Ka Nupepa Kuokoa, Volume LXII, Number 34, 23 August 1923 — Page 6
| This text was transcribed by: | Kamehameha Schools Gift To Dr. Chun |
| This work is dedicated to: | Dr. Michael J. Chun |
Ka Nupepa Kuokoa
KE KILOHANA POOKELA NO KA LAHUI HAWAII.
He Moolelo Walohia Ko Vekinia Waiwai Hooilina Hoopuhiliia na Hana a ka Mea Manao Ino---Kau i ke Aki i ka Manawa Hope
'Ia'u i hoi mai ai i halawai ai au me Miss Alekanedero nei maluna o ka moku, e Anakala Wile, nolaila mai kela hoi ana mai a'u ahiki i nei manawa ua pololei loa ka ianei manawa i hoike ae nei, ekolu pule.
"Alekanedero!" i hooho ae ai ka baroneta, ma ke ano hikilele no ka lohe ana aku ia inoa. 'Aohe au i maopopo loa aku nei i kela inoa mamua. O Nu Ioka no anei ke onehanau o kou mau makua?" wahi hou a Sa Williams o ka ninau ana ae ia Veki.
"Aole; o ko mama home i oho mua ai aia ma ke Komohana loa o Amerika, a o ko ko'u makuakane-O, heaha Ia ka'u hala mei i haalele loa ae ai oia ia maua!"
Iloko o kela manawa haalulu a pihoihoi o Veki, oiai oia e noonoo ino ana no kona makuakane ame kana i hana aku ai i kona mama, plaka loa ae la kona noonoo he mea kekahi e kau ana ilima o ke pakaukau ia manawa, a iloko oka manawa i ka ae ai kona lima ua pa aku la ia mea haule ana iluna o ka papahele he koha kana mea o ka lohe ana iho.
"O, haule aku la ia mea ia'u iluna o ka papahele!" wahi ana me ka pii o ka ula ma kona mau papalina.
"Aohe, plikia," wahi a Rupata o ka pane ana mai, "he pahi keleawe oki pepa wale no, aohe e haki; he pahi nani ia i hana maiauia e ka poe kalai kii keleawe; ua ike iho la anei oe?"
Lalau iho la o Veki me kona hauoli ia manawa no ka hoololi koke ia ana ae o ka lakou mea e kamailio ai, alaila hoomaka aku la ka lakou kamailio ana no ka noeau o na Kepani ma ka han aana i na mea hoikeike a lakou e ahu mai ana.
Oiai lakou e nanea nui ana malaila aia hoi kekahi mau maka nunui kilo ke nana mai la ia lakou mailoko mai oka holo, o ka Led Linetona keia, ke kaikuahine o Sa Wiliama i mana oino ai ia Vekinila.
Ua lohe mai ia lede i ko lakou mau leo, iaia i kaalo ae ai mawaho o ia rumi, a hele mail la a ku ma ka puka no kona makemake e ike owai la ka poe e noho ana maloko o ia rumi ia manawa.
I kona ike ana mai i ke kaikunane e noho ana maloko o ka rumi ua hoopihaia aku oia me ke kahaha, no ka mea, ua kamilio mua aku ke Sa Wiliama iaia aole oia e hele mai ana i ka hale o na Danafota ma ia po elike me ke kono i loaa aku iaia, mamuli o ka ike o ke kaikunane i ka nui loa o ka hana ; mai kela manawa mai o ka hlawai ana o ka Lede Linetona me Veki ahiki i nei manawa ua loaa mau ka hauoli iloko on a no ia noho ana o ke kaikunane aole i hele mai, aka i keia ike ana mai ana e noho aku ana ke Sa Wiliama iloko o ka rumi he mea e ke anoe o kona noonoo. no ka mea ike koke iho la oia e halawai koke ana ka hoi o Sa Wiliama me Vekinia ame ke kaikamahine, a i ka manawa o na kukai kamailio ana e ahuwale ae ana o Sa Wiliama ka makuakane ponoi o Veki a o Vekinia e noho ana maloko o ia hale ia manawa o ka wahinemare ponoi no ia a Sa Wiliama i oki ai.
