii no ka mahiko o Kona ame ka mahiko McBride ma Kauai.
Ua hoohuiia laua ma ka berita o ka mare me ke kaikamahine a Mr. Neal o Koloa, Kauai, i ka mahahiki 1883 a ma ka la 16 o June i bala iho la i piha ai ia laua na makabiki he 40 o ko laua noho mare ana, aole loa wahi onene mawaena o laua ahiki i ka hala ana aku la o ka hoapili o ka wahine he kane.
Ua hanau mai na laua he mau keikikane a mau kaikamahine a ua nui na moopuna. O na kunou a keia haole i kela ame keia mea, ua lilo loa ia i mea nui i na lahui apau e noho nei ma Kaunakakai, piha na mea apau me ke aloha nona.
Kahi moolelo pokole hoomanao no ka makuahine Kananiopuna Conant. Aneane 3 makahiki i hala ae nei, elike me ka mea maamau, ua hopohopo ia k ahoolauna ana aku ia makou iho iaia, ma ke ano o ka nana ana aku he poe hapahaole a he poe ano kiekie, a ua ihiihi ka nana ana aku aohe paha o lakou manao mai nei kela ia makou, kii mai la kahi kahuna Kakolita e hele i kaua pule, ua lawe no ke kane iaia ia halepule, a no ke ano kupono ole loa iaia, ua lawe hou aku ke kane iaia i ka halepule o Kekipi ma, eia no nae aole no i ka pono i kona uhane.
Nolaila olelo aku ke kane iaia, pehea no hoi aole ou hele i keia halepule nui ae malolo ae nei?" wahi ana, hilahila au aohe mea nana e hoolauna mai ia lakou ia'u, ua kali ua kali ahiki i ka hele okoa ana e halawai me ka poe maloko o ka halepule, a hai aku ia lakou nana ponoi no e hoolauua aku iaia iho me lakou.
Aole i loihi na la mahope iho hoalaia he kumuhana e kkoa i na Kula Sabati Ekalesia ame C.Kepa kukulu koke ia no he Ahahui no na wahine o na hoomana like ole, kohoia na luna nui a kapaia ka inoa ka Ahahui Lima Kokua o ha Wahine, hoalaia he hana humuhumu, e ao ana i na wahine ame na kamalii wahine, a ika makaukau ana o na mea humuhumu, na weheia he fair ma Kaunakakai, a loaa ma la fair he hookahi tausani a oi ka loaa o na dala, mailoko ae o ia mau kala maheleheleia i na Ekalesia like ole he $70.00 pakahi, ko ma ka waihona $300 a oi aku.
I keia makahiki hoonee hou na hana o ka Ahahui.
Mamuli o keia poino i kau iho maluna on a ko makou makuahine ame kana mau keiki ame ka Ahahui ana i kukul ai no ka pomaikai o na Ikalesia ame mako hoi ka Ekaliesia o Kalaiukamanu na hoa kuka pu o ka pono o ka hana a ka Haku, ua oki pu ia na mea apau. Ke liuliu nei e hoi aku i ka aina hanau i Koloa, Kauai, me kaua puolo he hlehu wale no.
I ka la 22 aw o Iune i hooewaia ai kno kino lepo mai ka hale noho aku no ka moku Leleioua no ka lawae ana aku i Honolulu, e puhiia kona kino, a e laelaweia hoi e kona hui malu, elike me ka mea maumau, ua hele mai na lala o ka ahahui lima kokua ame ka lehelehu holookoa o Molokai nei no ka ukali ana i knoa huakai hope loa, oiai ua pau loa na kahunapuie i ka Aha aenina Honolulu, u ua ka Lana H.H.Peelua i malama ke anaina hoolewa.
