Ka Nupepa Kuokoa, Volume LXII, Number 33, 16 August 1923 — HE WAIMAKA ALOHA NO KUU KANE, I ALOHA NUIIA MR. JONAH M. KAWAHAMANA [ARTICLE+ILLUSTRATION]

HE WAIMAKA ALOHA NO KUU KANE, I ALOHA NUIIA MR. JONAH M. KAWAHAMANA

Mr. Lunahooponopono o ka Nupepa Kuokoa, Aloha Kaua:—O ka'u ukana e haawe nei ma kuu kua, a e hii nei hoi ma kuu alo me ka luuluu e noi aku nei i kou oluolu,- e hookomo iho hoi ma kekahi wahi kaawale o ka kakou pepa; i kela mau huapalapala e kau ae la maluna, a nana hoi ia e ha'i aku i ka nui ohana e noho ana ma ke]a ame keia wahi o ke Teritore nei. Ma ka makihiki i hala aku nei, 1922, ua hoomaka mai ka ma'i o kuu kane me ka ikaika, ua kiiia ke Kauka E. S. Goodhue, a ma kana lawelawe ana i loaa mai ai kahi oluolu, a m ana mahina i kaahope Cku la, ua hoomāhuahua loa mai la ka ma'i maluna ona, me ka lawelawe no o ke kauka, a loaa mai no kahi oluolu, mē ia wahi oluolu ma ka Poakolu lulai 11, ua kii mai la ka lunamakai nui o ke Kalana o Maui nei, Clcment Crowe.ll, ame ka Hope Makai Nui o Molokai nei Bob. Lind«ay, iaia, no ka noho ana i ka aha uinaninau ma Kaunakakai, no ka hoike ana i kana ike i pili i ka hihia pepehikanaka i pepehiia ai ka Pake, Wai Bow, i make. "Ma ka Poaono mai, i hoihoiia mai ai me ka mau no o ka nawaliwali ma ka Poakahi ae, lulai 16, ua kii hou ia mai la no, ia hana hookahi no, ma ia ahiahi no i hoihoi hou ia mai ai, a lawe loa ia i kahi o ko kauka., oiai ua oi loa mai la ka ikaika o ka ma'i, a hoihoiia mai i ko flfaua home. Mai ia manawa mai ahiki i ka hora 7 p. m., o ka Poaha, lulai 39, maluna o ka makou papaaina ia ahiahi i heleawai mai ai ko koleo mailoko mai ona, kc kane hoi e hou hele ana i o ianei, ahiki i ka waiho ana o ke kino iloko o ke koko, e kahe awai ana. Auwe kuu manaonao i kuu kane, me ka leo nui e kahea ana i na kokua, ua hiki mai la na kokua ia manawa, ua lele loa ae la kona aho hope loa, aole puai leo a |pili iho la ka maka a moe aku la. i He inanawa ia o ke pioloke me ka waimaka, e hapapa ana mao a maa- ! nei Auwe, kuu manaonao i kuu kane ime he poiwai la ka waimaka e hoo|pulu ana i kuu nui kino, auwe lihaliha wale! Mokumokuahua ka naau i ke aloha ia oe e kuu kane, e kuu lona hoi! 1 Ua haiiauia kuu kane nia Keanae Maui, na Kawahaniana kona papa ame Keawe kona mama. Ua ,piha iaia na la o kona ola ana i ke 56 makahiki a moe aku la i ka moe kau a moe hooilo. Aloha no! Ua hoonaauaoia no ma kona onelianau. Ua hoohuiia maua ma ka marc e ka Rev. J. Kaalouahi, Kahu o Ha* lawa Honouli, Waialua, huiia, i ka A. D. 1907, a i ka 25 makahikl a oi jo ko maua noho ana a mo-ku iho jla ke kaula gula ma ka la 19 o īulai. Mai ko maua mau puhaka mai he 11 keiki. ua pau wale no j ka make, a koe hookahi, h e kaikamahine e ola nei. He lawri 'n ka. oihaua a kuu kane iloko o 20 M. H., a oi, he kakaikahi loa kona hana i na hana e ae. La heleia e maua apuni o Molokai, Lanai, Kahoolawe, ame' kekahi hapa 0 Maui, i ka lawai'a, no ka imi ana 1 na mea c pono ai keia noho honua ana. He poo lawai'a kuu'kane malalo o kekahi poe. Me ia hana oia a moe aku la, kuu ka luhi. E kuu aloha e, e maliu mai, a ka manao e lauwili nei. Eia au ua eha ua eha i ka eha lima ole a ko aloha. H s kane heahea. a he oluolu kona mau ano apau, he hale piha ko maua i na makamaka, ame na hoaloha he puuwaihamama, he «moke poi ole, he ipukai hamama wale. Kuu kane i ka huikau o Pukoo. kabi a mana i noho ai me na pokli o mana. Tmi au ia oe i Ko'akapu. aole oe i loaa ia'u, a na kapakai au o Mapulehu, he ole no ka maaloalo mai. Eia paha i Kaluaaha i na kai o Kapipipi ame Kakai, alolia ia mau kai a kaua e hele ai! Ei paha oe i ke "kai o Kulu'i, aloha Oneke i ka leo o ke kai ,e hea nei, auhea oe e Iona? Ei no paha i Ualapue i ka home aloha o maua. Ei aku nei pahn oe i Mnnawai i ka nalu ha'imuku o Kapaekohi, a Keawaaul au i Eaeakai o Kalaeloa, kaiii a makou i noho ai i ka lawai'a oka

