Ka Nupepa Kuokoa, Volume LXII, Number 33, 16 August 1923 — HE HOALOHALOHA NO MRS. DOBORAH EMMA MOSSMAN. [ARTICLE]

HE HOALOHALOHA NO MRS. DOBORAH EMMA MOSSMAN.

Ma ka Poaono la 21 o lulai A. D. 1923, hora 11:30 mamua o ke awakea, i haalele mai ai o Mrs. Deborah Emma Mossman ma ka haukapila o ka hui mahiko Oahu Sugar Co., nia Waipahu. He kupa no ka I'a Hamauleo. Ua hanauia oia mai ia Mahi (k) amo Kealakai (w) ma "Waiawa, Ewa Oahu, i ka la 11 o Augate i ka makahiki o ko kakou Haku 1872, i ke 52 makahiki o kona ola ana, a moe aku la me ka manaolana i ko ala hou ana iloko o ka hauoli mau loa me lesu Kristo. NOLAILA, o makou o na hoahanau; kc kahu, o ka Ewa Indepentlent Church, (Ekalesia Hoolepope o Ewa) Pearl City, Apana 0 Ewa, ame kona Kula Sabati ana 1 noho kakauolelo ai no 11 makahiki ame ka Ahahui Manawalea o na Makuahine o k'a Ekalesia, ma ke kaumaha, me kana keiki William K. Mossman, kana keiki hookahi mai kona puhaka aku ame kana wahine Lily Aukai Mossman, kana kaikamahine hanai' Dinah Mahi, kana mau moopuna, ame kana kane William F. Mossman, ame ka ohana apan. E oluolu oukou, e hookipa aku i ko makou mau manao aloha poina ole, no ko makou hoapaahana iloko 0 keia ekalesia i haalele mai ia kakou apau. O ka ehaeha i loaa ia oukou, ua 'lawa like ia ia kakou, a ke u pu nei makou me ōukou, a ke nonoi nei makou i ke Akua ka makua mau loa e lawe ae i na kaumaha ame na luuluu mai ia kakou ae, a Nana no e holoi ae i na waimaka o ka ehaeha mai o kakou ae, no ka mea, Nana i haawi mai a Nana i lawe aku. Ē hoomaikai mau lda ia Kona inoa. Hooholoia, i hookahi kope i ka ohana, ma o kana keiki la, hookahi 1 ka Nupepa Knokoa. 0 makou no me ka manaolana iloko o ka Haku lean Kristo ma o ko makou komite la. 8. K. OILI, Kahu Ekaleaia