Ua koikoi loa keia noonoo e hoehaehaia ai ka Lede Linetona a aneane maoli oia e uwa ae no ka weliweli no ka hopena e hiki mai ana, a no ka piha huhu pu kekahi a oia kana o ka namunamu ana iho iloko on a, e lilo ana anei kana mau hana o ka hoolala ana i mea e kaawale loa ai o Sa Wiliama mai Vekinia mai i mea ole? O kana mau hana apau i hana ai ua hanaiame ka piha akamai a noonoo loa, a ua ikeia no hoi ka hua o kana mau mea i hana ai, a e lilo ana anei ia mau hana mea ole i nei manawa hope? O, ua lawa loa keia ike ana mai e hoopihaia aku ai oia me ka in aina ame ka weliweli pu. Aole anei oia i alana aku i ka oiaio ame ka hanohano pu no kekahi mau makahiki i mea ililo ai i mea ole i nei manawa hope? E ae aku ana anei oia i ka wahine ana i hoino ai me kona ola apau e lanakila mai maluna on a i nei manawa hope? "O, aole loa." wahi ana iaia iho.
Aole loa! E hakaka aku ana oia me kona ikaika a pau ahiki i ka hookoia ana oka hopena awahia; in a he manna kekahi ma keia ao e hookaawaleia ai kona kaikunane mai kana wahine mai a e mau loa aku ai hoi ko laua noho kaawale ana me ka hui hou ole maluna o keia ilihonua; e hoomaka oia i nei manawa ma o kona hoohaunaele ana i ke anaina a nei poe ekolu e noho nei maloko o keia rumi, me ka hookakalia hou ole aku.
"E Wile, eia mai no ka oe ianei?" wahi ana oke kahea ana mai me ka leo kakana i like ole me mamua aku i maa i ko Wiliama mau pepeiao.
Puiwa ae la ke Sa Wiliama i kona manawa lohe mai i kona inoa, huli mai la a ike i ke ku aku o kaikuahine ma ka puka me ka helehelena li-o a makukoae a i like hoi me kekahi lole keokeo loa ke aiai.
"Ae; heaha iho la ka pilikia, e Miriama, o ko'u hiki ana mai la ianei?" O ke ku koke ae la no ia on a iluna a hele aku Ia a hopu i ka lima o ke kaikuahine, i ka manawa kupono loa a ka Lede Linetone e aneane iho ana e palaha iluna o ka papahele a paa e aku Ia nae i ka hopula e ke Sa Wiliama.
MOKUNA XLII-Kekahi Mau Mea Hookahaha I Ikeia
Ma keia manawa ala ka noonoo o na mea apau maluna o ka Lede Linetone a o ka makemake o ke Sa Wiliama no kana kaikamahine u'i anai maopopo ole ai oia lo no ia ua lilo aku npo kekahi manawa me ke pihoihoi no keia loaa koke ana o kona kaikuahine i keia anoe hikiwawe loa a maule ana me ka maopopo ole o ke kumu.
Ma keia manawa i anoe ai ka Lede Linetone aohe poe e ai maloko o ia rumi ia manawa o ke Sa Wiliama wale no ame pa keiki, ke kaikuahine on a e ike ole ae ana i na mea a hanesia iho ana nona ia manawa olai e moe lolo ana iluna o ka punee a e ku iho ana no hoi na keiki mahai me ka Sa Wiliama a nana iho la i kona waiho oni ole no kekahi manawa me na manao pahaohao a ke hola nui wale la no hoi i mea e pohala hou ae ai ka Lede Linetone, mahope o ka haplia ana ae a hoomoe iluna o ka punee.
Elike me ka Veki mea maikai loa i ike ai pela oia i hoao iho ai e lapaau i ka mea poino ma e kona hou ana iho i kona haina ka iloko e ke kiaha wai a Rupata o ke kii ana a lawe mai a me ia hainaka pulu i hoomau iho ai oia i ka helehelena o ka lede a kauoha pu mai la ia Sa Wiliama e peahi a e lomilomi ma na lima malia me ia hana ana e holo ae ai ke koko a pohala hou ae ka lede.
I ka enawa i hoike ae ai ka wahine i kekahi hiona ao kona pohala ia wa eaka ae la no hoi kona mau maka i upoi mamua iho, akahi no oia a ike ae i na maka o ka poe e kuku ana mahai on a a e haka pono iho ana lala, a maluna o na maka o Veki kana haka pono loa, ke kaikamahine i hoea ae a e noho ana meloko o ia rumi, a i lilo ai hoi ola kumu no kona anoe.