Nolaila, e hooholoia. O makou ke kahu, ua luna ame na hoahanau na haumana Kula Sabati ame na lala a hoa o ka Ahahui. C.E., ma ke makou ano he mau keiki nau i hookamala, i nipuu kaakolu ia ko makou aloha pau ole me oe e ka makuahine i hookaumahaia, i houhou ia me na ihe ma ke o ka hoomanoa mau ana ae no ka kakou meaaloha i hoopoinoia e ka mea lokoino, ke komo pu aku nei makou me oe e ka makuahine, ame na keiki ame na moopuna i hooneleia i ka makua, e auamo pu i na ko`iko `i apau o ka ehaeha i haawe pu maluna o kakou apau.
O ka makou pule, ka makou uwalo ana aku imua o ka Mea mana Loa, ko kakou Haku Iesu Kristo, ka mea naua e hali i ko kakou mau luhi ame na luuluu, iluna o kona mau poohiwi a e kaili ae i na wai maka helalei mai ke kakou lihilihi maka ae o ka hoomanao mau ana.
Ke pelu iho nei ko makou mau kuli me ka leo uwalo imua o ka haku, e hoomama mai i ko kakou mau naau kaumaha ehaeha o ka mainoino i hanaia, a nana no e uku mai elike me kana i hana ai.
E hoohele hou ia. e hoounaia aku i hookahi hope o keia nieolo hoalohaloha i ka makuahine a i hookahi hope i k a Nupepa Kuokoa.
Me ka lokomaikai o ko kakou Haku o Iesu Kristo, Amene.
Na Komite:
REV. T. D. IAEA,
JOSEPH N. UAHINUI,
H.H. PEELUA,
D. KAAI,
MRS. ELLI KAAI,
MRS. J. NAKELEAWE,
MRS. H.H. PEELUA,
Kaunakakai Iulai 7, 1923.
HALE O NA ALII O HAWAII.
(Ahahui Poo)
E malamaia ana ku halawai kumau o ka (Ahahui Poo) o ka Hale o na Alii o Hawaii, ma ka Phoenix hall i keia Sabati ihe, Augate 19, 1923, ma ka hofa 2 p.m.
Mt. ke kauohu a ka Ika Hai,
W.J. COELHO,
Iku Kau.
5569-Aug. 16.
HE HAKU`I NEI NAKOLOKOLO
A KE ALOHA PAUMAKO NO
MARY PAMAIAULU K. HILO
(PICTURE)
MRS. MARY P.K. HILO,
______
E ke kuokoa ame kou hookele, aohoa:- E oluolu ia mai hoi, no ka`u wahi puolo waimaka hoi kekahi kowa, a na kou lokomaikai hoi in, e uwile aku, a hoholo aku hoi ka malamalama o kona mau kukuna, e halihali ana i ka ukana a ke aloha, i ike mai ai na makua, na ohana ame na kini makamaka, mai Hawaii moku ma ka hikina a ke kohi ana i kamole o Nihoa, ka palena o na moku.
Ma ka horn 6:30 a.m., o ka Poakahi la 6, o keia, mahina, i nihi malu aku ai ka uhane o kuu mea aloha hwahine, mahope o kona kaama`iana no ka mahina a oi, a haalele mai la ia`u, na keiki ame na moopuna a maua, waiohia wale!
Me he kapuai kanaka la ka ua o Hilo,
Ke nehe ae la mauka o Kau e!
He u aloha ko makou me ka minamina nui nona e noho nei, aloha no!
Ua hanauia mai o Mary Pamaiaulu K.Hilo, ma ka la 8; o ka malma o Feb. 1878, na Kaapuni Kamanuwai ka Makuakana ame Pamaiaulu kanio Kuhilani ka makuahine. Ua hala e ka makuahine, a o ka makuakane no koe ame kona mau hoahanau; a ma Honaunau, Kona Hema, ko lakou onehanau; a i kona nui kupono ana, ua hoohuiiia maua ma ka berita maemae o ka mare, e ka Lunakanawai Thomas H. Wright i ka lae17 o aperila, 1897.
