Ka Nupepa Kuokoa, Volume LXII, Number 38, 20 September 1923 — LOAA KA HANA NA 200,000 KANAKA. [ARTICLE]

LOAA KA HANA NA 200,000 KANAKA.

TOKIO, Sept. 16.—Ua hooholo lta Banako o lapana e hoaie aku i na hui panaiola i 50,000,000 yen no ka uku ana i na uku kaulele o na kaulele o na kaukani kanaka i make iloko o keia lukuia ana, o ia ka mea i hoikeia ae mahope o kekahi halawai o ka malamaia ana mawaena o ka Peresidena iehki o ka banako, ka peresidena Yano o ka Hui Panaiola First Life Insurance Company ame ke Kuhina waiwai Inouye. Ho kanakolu miliona yen ka huina kupono i hooholoia no ka uku ana aku i na iniaua a o ke koena iho e hooliloia aku ana no ke kokua ana aku i ka poe paa ukukaulele e ola ana. * Aneane e nele loa na kanaka hana oloko o na keena hana i ka hana eia nae, he 200,000 mau limahana i loaa koke ka lakou mau hana i nei manawa ma ke kukulu ana i na hale ame na alahaka. Ua hooholo ka aha kuhina e hoomama ae i ke dute maluna o na lako kukulu hale, ka laiki, ka palaoa ame ka io holoholona ame ia ahiki i leeia mahina ae o Maraki. Ua hooholo na kanikela lehulehu like ole ma ke kulanakauhale o Kobe ke 'alahele o na ekeleka e hoouna a e laweia mai ai ahiki i ke kukulu hou ia ana ae o ke kulanakauhale o lokohama.