"Auhea kuu keikunane?" wehi ana o ka ninau ana ae me ana a maule maoli no ka piha mai i ka inaina kohu ole, ke pale ana ai i ka lima o Veki e hoomau mau iho ana i kona helehelea me ka hainaka pulu me ke akahele loa, ke ano hana hoi a ka mea i piha ka naau i ke aloha.
"Eia no au meanei, e Miriama," i pane iho ai ke kaikunane me ka leo oluolu loa, "Heaha ka'u mea e hana aku ai nou?"
"E hoihoi koke aku oe ia'u i ka hale me ka kali ole," wahi a ka pane a ka wahine maalea, me ka haalulu, iaia i leha iki ae ai ia Veki, oiai oia ua emi aku ihope ia manawa a e ku mai ana mahope aku o Rupata.
"E hoihoi koke aku ana au ia oe i ka hale i kou manawa e oluolu iki ae ai a e hiki pono ai ia oe ke hele, aole i nei manawa," i pane iho ai ke kaikunane.
"O, ua loaa ia'u ka ikaika kupono i nei manawa no ka hoi aku," a o ka hooikaika okoa ae la no ia on a a noho ana iluna oiai nae he kulana nawali loa kona i na minuke mamua iho, me he mea la he ma'i kulipolipo loa e hiki ole ai ke oni ae.
"Ina ua loaa ka ikaika kupono ia oe i nei manawa alaila e hoihoi koke io aku au ia oe; ea, heaha ke kumu o keia anoe hikiwawe loa ana iho nei ou a maule ana? Aole au i ike i kou maule mamua, o keia ka makamua loa o ko'u ike ana; heaha ke kumu?" wahi a ke Sa Wiliama o ka ninau ana iho, oiai ua pihohoi maoli oia i na minuke mamua iho no ka maule hikiwawe loa ana o ke kaikuahine.
No keia ninau a ke kaikunane pii ae la ka ula ma na papalina o ka Lede Lintona a pane ae la me ka hoohunhuna i ka me aoiaio. "Manao au no ka wela loa paha oloko o keia rumi, a o kekahi aohe no he maikai o ko'u ola kino mai kela ahiahi aku nei." He mea oiaio no nae ia ana oka hoike ana ae, no ka mea, mai kela la mai ana o ka ike ana i ka Lede Alekanedero mai ia manawa mai no kona ano e ana, ua ku a ma'i maoli oia, no kona noonoo nui no kana hewa i hana ai i ka mea hewa ole.
Iaia i kmailio ae ai leha aku la kana nana ana i kahi o ka puka no kona maka'u o hoea mai auanei ke kaikamahine no ka huli ana iaia a loaa mai oia maloko olaila, aia pu iloko on a ka manao ia manawa he oi aku kona pono e haule iho oia a make malalo o na wawae o kona kaikunane mamua o ka halawai ana o ke kaikunane me ka wahine i kaawale no ka manawa loihi mai iaia aku, mamuli o kana mau hana loloino loa i hana ai, a hoolaulea hou laua.
O kona manao ia manawa o ka hookaawale koke aku i ke Sa Wiliama mailoko aku o kela hale ia manawa a mailoko aku hoi o ke kulanakauhale o Ladana iloko o ka manawa kokoke loa ma ia hope iho, a ua paa kona manao aohe mea nana e keakea mai ia manawa on a ahiki i ka hookoia ana. He maka'u nui kona no ka hoea ana aku o Mrs. Alekanedero iloko o ia hale o ka ohana Danafota ma ia po ua like ia me kekahi puupuu ikaika loa e kuiia aku iaia i kona manao.
Ua lehulehu na makahiki i kaahope aku, a iloko o ia manawa loihi ua noho oia me ka maluhia me ka loaa ole o kekahi mea nana e hooluku i kona noonoo, a ua loaa maoli no ka manao iloko on a me ka maopopo loa a he mea nana e hoonioni iaia, o ia iho la no ka hakuwhaine o ka Hitadela, ka home o ke kaikunane, a ua loaa pu no hoi iaia keia manao maloko o ia hale ana oia e noho ai a pau na la o kona ola ana, me ka loaa ole o kelahi mea nana e hoonioni aku iaia a ua nana aku oia i na olelo hoomak'uka'u a Mrs. Alekanedero i oleo mai ai iaia ehiki mai ana ka la e oni maii ai i ka waiwai o kana kane no ka pono o kana kaikamahine ma ke ano he mau olelo palaulelo wale no, eia nae, ke kau e nei kona lia i nei manawa no ka hiki mai o ka la e hooko mai ai kona enemi i kana olelopaa.