Nolaila, ua piha ia maua, he 26 makahiki, 15 mahina me na la keu 19 o ka noho ann iloko o ka maluhia o ka berita, mare, a na ka make ana aku la i apahu pu ne i ka olelo hoopaa mawaena o maua me ke Akua ame na hoike ike maka.
O ka nui hoi o kona mau la ma keia ola ana he 45 makahiki 5 malama, me ua la keu 8, a hala aku la i ke ala kokoolua ole, i ke ala hiki ole hoi ke hoi hou mai, aia kela ke hiolani In me Niolopua i ka aina moeuhune, e hoomaha ana, a e kali ana i ka mea nona ke aupuni mau lea.
Ke ku nei au a uana no,
Ma Ioredane ae,
I kela Kauaann hou.
Malaila kuu waiwai,
Maha no ma ka aina maikai e mao ae,
Maao ae ma ke kahakai lai,
A memele ae la me lakou mao ne,
a maha mau la me Iesu,
He hookahi wale no makahiki a oi mai ko maua mafre ann, i haalele aku ai i ka ainahanau, a holo mai i Honolulu nei, me ka manao no, e hoohala no kekahi mau makahiki, a huli hoi aku no i ka aina, e kau aku ai na maka i ka opua ke ola, o ia ka wai, e hiiia mai la e na kipoohiwi a ke ao, eia, nae, ua nanea loa iho la ka noho ana iloko o na makahiki ho 25, a oi iki, a ma ka malama o Ianuari o keia makahiki, i koi mai ai oia ia`u e hoi hou maua i ka aina hanu, no ka manao e malama aku i kona makuakane, no ka mea ua elemakule a ua nalunalu mai.
Ua hoopla like no maua a ilk no oia mahina oia i hoi ai, a iloko mai hoi au o Feberuari no ka makua hoi ka nawaliwali i hoi aku nei, eia ka hoi oia ke loaa ana i ka ma`i, aole no hoi i ka hele o ka ma`i a ea mai, hookahi no la iho ana. o ka hele no ka ia, a moe ana i ka hale kaupaku ole.
Auwe no hoi ke aloha i kuuhoapili o keia mau makahiki he 26 a oi. kuu hoa hele o kaua me ka la, po ame ke ao, i ke kau ame ka hooilo, i kela makahiki ame kela makahiki, mai ka wa keiki ole, ahki i ka loaa ana o ka maua mau keiki; he elua no a maua keiki, he keikikane ame ke knikamahine, ua mare ke keikimahine i ke kane, a ua loaa no ka laua keiki, ua hiimoopuna no oia a hole wale aku In no ik ka aina uli nuno e, ka home pua mae ole mao.
O ke keikikane, ala ola iluna o kekahi moku o ka oihana kaua moana o Amerika, a ala paha ola ma na latin ame na lonita o ka moana kaiuli kai hohonu kahi i paai hele ai, o ka leo hanehane paha o kona mama kana a loha mai ann. n nn. ale kai lelehune ama na ahenhe laumakani, nn elele mama ahai lono a ka aloha, a William Hilo Opio, un haalele mai o mama ia kakou, ua ke`eke1eka hale, ua hele o mama ka mea o pumehana ai ka home, i aho na paha ia kuahine name nn ohana haohannu a elua, nuwe kuu lihaliha e hoomanao ae!
I ka hoopau ana i keia puolo waimaka heielei a ke aloha, ke haawi aku nei au i ka'u hoomaikai nui ia oukou apau e a'u mau keiki oia hoi o Mr. ame Mrs. Peter Kaeo, Mr. ame Mrs. DAvid Kaeo, Mr. ame Mrs. George Kama, a ia D. K. Kahaulelio, ka mea nana i malama i ke anaina hoolewa no ka oukou mau haua kokua aloha ana mai i ko oukou papa (Uncle) nei, iloko o na hora kupouli i ke aloha no ka makuahine o oukou, a na ke akua o ke kaulike e malama mai, kiai, alakai, ia oukou a ia kakou pu, iloko o Kona aloha ame kona mana kupaianaha, e hoolako mai i na mea o ke kino a i na mea o ka uhane, a e hoolioihi aku i na la o ke ola ana elike me Kona lokomaikai a pela i na makamaka ame na hoaloha apau, a i komo pu iloko o ka huakai hope a ko makou mea aloha,, ahiki i ka hoomoeia ana ma ka ilina o Kawaiahao, ka lepo ai alii hoi o Kakuhihewa.
