Ka Nupepa Kuokoa, Volume LXII, Number 33, 16 August 1923 — HAINA NANE [ARTICLE]

HAINA NANE

Eia hou mai no ke keiki o ka peni hulu ekake, o ka Maluulu, kc nome hou aku nei no me ka popoahi Helene, e hiki ole ai ka wela 0 ka hua nioi ke konikoni iho i o'u mau lehelehe. E oluolu mai hoi i wahi keena hou no'u, e ha'i liele ae ma na kaiaulu o na paemoku o Hawaii, a loaa aku ke keiki o ka makakila niho elepani o ke kai maokioki, Kona i ka la'i, no na keiki hua nioi a ua eueu nei o ka pali kapu o Keoua. Ka hua nioi mua, loaa no au i na mea ulu a ke Akua i hana ai. Poka mua. Mole. Ua loaa i na meaulu apau, o ia ka hope loa o ke kumu o na meaulu pela i kapaia ai ka molo o na laau, na meahihi. Ka hua nioi elua, loaa no au i na moku, na waapa, na waa, ame na kanaka apau. Aole loa au e haalele ia lakou ahiki i ko lakou hooluolu ana. Poka elua. Ka, Oka huaolelo ka, he mea pili paa loa ia me lakou, aole he wa e haalele ia moku, ia waapa, hoe ka, ia waa ka liu, a !pela wale aku. j Ika hui ana ona keiki hua nioi nei a ke keiki o ka makakila niho elepani, loaa ke kino hookahi ke kama, a ua elepani nei i kaena iho ai, he kama apiki, aole mea e ike aku iaia! 1 Eia mai ka hoopili ana o ka popoahi Helene. Moleka, ke aliinui. I kela au kahiko loa, he mau haneri makahiki lele wale, oiai ka Amona e noho ana ma ka aina hej molele, e hoomana ana ia Moleka ko j lakou akua kii, i hoomahui pu aku hoi ka lahui Isaraela ia lakou i huikau pu aku ai me ka Amona, aka nou e ka lahui Hawaii mai ke komo ana o ka pono iloko ou e Hawaii ahiki i keia la ua ike anei na hanauna liou i ke akua o ka Amona, a i ole ke hoomanaia anei oia i keia au o kc Kauoha Hou? Aole, pela i nele ai ka ikeia ana o ko kama. Ke lana nei ka peni hulu ekake, je kupono aku ana ka popoahi Helene i na lehelehe o ua kama hookapuhi nei au e ke keiki o ka wai kau i ka ao ka opua, ke lelepi nei kuu peni hulu ekake aohe hoolololie hou ma ha'i o ka auwai, |ka mea weliia e na ekake Papani jke ka aiana, haukawewe aku Ia ka popoahi Helene i ka pali kapu I o Keoua e weiuwelu liilii ai ka paa no- 365 la. G. K. P. KAUAULA, Keiki o ka Peni Hulu Ekake Maluulu o Lele, Lahaina, Maui. Kapekepeke mai la no ka helena o ka poka ahi Helena a ke keiki o ka peni hulu ekake; o ka e'a o ka lepo ka i pohina i na maka, aohe wahi mea a mahinu mai ka paa o ka pali Kapu o Keoua, he o ia mau no ua eueu nei i ka maka o ka opua. I nui ke aho i make ka hoapaio; no ka mea, he iki ulu ia no Kanekina, liaalulu ke kahua maika. Huli hou ia mai! —L. H. — ;