Ka Nupepa Kuokoa, Volume LXII, Number 36, 6 September 1923 — E POKOLE ANA KA LAIKI MA HAWAII NEI. [ARTICLE]

E POKOLE ANA KA LAIKI MA HAWAII NEI.

Mamuli o ka poino nui i loaa i ke Aupuni o lapana mamuli o ke ola'i ame ke ahi, ke kai mimiki ame ka makani, na mea nana i ulupa mai la i kekahi o kona mau kulanakauhale nui, he mea ia nana e hoemi mai i ke komo nui ana mai o kolaila mau waiwai iloko nei o ka aina, a o ka oi loa aku o ka laiki. O na mea i nuneia ae ma na ūwapo i kela la aku la, o ia no ka pau loa o ke komo hou ana mai o kn laiki ianei, a hala kekahi wa loihi, a no ka mea e paa ia ana ka laiki iloko o lapana no ke kokua ana i na tausani o na tausani o kona mau olulo e noho mai la iloko o ka hune ame ka nele mamuli o kela mau pilikia i hoea mai maluna o ko lakou aina. Mamuli o keia kumu ka pokole o ka laiki ma Hawaii nei, a imea e lawa ai na haneri tausani Kepani e noho nei ma Hawaii nei. e kono ia ae ana ka poe kalepa r komo nui mai i ka laiki o Kaleponi j i Hawaii nei. | Ua manaoia, e paa ia ana na mea j ai Kepani apau i maa mau ia i ke komo mai i Hawaii nei, no ka hoolawa ana i ka poe iloko o ka nele ma na wahi like ole o lapana. Oiai ka mokuahi Korea Maru, e hoomaleaukau ana e haalele iho i ke awa o lokohama, me kekahi piha ukana nui no Hawaii nei, ua hoea mai la kela poino maluna o ka aina, nolaila ua paaia aku ia no ka haawi ana i na kokua ana, a ina he heluna nui o na meaai aia maluna ona, e pau ana lakou i ke kiolaia iuka o ka aina no ka maheleheleia ana aku iwaena o ka poe i pilikia. |No kona manawa e hoea hou mai ai i Hawaii nei, aole i maopopo.