Ka Nupepa Kuokoa, Volume LXII, Number 37, 13 September 1923 — POHA KE AU KE PII NEI KA LENA. [ARTICLE]

POHA KE AU KE PII NEI KA LENA.

0 ke poomanao maluna ae, o kekahi ia o na olelo noeau a kakou ka lahui Hawaii, e kohu pono ai, ke hoopiliia ae i ka oihana makai o Honolulu nei iloko o keia mau la, i hua iia ae ai i ke akea, na hana hakihaki kanawai, i lawelaweia maloko o ke kalapu hoohauoli o ke alanui Mila. Penei ka manao hoakaka o ka Lunakanawai Federala John De Bolt, iaia i hookau aku ai i ka hoopa'i ko'iko'i loa maluna 0 Crane Almeida ame Harry Adams, na ona no laua kela kalapu hoohauoli, o ke ahewaia ana imua o ke kiure federala: "Ua lawa loa na oleloike i waihoia mai imua o keia aha no ka lawelaweia o na hana hakihaki kanawai maloko o kela hale, me ka aeia aku ame ke aponoia e na luna oihana o ka oihana makai o Honolulu nei. Ua ikeia maloko o na oleloike. t!a malamaia ka waihona me ke kuai hoolilo ia aku; ua lawelaweia na hana piliwaiwai, a ua malamaia na hana hookamakama maloko olaila ma ke ano akea, me ka hoopilikia ole ia aku, no kekahi mau mahina lehulehu ahiki i ka la 15 o Augate." 1 ka hoopuka ana ae o ka Lunakanawai Federala De Bolt. 1 na olelo maluna ae la, aole ia mamuli o kona manao koho wale aku, aka mamuli o na mea oiaio i laweia aku imua o kana aha, e na hoike, i ikemaka, a i komo iloko o kela kalapu, me ka lawelawe i na hana ku-e kanawai; a i waena o na hoike i waiho ae i ka lakou mau ike imua o ka aha, ua olelo pu ae lakou, i ka waiho ana o na hoopii hoohalahala imua c na makai, aole nae he manawa, i hookoi* ai ke kanawai; me ka mau no o ka lawelaweia ana o na hana hakihaki kanaxvai maloko o kela wahi, no na mahina loihi, ma ke ano akea. Ina o keia iho Ia ka mea oiaio o ke kulana o ka oihana makai o Honolulu nei i keia la ke manaoio nei keia pepa, u ahoea mai i ka manawa, a na makaainana apau i makee i ka hookoia 0 na kanawai me ka pololei, e koho ai i poo hou no ka oihana makai o Honolulu nei; i kanaka a lakou i manaoio ai, ma ona la, e nalohia aku ai, na hana ku-e kanawai akea, ma na wahi like ole o keia kulanakauhale. O oukou e na mana koho baloka, o ke kulanakauhale o Honolulu uei, na lunakanawai na lakou e hoopuka mai i ka olelo hooholo o ke kaulike, ma keia koho baloka wae moho, iloko ae nei oka mahina o Okataba; a pela aku hoi iloko o ke koho baloka laula i ka mahina o Novemaba, no ke kanaka kupono, ma ke poo oka oihana makai o kakou. Aole kakou i makemake e noho mai na kanaka e hoopakele ana i ka poe hakihaki kanawai, mamuli o ka hookuukuu aku ia lakou, e malama 1 na hale piliwaiwai na wahi kuai waiona ame na hale hookamakama, ame kekahi mau hana ku-e kanawai e ae; no keia kumu, a no kekahi mau kumu kupono e ae he nui, ua ili iho ke ko'iko'i maluna o oukou e na mana koho baloka ka wae ana ae ame ke koho ana i kanaka ma ke poo o ka oihana makai, o keia kulanakauhale e mahaloia ai keia oihana ano nui, a c liio ai hoi ia mahaloia, i mea no kakou e haaheo ai. E haawiia na mahalo ana ia John D. Austin, no kona hoonioni ana i ka oihana makai o Honolulu nei, e ole keia haole malihini, akahi no a hookaakaa pono ia ae ko kakou mau maka, a ike aku me ka hoohewahewa ole, ua hoea mai i ka la e pau ai ko kakou hilinai ana no ka oihana makai e ku nei i keia wa.

O ke kolohe ke apuka ame ka epa o John D. Austin, a o kona ili ole paha i ka hewa ma kekahi ano, aole ia he ninau imua o kakou i keia \va; koe \vale no ka hoomaopopo ana iho, ina mea oiaio eku mai nei imua oko kakou alo: "Ua poha ke au ke pii nei ka lena."