Ka Nupepa Kuokoa, Volume LXII, Number 37, 13 September 1923 — HE PUOLO LUULUU O KA WAIMAKA NO KUU MAKUAHINE. [ARTICLE]

HE PUOLO LUULUU O KA WAIMAKA NO KUU MAKUAHINE.

E Mr. Sol. Hanohano o ka Nupepa Kuokoa ,aloha kaua a nui:—Eia hoi au me ka'u puolo o ka luuluu imua ou, a nau hoi ia e hoolaha aRu, i ike mai ai hoi na ohana o kuu makuahine aloha, kona mau hoaloha. Ua haalole mai kuu anaty aloha i keia ola ana i ka la 23 o Aperila, auwe no hoi ka mokumoku o kuu naau ia oe e! Ua hanauia mai kuu anaty aloha, mai ka puhaka mai o kona makuahine Mrs. Rebecca Kuawaluokaae* amokukalaualii Keawe i ka makahiki 1892, a ua piha iaia na makahilei he 30. Auwe no hoi kuu minamina ia oe e anaty! Ua haalele mai oia ihope nei he kaikuaana oia hoi o Mrs. Eva halepauole, a me kaikunane makapo j Samuel Keawe ame makou na keiki i hele a nui a lehulehu, auwe no hoi kou aloha ole ia makou! Kuu makuahine i ka ehukai o Puaena, kuu makuahine hoi i ka laekahakai o Waimea, kuu aunty hoi i ka pili paia o Pupukea, ai; 1 aoe ihea kahi i hele ai, ua hele aku nei paha oe i ka hana limukohu, 'i ole, aia paha oe i ka ohi pupu. Auwe no hoi ka mea houhou o kuu puuwai no kuu makuahine >ke hoomanao ae i kau mau wahi e' hele ai! Kuu makuahine i ke kula anui o Wahiawa, kuu aunty hoi i ke kula 0 Nuuanu, auwe auwe kuu makuahine aloha ole ia makou! Ua mare mua no kuu makuahine 1 ke.kane, a ua loaa mai ia laua mau he hookahi keikikane e ola nei, a make aku kana kane, a ua mare hou no hoi oia i ko kane elua, i keia kane no hoi a mainoino ana kona :ino. Oh mv aunty where are you?

Kuu la o ka pilikia aia no hoi oe ma kuu aoao kahi i noho ai, a i keia la ke hoaa nei au ia oe. Pohea a ko'u hookiekie ia oe., ua lilo no 5 mea nui ia oe. Auwe kuu makuahine aloha keiki e! I hewa no ia ie i kou paakiki i ka noho aku no ne Gus, a mainoino kou kino. Auwe m hoi ka menemene ole o keia ka,i\a ia oe e! Ua piliia e au me kuu aunty na wahi apau f a na ke kane no hoi au i hoauana, pau kou pili ana me kuu makuahine aloha. Aloha wale hoi keia ou o Liliha Tte huli aku au e ftana kohu mea aia no oe iloko kahi i okuu ai. Hoi au i Honolulu nei e noho āi huli mai no oe mahope a loaa au. Aunty, aunty, never will find one like your. E Mr. Hanohano ua lawa paha kaua a na ke Akua no e hoopomaikai ia oe, a peia pu no hoi na keiki )a'i nupepa. Owau.Hio no me ka luuluu. MISS MAKAEA KEAWE,