I na makahiki i kaahope aku ua lilo na la o ia ola ana on a he mau la hauoli loa mamua aku o kona mare ana. Ua hooplauia o Pasi, kana keikikane i kekahi kaikamahine u'i, he kaikamahine waiwai a i hoonaauao maikai ia me ka pulamaia ma na ano apau, me ke aoia ma na alahele a pau e lilo ai oia i led i kona manawa e lilo ai i wahine na Pasi.
No ka makemake loa o ka makuakane o ke kaikamahine i hoopalau ai me Pasi i kana hunonakane ua hoolala oia i kona manao e uk;u i na aie a pau i molakiia ai o ka Linetona Gerene ka home muo o ka Lede Lintona, Oiai kana kane ka Haku Linetona e ola ala, i ole ai e kau iho ia haawe kaumaha maluna o kana hunonakane e hookaawale mua ia aku ana.
No Liliana hoi, o kekahi oia o na hoku iloko o na anaina a ka poe hanohano; ua nui kona make makeia me kona kii mau ia e hele mai iloko o na manawa e malamaia ai o na anaina hoohauoli, no kona piha laiwale, kamikimiki ame ka mikiala ma ka hoolauna ana; no keia mau haawina maikai i koaa iaia ua piha ke kiaha o ka Lede Lintona i ka hauoli me ka haaheo pu no kana mau keiki ana e manaolana mau ana me ka pio ole iloko on a, o laua aku ana na hooilina o ke Sa Wikiama.
O kahi kulu awahia wale no iloko o kona kiaha i hele a haale i ka hauoli o ia ka pio ole o ko Liana aloha no Rupata nolaila ua hooikaika loa oia e hookoia kona makemake no ka hoomare ana ia Liliana me Rupata i ko Rupata manawa e hoi mai ai mai Amerika mai.
Eia nae, mai ko Rupata manawa i hoi mai ai mai Amerika mai ahiki i keia manawa, ua ike aku oia i ko Rupata ano hoahiuhiu ia Liliana, he hoike mau aku no Rupata i kona oluolu ame kona hoihoi ma kekahi mau manawa ma ke ano aia no he manaolana iloko on a no ka hookoia o kona iini, a no ka hoolo ana ia mano o ia kana e kakali ana no ka hiki mai o ka manawa.
Aohe i lioo ka Rupata mau hana ame kana mau olelo ia Liliana i mea e loaa ai ka Lede Linetona a i kekahi mea okoa e ae paha, e loaa iho ai ka manaoio ua nana mai ke kanaka opio is Liliana me ka manao kula no kona lawe ana i wahine nana, aka ua nana wale mai no iaia ma ke ano he kaikuahine aole ma ke ano he ipo.
No kela ano o ke kanaka opio a ka Lede Linetona i hoomaopopo ai ua komo ka mak'u iloko on a e lilo ana o Rupata I ka mea okoa, a o ka waiwai o ke kanaka opio ana, I manao ai e hole mai ana i kana kaikamahine e lilo ana mai iaia aku, a e lilo aku ana ke kanaka opio i kekahi wahine ui okoa aku..
I ka Lede Linetona i noho pono ae ai iluna o ka punee pane iho la ka kaikunane.
"E kahali iki oe maanei no kekahi manawa, a e hele ae hoi au e noi aku i ka Lede Danafota e hookuu mai ia kaua, a e hoike pu aku ia Liliana e hoi ana kaua,"
"O, aloe, mai haalele mai oe ia'u maanei, e Wile, ka hopohopo nei au no ko'u loaa hou i ka ma'i kuhewa a i ole maula paha. O Rupata nei kau e hookuu aku e hele e ike i ka Lede Danafota, " wahi a ka lede piha maalea, ma ka nananakea loa e kena helehelena ia manawa, me ka haalulu pu i aole on a hilinai e hookuu aku i ke kaikunane a hele i hookahi minuke, me kona manaoio in a e hele aku ana ke kaikunane e hlawai loke aku ana eia me Mrs. Alekandero, a e ke laua hui koke.
