Ka Nupepa Kuokoa, Volume LXII, Number 37, 13 September 1923 — KA POINO WELIWELI MA IAPANA. [ARTICLE]

KA POINO WELIWELI MA IAPANA.

O na hoike i loaa mai ia kakou o Hawaii nei, no na poino a ke ola'i, ke kaihoee, ame ka pauahi maloko o kekahi mau kulanakauhale o lapana, o kekahi ia o na nuhou ano nui loa iloko o keia mau la, e nele ole ai ke komo o na manao kaumaha me ke kahaha pu iloko o kakou, no kela poino. Mamuli nae o kela poino i holopapa ae maloko o lapana e hoalaia mai ai ka ninau iloko o kakou, pehea la i hoea mai ai ia poino ma kela aupuni? Aole elike ana na haina no keia ninau. elike me ka like.ole o ke ano o ke ola honua ana o na kanaka; aka nae, ma ka aoao o na kanaka Kristiano, na kanaka maka'u i ke Akua Nona ka lani me ka honua, aole lakou e hoohakalia ana. i ka pane ana ae, he hoopa'i kela mai ke Akua mai no ka hewa o na kanaka maloko o lapana. O ke ola'i. ka pele, ke kaimimiki, he mau meapaahana ia na ke Akua, a iloko o ia mau mea apau, i maopopo ai Kona mana. Ma ka moolelo o ka lahui o lapana, eia no ka hapanui o kela lahui kanaka iloko o na hana hoomanakii e ola nei i keia la, ke ike nei kakou ia hana iwaena o na Kepani ma Hawaii nei; o keia kekahi o na hewa ino loa imua o ke alo o ke Akua; no- j laila ia kakou e noonoo ae ai ma kekahi ano, aia no he mau kahua oiaio i ku ai keia manao, ua hoea mai kela poino, elike me na poino i ikeia iwaena o na lahui kanaka no lakou na moolelo i hoikeia maloko o ka Baibala. E lilo nae keia poino i kau aku maluna o na kanaka ma lapana, i mea a'o mai ia kakou ka poe e noho ana ma Hawaii nei, e lilo kakon i poe kui'o ma ko kakou hoomana ana i ke Akua. aole ma ka lehelehe wale no ke Akua. a maloko o ko kakou naau. ua piha i ka hoomanakii, ka puniwaiwai ame ka hewa. o hoea mai auanei ka manawa a Kona mau lima e haha mai ai. O ka pilikia ame ka poino i kau aku maluna o na haneri kaukani o na kamaaina o lapana, he mau mea hiki ole ia ia kakou ke nanamaka wale aku, aka e komo pu kakou iloko o na kaumaha ana, me na ohana o ka poe i halawai me na poino, aole me na manao hoino aku ia lakou; aka me na manao hoomaikai i ke Akua, no ka hopena i kau mai maluna o kela lahui kanaka, malia pela iho la e hoohuliia ai ka poe i pakele ko lakou mau ola, e lilo lakou i poe hoomana i ke Akua oiaio, a i mau meapaahana hoi, no ka hoopalahalaha ana aku i ka euanelio o ke ola. Ma ka po o ka Poaono, ka la 22 o keia mahina, ka manawa hoe loa e hookomo ae ai i na palapala noi holo moho, no na luna oihana o ke Kulanakauhale a Kalana o Honolulu nei; he nui ka poe i hoike akea ae I ko lakott mau manao, n ka lilo i mau moho no na kulana oihana like ole, aia nae a maopopo pono ae ka poe o lakou e hola i'o ana i mau moho, alaila ike aku kakou ike au nui ame ke au iki, O na hana no a na moho i lawelawe ai mamua ae, a o ko lakou mau ano kupono no apau, na maumi pahele haloka, e ohohlala aku ai lakou,