Ka Nupepa Kuokoa, Volume LXII, Number 38, 20 September 1923 — Hooku'iia He Pilipino E Ke Kaa Oto a Make Paa Nae ke Kiakaa Otomobile i ka Hopuia No Kona Nieleia Aku NUI NA HOIKE I IKE I KELA ULIA POINO E Hoao Ana Oia e Kau i ke Kaa Uwila i ka wa i Hooku'i ai [ARTICLE]

Hooku'iia He Pilipino E Ke Kaa Oto a Make

Paa Nae ke Kiakaa Otomobile i ka Hopuia No Kona Nieleia Aku

NUI NA HOIKE I IKE I KELA ULIA POINO

E Hoao Ana Oia e Kau i ke Kaa Uwila i ka wa i Hooku'i ai

Oiai e makaukau ana e kau aku iluna o ke kaa uwila o ke alanui Moi, ma ke kihi o na alanui Moi me ke alanui Kawaiahao, i hooku'iia mai ai he Pilipino i maopopo ole kona inoa, e ke kaa otomobile, e hookeleia ana e Manuel Gouvea, me ka nui o na poino i loaa iaia, ma ka hora umi o ka po Poalua nei. a maloko o ka Halema'i Moiwahine, i make loa ai oia. Ma ka manawa o ka hooku'iia ana aku o ka Pilipino e ke kaa otomobile, ua hina oia iluna o ke alanui a naha kona poo, me ka nui o na palapu e ae i loaa ma kona kino. Ua hoihoiia mai n%e oia me ka awiwi e Manuel Gouvea no ka hahema'i o na poino ulia, a mailaila aku no ka Halema'i Moiwahine, me ka make koke ana o kela Pilipino mahope iho o ka lioea ana no ka Halema'i Moiwahine. I kulike ai me ka hoike a ka Makai Lii, elike mo na mea i hoikeia aku iaia, e makaukau aku ana ka Pilipino e kau iluna o ke kaa uwila e hookeleia ana e J. K. Kaakua; ua paa aku kekahi lima i ka pou o ke kaa, o kona manawa ia i hooku'iia aku ai e ka otomobile, me ka hiki ole ke hoopaa koko ia ka holo o ke kaa otomobile, ahiki i kn piha ana o na kapuai he hookahi haneri. Ma ka hoakaka hoi a Manuel Gouvea, aole kela Pilipino o ka hooku'iia ana aku e kona kaa, e nia kaukau ana e. pii noluna q ke kaa uwila, aka ua oilo ae oia mai kalii pouliuli ae, mamua pono o kona kaa pela i hooku'i aku ai. "Wahi ana, mamua ka kona kaa otomobile, o ke kaa uwila, a o kahi o ka hooku'i ana me ka Pilipino, iwaena o ke kuea, aole ma ke kihi o na alanui. Ua paa o Manuel Gouvct, a ua hoopaa pu ia hoi ka inoa o na ohun e kau ana maluna o ke kaa uwila, no ka lakou waiho ae i ka lakou mau mea i ike ai, e pili ana i kela ulia poino.