Ke hoomaikai pu aku nei ia oe e Mr. Lunahooponopono o ka Nupepa Kuokoa ame kou miau limabei o ka papapa'i
O makou iho no,
WILIAM K. HILO,
JOHN MAKAA,
MRS. HELEN MAKAA,
MISS HELEN HILO,
616C Hotel St., Honolulu, Oahu
ELUA MAU MOHO MAKAI NUI O KA AOAO REPUBALIKA
O na lohe olelo wale no, o na la aku nei i hala, no na moho ma ka aoao Repubalika, e holo mai ana ma keia hakoko kalaiaina, o na luna oihana o ke Kulanakauhale o Honolulu nei, ua hoea mai ia i ka hooiaio loa ia ana, mamuli o ka puka okou ana ae nei o Edward Hopkins ame Eugene K. Allen, a hoike ae imua o ke akea, he mau moho pakahi laua e alualu ana e loaa ka waeia no ke kulana imakai nui o Honolulu nei.
He hookahi o keia mau moho, i holo mua no keia kulana, oia o Edward Hopkins, e noho hana nei maloko o ke keena o ka lunahooia o ke kalana, a he aliikoa hoi nolo o ka puali kiai lahui.
I ka hoike ana ae o Mr. Hopkins, i kona kulana ame kona iini no ka oihana ana e alualu nei, o ka iini nui iloko on a, o ia no ka loaa he oihana makai makaukau no keia kulanakauhale, a he oihana makai, e kokua ana ma na ano apae e hookoia ke kanawai, me ka hoopilimeaai ole
Wahi hoi a Eugene K. Allen, mamua o kona hoike ana ae, he moho oia no ke kulana makai nui, ua haha mua oia i ka manao o kona mau hoaloha lehulehu, a ua loaa mai na hooia ana mai ia lakou mai, no kona kupono i'o e lilo i moho, pela i hooholo ai kona mana, e alualu ia kulana, me ka waiho aku iaia iho imua o na mana koho, no ka lakou mea e koho mai ana.
Ina nei no kona waeia. a kohoia i makai nui, ua makemake oia e hoola aku imua o na mana koho, e hoolilo no oia i ka oihana makai. i oihana e hooko ana i ke kanawai. a i oihana e loaa ai na mahalo ana aku a ka lehulehu.
He mau keiki Hawaii like no key a elua, a i komo nui iloko o na hana e hookamaaina ana ia laua imua o ;ka lehulehu; eia o Mr. Allen ke noho nei he makai kula maloko o ka aha a ka Lunakanawai Kaapuni Desha.
MA KE KAUOHA
HE HOOLAHA AKU I NA MOHO HOLO BALOTA NO NA OIHANA KALANA MOLOKO O KE KALANA O KAUAI
No ka mea, ua kauohaia ma ke kanawai, e waiho ae na moho no ka waeia ae no na Oihana Kalana, i pa palapala e noi ana ia lakou i mau moho i ke Kakauolelo o ke Kalana, mamua ae o na la he iwakalua, mamua mai o ka la e malamaia ai ke Koho Balota Wae Moho;
A no ka mea hoi, e malamaia ana ke Koho Balota Wae Moho no ke Kalana o Kauai ma ka Poaono, Okatoba 13, 1923;
Nolaila ma kei ke kauoha aku mei ka mea nona ka inoa malalo iho nei, e waihoia ae iaia ma kona Keena Oihana, na palapala e noi ana i kekahi mea i moho no kona waeia ae no na Oihana Kalana, o ke Kalana o Kauai, Teritore o Hawaii, mamua ae, a i ole, ma ka Poaono no, Sepatemaba 22, 1923, hora 4 o ia nuwina la. a ma ka manawa hoi e waihoia mai ai ia mau palapala, e waiho pu ia mai he UMI DALA, no na lilo o ia holo moho ana, ma ke dala kuike, a i ole Kikoo Dala Bannko i hooiaioia, a i ole Kikoo Dala Haleleta paha.
