Ka Nupepa Kuokoa, Volume LXII, Number 33, 16 August 1923 — NA ANO KILAKILA O KA PERESIDENA HARDING [ARTICLE]

NA ANO KILAKILA O KA PERESIDENA HARDING

Iloko o ke ola ana o ka Peresidena Harding i make aku nei, a ka lahui Amerika i komo ai iloko o ke kanikau ana nona, aia he mau haawina kilakila loa, a kakou e lawe mai ai ia mau ano a hoao e hoohalike me ko kakou ola ana. O ka mua, kona ano hoo-hoaloha. laia i pii ae ai ma ke kulana peresidena no Amerika Huipuia, o kekahi o kana mau hana mua loa i hooko aku ai, o ia no kona kikoo ana aku i kona mau hoa paonioni kalaiaina, i mau poo no kekahi mau keena oihana nui o ke aupuni, aole oia i lawe mai i ka ninau kalaiaiua i mea nui iloko o kona noonoo, a hoikeike ae paha iīii i he kanaka nui a ko'iko'i iioko o ke aupuni, aka ua lawe niai oia i na kanaka i oi aku ko lakou mau kulana mamua o koni'.. i mau hoa no kona aha kukakuka. e hookaulike ana iaia me lakou ; ua hoike mai ka Percsidena Harding\ i kona naauao ame 1::; noeau ma ia mea; oiai me kela noho hoaloha ana mawaena una ame na kanaka ko'iko'i i lilo i mau hoa kukakuka 'iona, ua hiki iaia ke lawelawe i na hana apau i pili aku i ke kulana peresidena, me ka holopono loa; a ma kekahi ole.lo ana ae hoi, aole- oia i kaukai wale no maluna o kona noonoo ponoi iho, aka ua ui aku, i na manao hoakaka o kona mau hoaloha ma ka oihana. O kā lna, kona ano oiaio, a hoopono ma kana mau hana. Hē kanaka inu waiona no ka Peresidena Harding ma kona mli-nawa i kohoia ai he peresidena no Amerika Huipuia, me ia ano no i kakauinoa aku ai oia i ke kanawai hookapu waiona, a iaia i kau aku ai i kona pulima maluna o kela kanawai, aole oia i hooko wale aku no ma ke an opili oihana aka ua kapae aku oia i ka waiona mai na paina apau e haawiia ana no na malihini ko'iko'i a hanohano ma Wakinekona; a o ka mea oi loa aku, ua waiho loa oia i ka waiona, mamuli o kona manaoio, aole loa he kupono iaia ke inu i ka waiona, a e lilo i mea hakihaki i ke kanawai ana i kakauinoa ponoi ai. Me keia iini nui iloko ona e lilo na kanaka Amerika apau i poe hooko i ke kanawai hookapu waiona, aole oia i hopo iho, i ka haawi ana i kekahi haiolelo ikaika, e ku-e ana i na kanaka inu waiona ame ka poe kuai waiona ma Amerika, me ke kapa-ana ia lakou. i ka poe makee ole i ko lakou aupuni, ame ke ola o ka lahui. kanaka holookoa. O ke kolu, kona kulana Kristiano. He mea manaoio, i konoia mai ai oia e hoopono ma kona ola ana, a ma kana mau hana apau ; a me he mea la, o keia kekahi ano nui loa iloko ona, nana i alakai iaia ma ak aoao o ka pololei, ma kana mau lawelawe hana ana apau. O ka maka'u i ke Akua, o ka mole ia o ka 'naauao, wahi a ka Palapala Hemolele, na ia maka'u e kono mai i ke kanaka, e waiho aku oia i na aoao apau o ka hewa, a e hoolaa iaia no ka pono ame ka oiaio; nolaila me keia mau ano kilakila o ka Peresidena i waiho iho, i ka hana o ka lehulehu mahope nei; e pono kakou e hoohalike me na ano o kona ola ana, no ka mea mailoko mai o keia mau ano kilakila, e loaa ai he ola hauoli ana, a ke kanaka e hopohopo ole ai ke hoea mai i kona hopena.