Ka Nupepa Kuokoa, Volume LXII, Number 34, 23 August 1923 — ALOHA WALE! [ARTICLE]

ALOHA WALE!

E Mr. Lunahooponopono, Aloha kaua:—Ua ike iho au ma kekahi o na kolamu o kau nupepa kaulana, e olelo ana me ka moakaka lea o Mrs. Kilipohe Smith, ua hala i ke ala hoi ole mai. O kela kekahi hoahanau kupaa ma ka pono ahiki i ka. waiho ana o na iwi o Kamahele. Ua nolio kahu au no k% Ekalesia o Ewa iloko o ewalu makahiki i hala, pela i maopopo ai ia'u keia makuahine haipule. O kuu aloha ame kuu u pu ana me ka ohana ame na kini haipule o Ewa. E Mr. Lunahoopouopono, e oluolu hou man no oe ia'u, he lono lauhea ka i liiki mai i o'u nei, o ia mau keiki aloha a'u o ua one kuilima laula nei o Ewa, oia o Mrs. Ema Mossman ame J. K. Keonaona Jr., ua ukali pu aku Ja no ma ke alahele a Kilipohe i hele mua aku la. Aloha wale lakou ekolu. Alo"ha wae na hoa o ka la welawela o Manana ke noho —a. O keia mau inoa hope elua noloko laua o ka ohana Mahi. la'u i hiki malihini ai i Ewa, ma ke ano he Kahu Ekalesia no Ewa, ko'u ike ana i na lehulehu apau o ia kaha. 0 keia J. K. Keonaona opio, ola ke alakai himeni ia wa, he u'i opio [me ka leo liani kiekie, he nani no ke hoolohe aku. Ua lohe mai nei au ua hoolohe aku. Ua lohe mai au ua hala oia. Ke hoomanao nei au no ka hana a kona Haku aloha ana i aloha ai ; Hana mau kakou apau, Ma keia hana maikai, Oia no ka mea nana, E hoolauna mau ia kakou. Ua pau ka launa pu ana ma ka luakini Kahikuonalani. Aloha no na kini haipule o ke one kuilima laula o Ewa—e. Ua hoi aku lakou me ko lakou Haku aloha e launa mau ai no ka manawa pau ole. Ke hooki nei au i keia me na kuluwaimaka aloha no lakou apau. WILLIAM KAMAU, Kalahikiola, Kohala, Aug. 17, 1923 I