"E Mr. Hamiletona, e ae mai ana anei oe o oe ke hele aku e ike i ka Lede Danafota, a hoike aku no ko maua manao e hoi aku ne ka hale i nei manawa?"
"No ke aha no la hoi auanei au e hoole aku ai? Owau io ke hele aku," wahi a Rupata o ka pane ana mai:
"O, me ka mahalo nui ia oe. E William, e oluolu oe e hookani aku i ka bele i hoca mai a o ke kauwa maanei a olelo aku iaia e kii i kuu kapa hoopumehana. Ke ike nei au i ka hiki pono ole ia'u ke kii aku ia mau mea liilii a'u, e aho na ke kauwa e kii aku a lawe mai maanei."
No eia noi a ke kaikuahine maalea, ua hooko aku la ke Sa Williams, a ke haohao pu la nae oia ia manawa i ke kumu o lo ki kaikuahine haalulu maoli me ke kupanaha loa. Aole oia i ike i ke anoe o ke kaikuahine mamua elike me keia ana e ike mai ana, in a paha i ike oia i ke kumu ia manawa in a la ua hiki koke no iaia ke pane mai i ka mea i kue loa i ko ke kaikuahine makemake.
"E Rupata," wahi hou a ka lede maalea," aole anei oe e oluolu e nana aku ia Liliana i ke koena aku o na hana o keia ahiahi, a nau hoi ia e hoihoi ae i ka hale me ka malama pu i kona maluhia?"
"Ua hiki ia'u ke hana aku ia mea au i kauoha mai la me ka oluolu loa," oiai nae aohe iho la on a hoihoi no kona kauohaia ana mai la e kiai a e malama ia Liliana, Oiai o kona makemake mau ia manwa o ka hui mau aku me Veki a e hele pu me ia i ka holokaa a e loaa pu hoi kekahi manawa maikai nona ame Veki e kuka ai no ia mua aku.
"O keia maoli ko'u makemake e Rupata, no ka mea, aohe kupono iki no Liliana e hoi hookahi ae i ka hale, oiai, e ike iho no oe nou iho o ka huikau keia o Ladana, a aohe malama i pau i ka iole, a o kekahi no hoi aohe o'u makemake e koi aku iaia e hoi a haalele oia i ka aha lealea oiai hoi oia e hoohauoli ana iaia iho. A, e i aku kuu mau lole hoopumehana ke laweia mai la!" wahi ana o ka hooho ana ae me ka leo nui, ke ano o ka mea ma i ole, i ka ike ana mai i ole, i ka ike ana mai i ke kauwa e komo aku ana.
I ka loaa ana mai la o ka lole hoopumehana on a o kela o keia kana komo ana ae ahiki i ka paa ana, alaila huli ae la e nana i ke kaikunane a i ae la:
"Ina kaua, e Wiliama, ua makaukau au."
"I hookahi hoi minuke e Miriama, e oluolu mai oe," wahi a Wiliama.
O kona emi hope aku la no ia elua mau kainawawae ihope a ku ana mamua o Veki, oiai o Veki e nana pono mai la i ka Lede Linetona a e noonoo nui ana hoi no keia haawina ma'i kupanaha a hikiwawe loa i loaa iaia, a ua hookaawale aku hoi i kona wahi e ku ana mai ka lede aku.
Haawi aku la ke Sa Wiliama i kona lima iaia no ke aloha ana, oiai oia e kulou aku ana a kokoke loa ia Veki me ka helelelena hoihoi a minoaka, a oiai hoi ko Veki mau maka e kauaheahe pono ae ana iluna i kona:
"He mea hauoi nui no'u ka hui ana me oe i keia po maanei, a ke manaoio nei no au e loaa ana no he manawa maikai loa ma nei mua aku e hlawai hou ai kaua me ka maikai loa, aole hoi elike me keia ka hoohaunaeleia mamuli o keia ma'i kuhewa hikiwawe kupanaha loa o ia ala, a malia ma ia manawa paha e ike maopopo ai kaua ia kaua iho."
