Ka Nupepa Kuokoa, Volume LXII, Number 33, 16 August 1923 — OIA MAU NO KA ONO O NA I'O WANA O KOLOA [ARTICLE]

OIA MAU NO KA ONO O NA I'O WANA O KOLOA

Nui ka wela o Koloa nei i keia mau la, aole ua, a nui pu no hoi me ka ma'i llu; o keia wahi kaaka piha eu kekahi, i kuwiliwili iho la me keia kupueu, no na pule ekolu a oi, ua laki no nae ua puka la'ela'e no, mamuli wale no o ltc aloha 0 ka elemakule. Ma ka la 10 o ka mahina i hala 1 haawi ae ai ka Ahahui Kaahumanu o Koloa, he fea o na mea kuai like ole, ua holopono na mea apau i kuaiia aku, a o na pomaikai apau i loaa mai, no ka waihona no ia o keia ahahui, malalo o ka hooponopono ana a keia mau ledc, Mrs. Emma Naleimaile, Mrs. Maggie Blake, Mrs. Minnie Aka ame Mrs. Lucy Hamauku. Lau kanaka ka aekai o Poipu, ma ka la 4 o keia mahina i na lahui like ole, na kane, na wahine ame kamalii, ma ka hoomanao ana i keia la nui; auau kai ana ame na ano lealea like ole, i malamaia ma keia la, nui ka hauoli o na mea apau, ahiki i ke ahiahi ana, a hoi aku Ia kela ame keia maluna o 'ke kaaahi, a ma na otomobile kekahi poe. Ma keia la no ma ka home nani o Mr. ame Mrs. Henry Spalding ma Poipu, i hoomanao ae ai laua he wahi paina liilii, me ko laua mau hoaloha i konoia, no ka piha ana ia Mr. Henry Spalding he 68 makahiki o kona ola ana, he o ia mau no ka j ikaika o kona kino ma ka hana e | noho nei i keia manawa, a o ia no : hoi kekalii kanaka kahiko loa e hana nei malalo o ka mahiko Koloa Sugar Co ma ke ano he poo kamana no ka mahileo, no na makahiki he 38 ka nui. - I ke kokoke ana ae i ka aina awakea, ua makaukau mai la no ka papaaina ia Mrs. Spalding, o kela ano eleu no a piUa laiwale, me ka eleu pu no lioi o kona hope Mra. Piimoku hele loa i ka pahee, oiai ke kukuku nei ka mahu o na meaai, i hakalia wale no i ka leo pule, mai ka mea mai nona ka la, a haupa iho la na mea apau i na ono like ole, oiai o Hanale ua hele a naeiki. Me keia mau ono, poi uouo kaohi puu no hoi, puaa kalua kele, i'a maka, wana maka, wana naaloo, opi-

hi maka, i'a pulehu, pipipi, oopu lawalu, opihi maloo, uala, waimomona, meaono, a pela wale aku, ua ( ai a lawa i na mea i hoom&kaukauia; ua eha pono iho la ia Keoni Bulu, i ka maona ana, paani pepa pedro, himeni, hulahula, a pa-e ana ka leo o ka ona hale, e u mo'a ka iee cream; e hoi kakou e ai iee cream; o ka wa mahanahana no keia, mahope maalili he pilipili kolaila. Oiai o ka puni ia a keia wahi kaaka piha eu, ke noke la au i ka hoonuu o ka pau ae, kahea hou no for some more, he ono maoli e pahee ai ka puu o ka lapuwale ke moni, aohe •c)opaapaa ana, o ka hele no hoi ia a eha a'u pa piha ka opu, kau mai la khi kiaha wai hau, hu'ihu'i aku laj oloko, hui pu iho no hoi mo ka ono 0 ka meaono auwe, no hoi ke aloha e! He uuku wale no keia mau wahi ono i hoomakaukauia, ua ike maoli no ka puu i ka ono, ua malamaia J keia wahi papaaina me ka maikai, j iloko o ke aheahe malie, ahiki i ka J hookuuia ana o na mea apau, e hoi 110 ko lakou mau home iho, me na manao hauoli. Nolaila ke kalokalo ae nei keia makapeni ,e hooloihi hou aku no i na la o ka hoaioha maikai, a kau i ka pua aneane, pela pu no hoi kana aliiwahine, ame ka laua lei aloha Mira ia haawina hookahi. Hoomaikai pu no hoi i ko olua kono ana mai ia'u, e naue aku ma ko olua liome, no ka paina pu ana me olua, ua ai a lawa, ua hoonuu 1 ka iee cream a puu ka nuku, no halala Joe, aole oia i ai i kana pa iee cream, puua no oia ia mama. Ma ka la 6 mai i komo mai ai ka mokuahi Kilauea no Koloa nei, no ka manawa mua loa, no ka halihali ana mai i na ukana o keia awa, oiai ke Kinau ua hala aku no kekahi mau awa okoa aku. Ua lawa keia mau i'o wana momona o ka Uanoe o Koloa a uwila hou aku no. Me ka Lunahooponopono ka mahalo a nui loa, ame na keiki oniu hua kepau o kou papapa'i ko'u adieu. PETER KAMANO, SE. Koloa, Kauai.