Ka Nupepa Kuokoa, Volume LXII, Number 38, 20 September 1923 — Powaia Ae He Kepani Kiakaa E Slua Haole Nokeia Oia i ka Pepehi me ka Laweia o Kana Mau Dala me Kona Kaa Oto NA KEKAHI KAA OKOA I HOIHOI MAI IAIA Pomaikai Nae Oia Aole i Pepehiia a Make e na Haole Powa Elua [ARTICLE]

Powaia Ae He Kepani Kiakaa E Slua Haole

Nokeia Oia i ka Pepehi me ka Laweia o Kana Mau Dala me Kona Kaa Oto

NA KEKAHI KAA OKOA I HOIHOI MAI IAIA

Pomaikai Nae Oia Aole i Pepehiia a Make e na Haole Powa Elua

Mahope koke iho o ka hora umikumamalua, o ka po o ka Poakolu aku nei o ka pule i hala, i powaia ae ai he Kepani kiakaa otomobile, nona ka inoa o H. Sumida ma ke alanui o Leilehua, me kona noke ia ana i ka pepehi, a leiolaia iloko o ka auwai, me ke kailiia ana o kona kaa otomobile e na kanaka po'wa. Ma ka moolelo e pili ana i ka powaia ana o kela Kepani, i kulike ai me na mea i hoakakaia ae e na makai; oiai o Sumida maluna o kona kaa otomobile, ma kahi hoolimalima 0 na kaa, ma ka Royal Auto Stand, ua hoea aku la he elua mau haole mahope iho o ka hora umi-kumama-kahi o kela po, a hoolimalima aku da i kona kaa, me ka olelo ana i kela Kepani, e lawe ia laua no Aiea. Me ka manao hoohuoi ole iloko o kela Kepani, he poino kekahi e kau mai ana maluna ona ua ae aku la oia 1 ke noi a kela mau haole, me ke kau ana ae he hookahi o kana mau ohua mamua me ia, a he hookahi mahope. He rfiaikai wale no kela holo ana o kona kaa mai Honolulu aku nei, aka i ka hookokoke ana aku o ke kaa no Aiea, ia wa i hahauia mai ai o Sumida me kekahi mea oole'a ma kona poo, e ka haole e noho ana mahope o ke kaa, a ia wa i lele koke mai ai ka haole ma ka noho mamua, e hopu iaia, me ka huli ana ialoko o kona mau pakeke. Iloko ka o keia manawa e huliia nei o kona niau pakeke, ua hoomau mai la no ka lua o na haole i ka hahau iaia, me kona kiola okoa ia ana aku, a waiho ana iloko o ka auwai. Aole no he nui o na dala a Sumda me la ma kela po, he ekolu dala wale no me ekolu-hapaha, o kana mau dala ia i lilo i na kanaka powa. Mahope o ke kiola ana aku ia Sumida noloko o ka auwai, ua hoohuli mai la na kanaka powa i ke kaa otomobile no Honolulu nei, a huli hoi mai la, me ka noho mana ana maluna o ke kaa otomobile o Sumida. O kahi nae o ka laki, ua loaa mai la kela Kepani i kekahi kaa, e,huli hoi mai ana no Honolulu nei, a maluna o kela kaa i hoihoiia mai ai oia no ka halema'i o na poino ulia; ma ka hora ekahi oia o kela po i hoea ae ai no ka halema'i, a mahope o ka lawelaweia ana aku o kekahi mau lapaau ana no na palapu i loaa iaia, ua hoihoi loa ia aku oia noloko o ka Halema'i Moiwahine. • y ■ ■