"Ke manzo nei au e loaa ana no, e Anakala Wile," i komo koke mai ai o Rupata e kamailio, me ka leo i hoopuiwa koke ia ae ai ka noonoo o kona anakala a huli koke aku la e nana iaia, oiai nae o Rupata e kamailio iho ana no iaia iho.
"Ke manzo nei au ua aloha kela kanaka opio iaia (Liliana)' aka no'u iho o ka wahaine uuku i oi ae ka ui mamua on a ka'u e makemake nei nana, eia nae kek maka'u e nei au e lilo ana paha ia i mea hooplikia aku i ko Liliana noonoo," wahi a Sa Wiliama o ka pane ana iho.
"Me ka mahalo nui ia oe, e Sa Wiliama," i pane ae ai o Veki me ka haalulu o kona leo, no ka mea ua lilo ka hookokoke ana aku o nei kanaka malihini iaia i mea hoopihoihoi ae la i kona noonoo. "Ke manaoio nei au ua kulike kou hauoli me ko'iu mamuli o keia hlawai malihini ana iho la o kaua ma keia manawa, a e loaa iho ana ia'u ke kaumah in aole e loaa ana kekahi hlawai hou ana me oe ma keia mua aku."
"E Wiliama!" i kahea koke akuai ke kaikuahine i piha i ka uluhua no ka houlolohi loa Wiliama i ko laua hoi aku; me he meha la ua nele loa oia i ka naau hoomenawanui ia manawa, a haawi koke mai la no i kona lima i ke kaikunane no kona paaia aku, huli koke aku la ka baroneta me ke kani pu ana iho o lana uhu, a kai aku la i ke kaikuahine piha maalea no kahi o ke kaalio e ku mai ana, a ia Rupata hoi i kuiee ae ai a lawe aku la ia Veki iloko o ka rumi hookipa, a malaila oia i huli aku ai ia Liliana, no ka hoike ana aku iaia no ka loaa koke ana o ka mama on a i ka ma'i a ua hoihoi koke ia aku e Sa Wiliama i ka hale.
He hora ma ia hope iho haalele mai la o Vekinia ame kaikamahine i ka hale o ka ohana Danafota, mahope o ka panaiia ana o na aloha po, no ka mea, ua ike iho la o Vekinia i kona ano maluhiluhi mai, a no ia kumu i makemake ai oia e hoi koke i ko laua hale no ka hooluolu ana; he hana kupono ole nana ka noho ana aku e nanea a e nana aku i na lealea o ia po me ia kulana nawaliwali no on a.
Kokua aku la Rupata ma ka lawe ana ia laua a kau iluna o ke kaalio, a ia laua e makaukau ana e ee aku iluna o ke kaa holo mai ana kekahi kaa me kekahi mau huapalapala i kauia ma ka puka o ke kaa nana i ume aku i ko Vekinia noonoo a haka pono aku la kana nana ana maluna o ia mau huapalapala i kakauia.
Ku iki iho la oia me kekahi wawae on a e kau ana iluna o ke keehina oke kaa, a nana aku la i paanaau loa iaia na huapalapala a pau i kakauia, a iaia e nana la he lelelelena o ka mea i hookikileleia ae ke naholo ana ma kona mau maka."
O kana mea i ike aku ai he Kea a malalo iho keia mau huapalapala, "Droit et Loyal."
"Nowai kela kaalio?" wahi ana o ka huli ana ae e ninau ia Rupata.
Lele aku la ka Rupata nana ana i kahi a Vekinia o ka ninau ana mai a i aku la ; "no ka Lede Linetona; ua hoouna hou mai la oia i kela kaa no Liliana e hoi aku ai."
"Aha i no ka Lede Linetona!" i hooho ae ai o Vekinia no elua ekolu nanawa, me he mea ia i hooho mau ae o Vekinia no eluaa ekolu manawa, me he mea la i hooho mau ae o Vekinia no elua a ekolu manawa, oia pela i mea e paanaau ai iaia.
"Ae; na Sa Wiliama Hita, ke kaikunane on a, i makana iaia i kela kaalio me na lio no kona holoholo ana ma ka La Kalikimaka," i hoakaka aku ai o Rupata.
"A heaha kela hoailona e kau mai la maluna o ka puka o ke kaa?"
"O ka hoailona Coat of Arms hoi la o ka ohana Linetona."
