Ka Nupepa Kuokoa, Volume LXII, Number 38, 20 September 1923 — HOLO MAHUKA ELIMA MAU PAAHAO. [ARTICLE]

HOLO MAHUKA ELIMA MAU PAAHAO.

Hoko o ka nanea o na makai na lakou e kiai ana i ka halepaahao o ke kalana, i holo mahuka aku ai he elima mau paahao, ma ka auwina a o ka Poaha o ka pule aku la i hala, ma ko lakou pinana ana iluna o kaupoku o ka halo waiho ukana, a lele aku la mawaho o ka pa o ka halepaahao o ka holo mahuka ana, oia o Robert Pachiban, Kanzi Uehi, Frank Louis, John Sadness ame Jame& he poe paahao no lakou na hihia i hoolohe ole ia imua 0 ka aha hookolokolo. Maloko na paahao o ka pa kahi 1 hoohala ai i ko lakou manawa, ma ka auwina la o kela Poaha, o na paahao nae o ka holo mahuka ana, maloko lakou o ka hale auhau kahi i holoi ai, a oiai ua hoopunii'a ka pa, me na mea e hiki ole ai i kekahi paahao ke pinana a hemo mawaho, me ka maalahi loa, aole i ala ae he mau manao hoohuoi, aia no he mau alahele maalahi e ae e hiki ai ke holo mahuka. Ua pili loa ka hale auau i ka pa, a oiai ua meha ke kula aohe lele pueo, he hana maalahi loa ka pinana ana ahiki i ke kau ana iluna o kaupoku, alaila kokua mai kekahi paahao i kekahi, ahiki i ko lakou pau loa ana, i ka hemo iwaho o ka halepaahao me ka maalah.