Ke hoike pu ia aku nei, o na palapala e noi ana i kekahi e lilo i moho, e kakauinoaia ia e ka poe kupono io i ke koho balota, no lakou ka huina, aole e emi iho malalo o ka umi-kumamnlima, o ke Kalana o Kauai, a i ole o ka apana iho paha kahi a ka moho i manao ai, malnila oia e waeia ae ai ma ka la Koho Balota ae ia.
Ke hoike hou ia aku mei no hoi, in a e makemake kekahi moho e paina kona inoa ma ka balota ma ka olelo Hawaii, a pela no hoi ma ka olelo Enelani, e noi maopopo mai ka moho pela ma ka palapala, ma ka manawa e waihoia mai ai kana palapala o holke ann he moho oia
I HOIKE NO KA OIAIO O KEIA
ke kau nei au i ko'u inoa malalo ae nei o keia, a ua kauoha aku hoi e hoopili pu in mai me ke Sila o ke Kalana o Kauai, Teritore o Hawaii, i keia la 14 o Augate, M. H. 1923, ma LIHUE
J. MAHIAI KANEAKUA,
Kakauolelo. Kalena o Kauai
6569--Aug. 16, 23
MA KE KAUOHA
HOOLAHA KUAI O KE KOENA AINA AUPUNI
Ma keia ke haawiia aku nei ka hoolaha akea ma ka hora 10:00 a.m, Poaha, Augate 30, 1923, ma ka puka mamua o ka Hale Kapitala, Honolulu, T.H, malaila e kuai hoolilo ia aku ai ma ke kudala akea i ka mea koho kiekie loa malolo o na manao o ka Pauku 73 o ke Kanawai Kumu o Hawaaii, ka Pauku 358 o na Kanawai Hooponopono Hou ia o Hawaii o 195 ame ke Kanawai Ahaolelo o 1917, ke koena aina aupuni mahope ae nei:
Koena aina aupuni e pili pu ana i ka Apana S, o na Apana Kahakai o Hauula, Koolauloa, Oahu nona ka iliaina o 484 kapuai kuea, oi aku a emi mai paha
E kaa no ke kuai o keia koena aina aupuni malalo o na kulana mahope ae nei:
1. Kumukuai haahaa, $50.00
2. Kumu aelike, kuike ma ka haule aua o ka hamare.
3. E uku ka mea e lilo ai i na hoolilo o ka hoolaha ana mahope koke iho o ke kuai
4. O ka makaainaua wale no o na Mokuaina huiia o Amerika, a i ole o kekahi mea i hoike ae i kona manao e lilo i makaainana, a i ole ahahui paha i kukuluia a 'e ku ana malalo o na kanawai o ke Teritore o Hawaii ke lilo i mea kuai mai.
