Ka Nupepa Kuokoa, Volume LXII, Number 34, 23 August 1923 — MAKEMAKE E HOOPAUIA KA LUNAKANAWAI SOARES. [ARTICLE]

MAKEMAKE E HOOPAUIA KA LUNAKANAWAI SOARES.

j Ma ka Poalima aku la i hala, i jhookomoia aku ai iloko o ka aha kiekie, he palapala noi e ka Loio j Kuhina Matthewman, e kauoha ana e hoopauia ka Lunakanawai Soares, o ka aha hoomalA o Honolulu nei, mai kona kulana ae, malalo o kejkahi mau kumu, a ka loio kuhina i [Hianao ai, ua kupono ole oia e hoomau hou aku i ka paa ana i kela kulana lunakanawai hoomalu. Ua ala mai kela noi ma ka aoao 0 ka Loio Kuhina Matthewman imua 0 ka aha kiekie, e hoopau i ka Lunakanawai Soares, mamuli o na mea oiaio i hua'i ae i ke akea, ma ka hoopii oki mare a Mrs. Freitas, e ku-e ana i kana kane. J Oka Lunakanawai Soares ka loio 1 o Maria C. Freitas, ma ka hoopii okimare a kela wahine, e ku-e ana 1 kana kane ia John Freitas, imua 0 ka aha a ka Lunakanawai Desha, me ka aeia ana o ka hoopii okimare a kela wahine, malalo o ke kumu, ka hanaino o kana kane iaia. He manawa pokole nae, mahope mai o ka hoopuka ana ae o ka aha, 1 ka olelo hooholo, e ae ana i ka hookaawaleia o ka wahine mai kana kane aku, ua oili ae la kekahi mau ike hou e pili ana i ke kumu | oiiaio, o ka hoopii ana o ka wahi-, ne i kana kane, e hookaawale ia' laua, o ia hoi ka launa hewa o kana kane, me kana kaikamahine, a i wahi e hiki ai i ke kane ke mare me kela kaikamahine, pela oia i makemake ai e hookaawale ia laua mai ka noho ana he kane a he wahine. Iloko o keia manawa, i komo mai ai ke keena o ka loio kuhina, a huli pono i ka mea oiaio, hoi me ka Lunakanawai Desha, a ma ka ninaninau hou ia ana o Maria Freitas, ua hoike ae la oia i ke kumu oiaio maoli o Kona hookomo ana i ka hoopii okimare, o ia no kona makemake, e mare kana kane i kana kaikamahine, i wahi e nalo ai kekahi hana ku i ka hoohilahila i kona ohana, me kona olelo pu ana ae, ua maopopo no i ka Lunakanawai Soares, na mea e pili ana, i ka launa hewa o kana kane me ke kaikamahine opio.

| O ke kaikamahine opio kekahi o Mary Freitaa i hoike ae imua o ka aha, i kona hoakaka ana aku imua o ka Lunakanawai Soares, no kona launa hewa me John Freitas, a ua maopopo i ka Lunakanawai Soares, mea apau, oiai oia e kokua ana no ka aeia mai o ka hoopii okimare a kona makuahine imua o ka aha. Malalo iho la o keia mau mea oiaio, i waiho aku ai ke keena o ka loio kuhina he palapala noi imua o ka aha kiekie, e kauoha aiia, e hoea aku ka Lunakanawai Soares imua o kela aha, a hoike aku i na kumu, e hoopau ole ia ai kona noJio lunakanawai ana no ka aha hd> malu. No ka hooloha ana nae i kela noi a ka Loio Kuhina Matthewman, ua hoopuka ae ka aha kiekie ma ko Poakahi iho nei, i ke kauoha, e hoea aku ka Lunakanawai Soarea imua o ka aha, ma ka la 4 o ka mahina o Sepatemaba ae nei, a waiho aku i kana pane, ma ke ano e kupale ana iaia iho, mai ka hoopau ana mai a ka aha kiekie i kona noho lunakanawai ana no Honolulu nei.