mahina aku la o lune i hala me na ] lei a maua he kaikamahine ame ka; moopuna, mea ole ke anu ame ke ko 'eko 'e. Kuu kane i na kai o Kaamola,' Wawaia, Puaahala, a hala aku i na I kai o Kamalo. Aole oukou e ike hou | ana ia lona i keia la, ka la apopo,: a mau aku. Kuu kane i ka ihu o ka waa a ka makani ame ka ua e haluku ana, i ka iini nui no na po- | maikai o keia kino, kuu kane i ka j i'a ewalu hi'u he kui hao ka upena e hei ai. E Molokai nui a Hina e, aole e hehi hou ana kuu kane i kou | mau kuahiwi aloha, no ka wa mau j ]oa. Auwe kuu aloha i kuu kane, kuu j hoapili ona wahi apau. Ei aku nei paha oe i ka waikau mai o Keanae. ko onehanau, aūwe aloha wale! Ma ka Poaono, luiai 21, hora 8 a. m., i malamaia ai kona anaina hoolewa ma ko maua home, e ka Rev. T. D. laea, kahu o ka Ekalcsia o Kaunakakai ame H. H. Ewaliko, lunakahiko o ka Ekalesia o Kaluaaha, a ma ka lua i waihoia aku ai kona j kino. lepo no ka Tva mau loa. Xa j Ichova no i haawi mai, a na lehova j no i luwe aku, e hoomaikaiia ka inoa 0 lehova. Maluna ae o na mea apau ke haawi aku nei au i ko'u hoomaikai kuio 1 ka lunamakai nui o ke Kalana o Maui, Clement Crowell ame ka hope makai nui o Molokai, no ke kokua ana mai ia'u i ka home no ke kino o kuu kane ame na kokua e ae mai ia laua mai, a i ka poe no npau i lawe mai i na lei ame na bo-ke pua, ame ke ala pu ana mai hoi me a'o i ka po o kuu kane aloha i hala aku la. E oluolu e lawe aku i ka'u jmau j hoomaikai ia oukou apau loa, a na >e Akua"no e kiai mai ia kakou apau. ! 0 makou iho no me ka luuluu. | MBB. MT. M. KAWAHAMANA MISS ISAB"ELL lONA, MASTER lONA, JH. mrs. m:. k. kalilikane, s —

MR. JONAH M. KAWAHAMANA,