O ke ke kii palapala aina e hoikeike aua i ka aina e kuai hoolilo ia aku ana, eia ke waiho nei ma kahi o na palapala a e ikeia no ma ke Keena o ke Komisina o na Aina Aupuni, Hale Kapitala, Honolulu, T.H
No na hokaka aku i koe e ninau a ma ke Keena o ke Komisina o na Aina Aupuni, Hale Kapitala, Honolulu, T.H
Hanaia ma Honolulu, T.H, maloko o ke Keena o ke Komisina o na Aina Aupuni i'keia la 31 o Tulai, A. D. 1923
C.T BAILEY,
Komisina o na Aina Aupuni. 6567--Aug. 2, 9
HOOLAHA I KA POE PAA AIE
McGrew Estate, Limited
Ma keia ke haawiia aku nei ka hoolaha, ua hopauia ka McGrew Estate, Limited, he nui Hawaii, a o ka Hawaiian Trust Company. Limited, he hui Hawaii ka i kohoia i Kahu no ka poe paa aie ame ka poe paa mahele o ka McGrew Estate, Limited, i oleloia, ma ke kauoha a Henry C. Hapai, Puuku o ke Teritore o Hawaii, i hanaia ma ka la 20 o Iulai, 1923. Ma keia ke hoikeia aku nei ka lohe i ka poe paa aie apau o ka McGrew Estate, Limited, e waiho mai i ka lakou mau koi i ka mea nona ka inoa malalo iho nei, ke Kahu i oleloia o ka McGrew, Estate, Limited, i oleloia, ma kona keena oihana ma ka Hale K..uikeolani, Helu 120 Alanui Moi Hema, Honolulu, Teritore o Hawaii, iloko o kanaiwa (90) la mai Augate 2,1923, aku, (o ua la la, o ia ka la o ka hoopuka mua ia ana o keia hoolaha). O na koi apau e waiho ole ia mai ana pela, e hoo'e mau loa ia aku.
Hanaia, Honolulu, T.H Augate 1, 1923.
HAWAIIAN TRUST COMPANY, LIMITED
Kahu no ka põe paa aie ame ka poe paa mahele o ka McGrew Estate Limited
6567--Aug. 2, 9,16, 23, 30.
HOOLAHA
E noho ana ka Halawai Makahiki o ka HUI KUAI AINA O HAENA ma ka Hall o Haena ma Haena, ma ka hora 2 p.m, o a Poaha la 6 o Sepatemaba 1923, no ke koho hou ana i na luna nui o ka makahiki e nee ana, ame ka lawelawe ana i na hana apau e laweia ae ana
W.H RICE, Peresidena
6568--Aug. 9,16,23,30
HOOLAHA
E noho ana ka Halawai Makahiki o ka HUI KUAI AINA O WAINIHA ma ka Hall o Haena ma Haena, ma ka hora 10am, o ka Poaha la 6 o Sepatemaba 1923, no ke koho hou ana i na luna nui o ka makahiki e nee ana, ame ka lawelawe ana i na hana apau e laweia ae ana
W.H RICE, Peresidena.
6568--Aug. 9, 16, 23, 30
HOOLAHA I NA LUNANUI O NA KALAPU DEMOKARATA MAHELE APAU O NA APANA EHA AME ELIMA
E malamaia ana he halawai o na lunanui apau o na Kalapu Demokarata Mahele ma ka Mokupuni o Oahu, malalo o ka hoomalu ana a ke Komite Teritore ame ke Komite Kalana o Oahu ma ka Hall Phoenix Poaono, Augate 18, 1923, ma ka hora 2pm Ke noiia aku nei oukou e hoea mai
ALBERT E. HARRIS
Kakauolelo Komite Kuwaena Teritore
6569--Aug. 16
PIONEER BUILDING & LOAN ASSOCIATION
Halawai o ka Poe Paa Mahele
E malamaia ana he halawai o ka poe paa mahele ma ke ahiahi o ka Poalima, Augate 24, ma ka hora 7:30, maloko o ke Keena Halawai o ka Ahahui Kalepa, papahele 3, Hale Kauikeolani, Helu 116, Alanui Moi Hema, no ka noonoo ana i na hoololi i manaoia i na Kanawai.
