Ka Nupepa Kuokoa, Volume LXII, Number 34, 23 August 1923 — Na Makai Ame ka Politika [ARTICLE]

Na Makai Ame ka Politika

Ua hoike ae nei ka hapanui o na hoa o ka papa komisina makai, i ko lana manao, no ka hookaawale loa ia o na makai, mai ko lakou koino ana aku iloko o na hana hooikaika kalaiaina, a ua noi okoa ia aku ka Loio Kalana Heen, e hoomakaukau mai oia i kekahi mau rula hooponopono hou no na hana a kela komisina. O keia maoli ka mea pololei e papa loa ia na makai mai ke komo kino ana iloko o na hana hooikaika haloka, no ka mea 0 ko lakou hookohuia ana i poe makai, aole ia mamuli o ka manao ponoi o ke poo o ka oihana makai o Honolulu nei, aka mamuli o ko lakou hoikeia ana no ko lakou kupono e lilo i makai; a o ka hewa wale no ma ka lakou mau hana, ke kumu e hoopauia ai, aole nae ma ka manao iho o ka makai nui, aka mahope o ka hookolokoloia ana imua o ka papa komisina makai. Ma na kau koho haloka aku nei o na luna oihana o ke Knlanakauhale a Kalana o Honolulu nei, ua hooliloia na makai 1 poe hooikaika baloka no ka makai nui; e ikeia ana na makai ma na puka o na wahi koho haloka, aole no ko lakou kiai ana i ka maluhia, aka no ka hooikaika ana no ka pono o ko lakou poo ma ka oihana, ma ke koikoi ana i na mana koho e komo ana iloko o na wahi koho haloka, e koho i ko lakou poo. Mamuli nae o keia manao o na hoa o ka papa komisina makai, e kauia he rula e papa ana i na makai, mai ke komo ana e hooikaika baloka, e lilo ana i hewa no lakou e hoopauia ai mai ka oihana makai aku, ke ikeia lakou e hooikaika baloka ana, me na hooia maopopo loa, no ko lakou pili i ka hewa, i ka v.-a e hookomia aku ai na hoopii hoohalahala imua o kela papa komisina makai. O ka lehulehu ke kuleana maluna o na makai, no ka mea mailoko ae o na dala uku auhau a ka lehulehu, e ohi nei lakou i ko lakou mau uku mahina; koe wale no o ko lakou liooko ana i ke kanawai, malalo no iā o na kauoha mai ke poo mai 0 ka oihana makai. Ua hiki i ka makai nui, ke hooikaika baloka nona iho, elike no hoi me na luna oihana e ae, e kohoia ana e na mana koho. aka o kona hoolilo ana i ka puali makai i mau meapaahana no kona kohoia, ke haawi nei keia pepa i kona manao mahaio. no keia manao kuokoa a kaulike iloko o kela mau hoa elua o ka papa komisina makai, i ko laua ku ana mai iwaho, a hoike i ko laua ku-e, no ka hoohanaia o na makai iloko o na hana po!itika. Ua panikuia na ipuka o ka Aloha Paka i keia manawa mamuli o ke poho o kela hana; me ka hooili ana ae o ka poe 1 kuleana i kela paka i na ahewa ana, no ka hookapuia ana oke Sabati, oke kumu ia o ke poho. Kupanaha no paha ka poe imi waiwai! No kekahi pomaikai nui e loaa mai ana, i ka poe hoopukapuka, pela iho la i ku ae ai ka Aloha Paka, me na hana ume noonoo apau, e hele ai ka lehulehu maloko olaila, e hoohauoli ai ia lakou iho, malalo o kekahi mau kumu, no ka pono o na limahana ame ka lehulehu, pela i kukuluia ai kela paka, heaha auanei ko ka lehulehu pomaikai, no ka mea me ka lakou mau dala ponoi iho, e uku ai lakou, ma ke komo ana maloko olaila? He pilikia anei kekahi o ka lehulehu e noho nei iloko o keia mau pule, i paa ai ka Aloha Paka? Ma ka nana aku, aole he mau hoohalanala ana mai ia lakou mai; ina pela. aole no hoi ha no lakou ka makemake i'o i paka o kela ano. Oka pomaikai e loaa ana ika hapanui o na makaainana. ma keia paa ana o Aloha Paka, o ia no ko lakou hoopakeleia ana, mai ka lu wale ana i kekahi mau dala mahuahua no na hana lealea waiwai ole.