Ka Nupepa Kuokoa, Volume LXII, Number 37, 13 September 1923 — HUHEWA NA WEHEWEHE ANA ANA A WAAWAA IKI. [ARTICLE]

HUHEWA NA WEHEWEHE ANA ANA A WAAWAA IKI.

Mr. Lunahooponopono o ka Nupepa Kuokoa; Aloha kaua:—Ma ka Hoku o Hawaii o ka la 16 $ keia mahina, e kau ana he poomanao penei: "He Mau Olelo Hookaau", a i ke kokoke ana aku o Waawaa Iki ma kahi a kekahi poe e kamailio ana no ka hoopauia o Enekinia Harry Allen, ua lohe aku la o Waawaa Iki i ke kamailio o Waawaa Nui, he mau hana polotika ke kumu 0 kona hoopauia an§u Ke hoike nei au i ko'u manno kakoo ia oo e Waawaa Nui, ua pololei kau hoike ana, na kumu iho la no ia o ka hoopauia ana o Harry Allen, aole ma kekalii mau kumu e ae. Ke olelo nei oe e Waawaa Iki aole i hoopauia o Harry Allen, aka ua hoihoiia aku oia malalo o ke koena o ka Enekinia Barringer Mamua o kon hoike ana i kou manao 1 ka lehulehu, aole i hoopauia o [Harry Allen, e heluhelu mua oe i lea olelo hooholo a ka Papa Lunakiai, ! a ina maloko o keia Olelo Hooholo, he mau manao kekahi e olelo ana e hoihoiia o Harry Allen malalo o ke keena o Barringer, alaila pololei kau hoike ana i ka lehulehu, lieaha kou mea heluhelu mua ole i ka olelo hooholo a ka Papa mamua o kou hoike ana i kou manao?

Eia ka'u e hoomaopopo nei ma keia Olelo Hooholo, a ka papa, e hoihoiia na hana apanu a llarry Allen e lawelawe nei malalo o ke keena o Enekinia Barringer, a aole wahi olelo e hoihoiia o Harry Allen malalo o ka malu o Barringer, a i ka loaa ana aku o ke kope o keia olelo hooholo ia Harry Allen, a i loaa pu aku no hoi i ka Enekinia Barringer, ua holo leta aku la o Barringer ia Harry Allen, me ka hoike ana aku o ka hana apau malalo o ka malu o Harry Allen, i kuliko ai mo ka olelo hooholo, aia malalo o ka malu o Barringer, a hoiko hou o Barringer ma kana leta ia Herry Allen, e mau no o Harry Allen malalo o ka malu o Barringer, ame ka poe mnlalo o Harry Allen. Kupanaha keia hoihoiia o na hana apau malalo o ke keena o Barringer, a mamuli o ka noonoo ana a ka papa lunakiai, no ka hoemi lilo i ke dala a ka lehulehu, he mea pono e hoihoiia ke keena o Harry Allen malalo o ka malu o Barringer, a ia wa hookahi no, holo leta aku la o Barringer t ia Harry Allen, e hoike ana, e mau no oia ame na poe malalo o Allen malalo o kona malu. E Waawaa Iki aole auanei keia lie politika, hoopau ia keia ke"ena no ka hoemi lilo, a hoihoi hou aku no iaia ame kona mau paalalo malalo o Barringer?

Ke hoike hou nei oe e Waawaa Iki mamuli o ka noonoo ana a ka papa no ke ulolohi loa o kana hana no ka hoomoe ana i na paipuwai, a ua hauhili na papahana a Harry Allen, o ia iho la ke kumu kupono a ka papa. i hoopau ai i keia keena. Nui kou haakoi e Wnawaa Iki i koo i'o ponoi, a i ka aelike o na paipuwai o Honokaa, he 3 makahiki keia e nee nei, akahi no a hoohanaia keia paipuwai o Honokaa, mamuli auanei kou maka'u no ke ku-e aku i ka ili puakea, ke kumu o kou hoike ole ana i ka lehulehu, no'ke ulolohi o ka hanaia o keia luawai o Honokaa ame na paipuwai, a i ke kanaka Hawaii nui kou walaaul