THEO. F. LANSING,
Kakauolelo
6569--Aug. 16, 23
MA KE KAUOHA
HOOLAHA KOHO BALOTA WAE MOHO
Mamuli o ka mana i loaa ia'u ma ke kanawai, Owau o H.D. Wishard, Lunahoomalu o ka Papa Lunakiai o ke Kalana o Kauai, Teritore o Hawaii, ma keia ke hoolaha a ke kuahaua aku nei e malamai ana ke Koho Balota Wae Moho no ka wae ame ke koho ana i mau moho no na Oihana Kalana maloko o ke Kalana o Kauai i oleloia, elike me keia:
HOOKAHI LUNA MAKAI NUI,
HOOKAHI KAKAUOLELO NO KE KALANA,
HOOKAHI LUNAHOOIA KALANA,
HOOKAHI PUUKU KALANA,
HOOKAHI LOIO KALANA,
HOOKAHI LUNAKIAI NO WAIMEA,
HOOKAHI LUNAKIAI NO KOLOA,
HOOKAHI LUNAKIAI NO LIHUE,
HOOKAHI LUNAKIAI NO KAWAIHAU,
HOOKAHI LUNAKIAI NO HANALEI,
m a ka Poaono, Okatoba 13, 1923, maloko o ke Kalana o Kauai mawaena o ka hora 8, kakahiaka, ame ka hora 5 o ke ahiahi o ia la.
O na mahele koho ame na wahi e koho balota ai i hoomaopopoia e na kanawai o ke Teritore o Hawaii nei no ke koho ana i na Lunamakaainana maloko o ka Apana Koho Lunamakaaiuaua Eono, o ia no hoi ke Kalana o Kauai nei, o ia no na mahele koho ame na wahi e koho balota ai no ka wae ame ke koho ana i na Luna Oihana Kalana maluna ae.
Ma ka manawa a ma na wahi i haiia ae la, ke kala aku nei au i ka poe kupono i ke koho balota o ke Kalana o Kauai nei, a i hoopaa i ko lakou inoa i poe koho balota, clike me ke kanawai, e akoakoa ae malaila no ka hana i haiia ae la.
I HOIKE NO KA OIAIO O KEIA, ke kau nei au i ko'u inoa ame ke Sila o ke Kalaua o Kauai nei e hoopiliia me keia.
HANAIA ma ke Kahua Poo o ke (SILA). Kalana ma LIHUE, i keia la 1 o Augate, M.H. 1923. H.D WISHARD, Lunahoomalu, Papa Lunakiai, Kalana o Kauai.
IKELA:
J. MAHIAI KANEAKUA, Kakauolelo, Kalana o Kauai.
KEENA O KE KAKAUOLELO,
Kalana o Kauai,
Teritore o Hawaii.
Owau o J. Mahiai Kaneakua, Kakauolelo o ke Kalana o Kauai, Teritore o Hawaii, ke hooia nei au ma keia ua loaa mai ia'u i keia la no KA HOOLAHA KOHO BALOTA WAE MOHO maluna ae mai ka Mea Hanohano H.D Wishard, Lunahoomalu o ka Papa Lunakiai o ke Kalana o Kauai nei, a oiai ua kulike ia me ke kanawai i hoomaopopoia no ia mea, a ma na ano hoi apau ua pili pono loa mai i ke Kalana o Kauai nei, ma keia ke hoolaha aku nei au i ua HOOLAHA KOHO BALOTA WAE MOHO NEI a elike hoi me ia i kauohaia e ke kanawai.
I HOIKE NO KA OIAIO O KEIA, ke kau nei au i ko'u lima me ka hoopili pu mai i ke Sila o ke Kalaua o Kauai nei me keia.
HANALA ma ke Kahua Poo o ke Kalana ma LIHUE i keia la 1 o Augate, M.H 1923
J. MAHIAI KANEAKUA, Kakauolelo, Kaaua o Kauai.
6568--Aug. 9. 16
E KAKAUINOA E KA POE KOHO BALOKA!