"Ea, o Mr. Hamiletona i ka nana aku me he mea ua kamaaina wale ka oe i keia ohana akahi ka hoi ka maopopo wale ia oe no na mea apau," wahi a Vekinia o ka hoomaoe ana mai no kona makemake iho la e hoomaopopo loa mai o Rupata.
"A no keaha auanei la hoi e nele ai ko'u maopopp" I pane aku ai o Rupata, me ka aha pu ana aku" Me lakou au i noho pu ai malolo o ko lakou home iloko o na makahiki me umi a umi-kumamalua paha i kaahope aku, O Wiliama Hita i hoihoi aku nei i ka Lede Linetona i ka hale he hora a ol aku nei, o ko'u kahuhanai no hoi ia."
(Aole i pau.)
He mau palapala hopu ka i hoopukeia ae e ka aha no ka hopu ana ia R.E. Draher ame Angelina Barney no ka hewa moekolohe a he $50 ka bela i kauia mai e ka aha.
O ka pauku paipu keleawe i manao wale ia ai me ia mea babauia ai ke poo o Francis Wright, Ua loaa aku ma kekahi wahi kokoke mai i kahi Wright i pepehiia ai, a ke Paaia mai nei e ka Makaikiu McDuffie i hoike ma ka aoao o ke aupuni. Ewalu mau Pilipino e paaia ka poe i manaola o lakou pu kekahi i hawahawa na lima i ke karaima pepehikauaka.
HOOLAHA
Uku Ana i na Auhau Wai
I kulike ai me ke kauoha kanawai Helu 65 elike me ia i hoololiia ai e ke Kauoha Kanawai Helu 91 ame 102 o ke kulana kauhale a ka lana o Honolulu ma keia ke hoikeia aku nei ka lohe i ka poe apau e paa ana i na pono wai malalo o he ana auhau mita, o na auhau wai no ka manawa e pau ana i Augale 31, 1923, ua hiki mai ka wa e uku ai, a e ukuia ma ka la MUA o sepatemaba, 1923.
O ka hoohemahema i ka uku ana i ua mau auhau wai la iloko o na la he KANAKOLU mahope aku e hoohuiia aku no he kaki paku'i e UMI pakeneka.
O na pono wai apau no lakou na auhau e koe ana i uku ole ia mahope aku o ka la 30 o Sepatemaba, 1923, e pani koke ia no.
E ukuia ae na auhau ma ke keena o ka OIHANA WAI O HONOLULU, HALE KAPIOLANI, HONOLULU, HAWAII.
W.A. WALL,
Lunanui Laula, Oihana Wai ame Sua o Honolulu. 6570-Aug. 23, 30.
ALPINE MILK
Mau ono o keia waiu maemae me ka momona no ka wa loihi. mahope mai o kou wehe ana i ke kini.
Ninau i kou kanaka kuai meaai no ka
Makemake Kau Keiki i Lole no ke Kula
Lawe mai iaia maanei i ka halekuai o na keikane
Nui ka makou mau lole o ke ano maikai loa o na Keikikane ma na helu apau, me ka oluolu o ke kumukuai.
Paalole Lolewawai Loloa o na Opio $22.50 a pii aku.
Papaole Lolewawae Ekekei
$7.50 a pii aku
Lolewawae Kaki Loihi…………$2.75 a pii aku
Lolewawae Ekekei Palm Beach….2.00
Lolewawae Ekekei Linen Crash….1.00
Lolewawae Ekekei Kaki………………1.50
Lolewawae Ekekei Bolu……………3.00
The Ideal
76 Alanui Hokele
Your Speedometer will PROVE RED Crown's economy
Ku ma ka hoialona Red Crown i ka wa e hoopiha hou ai i kou ipu aila alaila nana i kou ana mile
E ike ana oe e lawe ana ka "Red Crown" ia oe a oi aku ka mamao i ke galani, me ka oi aku o ka ikaika ame ka pahee o ka holo ana o ka enekini.
Hikiwawe ka hoomahu ana a "Red Crown" me ke kaulike maloko o ka ipuea me ka hoohana holookoa ia iloko o na ku-e. He o ia mau kela me keia galani ma na wahi apau au e kuai ai.
Hoopiha ma ka hoailona Red Crown ma na Wahi Hoopiha Aila, ma na halekaa, ame na wahi kuai aila e ae.
STNADAED OIL COMPANY
(California)