Ke ninau nei ka mea nona ka inoa e kau iho la malalo, i kinohi, ina ua ike ka papa aole i loaa ka makaukau ia Harry Allen, heaha ka mea i hoihoi ole ia ai keia hana malalo o ka Enekinia Barringer, ala ka a pau na hana ano nui ia Harrv Allen, alaila olelo aku oukou,' he kanaka

hoonui lilo keia, poho ke dala a ka lehulehul

I ka wa a Bamuel Kauhane ame ka papa i hookohu ai ia Harry Allen i enekinia, no keia ninau wai, ua ala mai na Hui Kalepa a ku-e ia Harry Allen no ka lawa ole o kona ike, no ka hoohana ana i keia ninau wai, ua kahea mai o Lunahoomalu Samuel Kauhane ia Harry Allen, a ninau aku iaia ina ua lawa kupono kona ike enekinia no ka lawelawe ana i keia ninau wai, a hoike aku la o Harry AHen, e haawi mai ka lunahoomalu i 3 pule ana e ana ai, a makaukau na mea apau, alaila, e kauohaia i mau polopeka e hele mai i Hilo nei no ka noii ana i ka pololei o kana hana, a pololei ole paha. Mahope koke iho o ia manawa, mai na polofeka o ka Halekula Nui 0 Hawaii, Enekinia Tay o ka Papa Ola, ame ka enekinia o ka Amerika, a i ka lakou noii ana, ua maikai na mea apau, pololei ke &na ana pololei na huahelu ana, a haawi keia poe enekinia i ka lakou mau mahalo ia Harry Allen, a ia oe hoi e Waawaa Iki ame na lunakiai ke 1 ae nei he hawawa, hupo keia I Harrv Allen, a i na polopeka i loea j ma keia hana, he poe ilipuakea wale no keia, ke ku a hoomaikai i na hana a Harry Allen. "Make no o Pamano i ka i'o ponoi". Hanohano oe e Waawaa Iki, o ka Hawaii mua keia i loaa ke kalena, ka ike, ka naauao, ke kanaka Hawaii mua loa ho enekinia piha a makaukau ma na hana o leeia ano, 'a i 'mahaloia e keia mau polopfeka. Ke hoUie hou nei oe e Waawaa Iki, mamuli o na hoopii a ka poe i ka Papa Lunakiai no ka hawawa o Harry Allen, o ia ke kumu i hoihoiia ai kona keena malalo o Barringer, ke hoike nei au, aole keia he liana naauao, o ka hoopauia. o kona keena, me ka haawi ole ia i manaWa nona e hoea aku ai imua o ka papa, a kupale aku nona iho, ahiki ole ia Harry Allen ke pale nona iho, kupono ka olelo ae, kanaka hupo o Harry Allen. 0 ko'u manao kalaiaina he hana politika keia, he umi apuaa i ka Hawaii, i hana i ka hana me ka maikai. Mamuli o ka hoihoiia ana o na hana o ke keena o Allen malalo o ka malu o Barringer, ua hoouna hou ia mai la na polopeka na lakou i noii, na ana ana, na huahelu ana i na mea apau a Harry Allen i hana ai, ame ke kakoo ana o keia poe polopeka i na mea i hoomakaukauia e Harry Allen, e pili ana no keia ninau waiwai, a ua maopopo ole wahi a lakou, ke kumu nui i hoihoiia ai, na hana apau malalo o ka malu o Eneleinia Barringer, a e puka mai ana i kekahi o keia mau Ia iho ko lakou manao, ku-e i keia mau hana a ka papa lunakiai, a e ike ana no lakou i'ka'pololei o ka'u mea e hoijke nei. | Ke hoike nei oe e Waawaa Iki i ka manao o ke poo nui o ka hanahao, i ka pololei ole o kau mea e hoike nei i ka leliulehu, aole loa oia i ku-e i na mea apau a Allen i hana ai. ; Ma ko'u ano he Bepubalika, ke minamina nei au i ke komo ana 0 Allen ma ka aoao Demokarata, mamuli o ka hana hupo a na lunakiai o kakou, a pau ana kakou apau e na Repubalika, i like ole na manao mo keia poe lunakiai, he poe Eepuhalika Tapuwale! KAHIPUULEIALOHA, Waiakea Homestead, Aug 18, 1923.