No ka hoopaa ana i ka inoa o ka poe koho baloka, e komo pu ana me ka poe i koho baloka ole ma ke Koho Baloka Nui o ke Teritore nei i malamaia ma Novemaba 7, 1922, aku nei, ke makemake no hoi lakou no na Koho Baloka e nee mai nei, a e malamaia aua ke Koho Baloka Wae Moho ma Okatoba 13, 1923, a o ke Koho Baloka Nui aku boi ma Novemaba 13, 1923, no ka wae ame ke koho ana i na Luna Oihana Kalana o ke Kalana o Kauai, Teritore o Hawaii nei, e hoopaa no ka mea nona ka inoa malalo iho nei i ka poe apau e noi mai ana e hoopaaia i poe koho baloka ma kona Keena Oihana mawaena o ka hora 10, kakahiaka ame ka hora 3:30 auwina la o na la apau koe na la Sabati ame na manawa i hoomaopopoia ma ke ano okoa ae e ikeia ana no ma ke ano okoa ae e ikeia ana no ma keia, ahiki i ke ahiahi Poalua, hora 8 Sepatemaba 18, 1923, no ke Koho Baloka Wae Moho.
Mahope aku o ke Koho Baloka Wae Moho e hoopaa inoa hou ana no ka poe i paa mua ole i poe koho balota, mai ka Poakahi Okatoba 15, ahiki i Okatoba 23, 1923, hora 8 o ia ahiahi no, ma ke Keena Kakauolelo o ke Kalama ma Lihue.
Ma na Poaono, o ka manawa hoopaa inoa koho baloka, mawaena ia o ka hora 10, kakahiaka, ame ka hora 12 awakea.
No ka hoomaalahi ana aku i ka lehulehu koho baloka e noho ana ma na mahele koho baloka i haiia malalo iho nei, e makaukau ana ke Kakauolelo o ke Kalana nei no ka hoopaa ana i ko lakou mau inoa i poe koho baloka, ke noi mai lakou pela, ma na manawa a ma na wahi i hoikeia malalo iho nei, penei:
Poakolu, Augate 15, Halekuai o Nakatsuji, Wainiha, 10-12 m; Halehookolokolo, Hanalei, 2-4:30pm
Poaha, Augate 16, Anahola, makai, 9-10am; Moloaa, makai, 11-12 m; Hall o Kilauea, 3-5pm
Poalima, Augate 17, Hale hookolokolo, Kapaa, 3-6pm
Poakahi, Augate 20, Hale hookolokolo, Koloa, 3-5pm
Poalua, Augate 21, Hall ma Kalaheo, 3-5pm
Poakolu, Augate 22, Hall ma Eleele, 3-5pm
Poaha, Augate 23, Hanapepe Store, 10-12 m; Morrison Hall, Makaweli, 3-5pm
Poalima, Augate 24, Hale hookolokolo, Waimea, 10-12 m; Keena Mahiko, Kekaha, 3-5pm
I HOIKE NO KA OIAIO O KEIA, ke kau nei au i ko'u (SILA) inoa me ka hoopili pu ana mai i ke Sila o ke Kalana o Kauai, Teritore o Hawaii nei, me keia i keia la 30 o Iulai M.H. 1923 Lihue
J. MAHIAIKANEAKUA, Kakeuolelo, Kalana o Kauai.
6568--Aug. 9, 16.
CITY MILL CO.
KEKAHI O NA HUI KAHIKO LOA MA HONOLULU NEL.
Poe kuai Papa, Pilihale, na lako Paipu, na Laau Puka Aniani me Panipuka, Iako Pili Hao; na mea no apau no ka home ma ke kumukuai oluolu loa.
Kukulu makou i na hale ma ka uku ililii ana, me na hookaa liilii
O KA OI LOA AKU NO KA POE HOOKUONOONO.
MAI POINA---HELE MAI IA MAKOU
Kihi o na Alanui Moiwahine me Kekaulike. Honolulu, T.H
HOOMAKA ME KA APANA
$750, Kaimuki Lot 50x100. $20 down, $10 per month
$1200, Kaimuki: Lot 50x150. $25 down, $15 per month
$1675, Kaimuki; Lot 50x200, $50 down, $20 per month
$850--Lot 50x150 Ocean View Tract