Ka Nupepa Kuokoa, Volume LXII, Number 37, 13 September 1923 — E HAAWI I NA KOKUA ANA. [ARTICLE]

E HAAWI I NA KOKUA ANA.

Iloko o keia mau la e nee nei, ua konoia mai kakou, e haawi aku i na kokua, elike me ka mea hiki, no ka poe i poino ma lapana. Nui a lehulehu na hana imi dala, e lawelaweia mai nei e kekahi poe no ka pono o na makaainana i poino o lapana, i hoopakeleia mai nae ko lakou mau ola mai ka make mai, au'a kakou i na kokua, ke hoea mai na noi dala imua o kakou, aka e haawi me ka minamina ole; ma ka houluulu ana i na mea liilii, e loaa auanei he huina dala mahuahua. Ua komo na aupuni like ole o ka honua nui, e kokua no kela poino, aole a kakou kanalua ana iho, me ke kuhikulii ana ae paha, o na Kepani wale no ma Hawaii nei, ame ka poe nui o ka lakou dala, ke kupono e haawi i na kokua, aole pela; no ka mea ina o kakou ka i halawai me na poino, o ke aupuni o lapana kekahi e haawi mai -ana i kana hiau kokua ana ia kakou, me ka hoopol.olei ole ia o kela mau kokua, i na Kepani wale no maanei nei. Aole no nae he hewa o ka makaala ana, oiai he poe kekahi e hele mai ana me kekahi manao imi pomaikai no lakou iho, ma ka hoolawe ana ae i na hoolilo, o kela mau wahi hoikeike, a a ke koena iho, ke hooliloia no ka poe i poino ma lapana; oiai nae o ka mea pololei loa, e holo aku na dala apau no ka waihona kokua o lapana, aole e law r eia ae he hookahi keneka, no na hoolilo o kekahi oe noi dala.