Ka Nupepa Kuokoa, Volume LXII, Number 38, 20 September 1923 — E NOONOO A KOHO MA KE KUPONO. [ARTICLE]

E NOONOO A KOHO MA KE KUPONO.

Ma ka hora umi-kumamalua o ka po o keia Poaono iho, e paa ai ka puka, no ka waiho ana ae i na palapala noi holo moho, no na kulana kohoia o ko kakou mau kalana lehulehu, a mahope mai o kela manawa, e maopopo ai ia kakou, na moho e alualu ana no na kulana like ole. Iloko o keia. pule ae, e hoomaka aku ai na moho o na aoao lealaiaina kuloko o kakou e hooikaika baloka, me ka hoea ana aku imua o na mana koho, a noi aku ia lakou e haawi mai i ko lakou hilinai, ma ke koho ana mai ia lakou i mau luna oihana no na kulana a lakou e alualu aku ana. Oiai nae, ua lilo na koho baloka aku nei o na makahiki i hala, 1 mau kau a kakou i hoohana aku ai i ko kakou pono koho ba!oka, elike me ia a kakou i ike ai he pono; aole nae kakou e hoohewahewa ana no ke kuhihewa o kela mau koho ana ma kekahi ano, a e lilo ia kuhihewa, i haawina a'o maikai loa no kakou, ma keia kau koho wae moho, no ka noonoo ana me ke akahele ,a koho ma na moho, i hoomaopopoia ko lakou mau ano kupono maoli. Ua punihei wale aku kekahi mahele nui o na mana koho baloka o ke Kulanakauhale a Kalana o Honolulu nei, ma ke koho ana i kekahi a puka, no ko kakou ahaolelo aku la i hala, me ka hilinai aku, i ko lakou kupono, ma o na oleloa ko f lakou mau waha, o k amea apiki nae, i ko lakou komo ane. iloko o ka ahaolelo, ua hana aku la lakou i na hooponopono ahaolelo, i ku-e i ka manao ame ka makemake o ka poe na lakou i haawi aku i kela hanohano, a ua hoomaopopo pu ia ko lakou kupono ole e lilo i mau kauwa na ka lehulehu.