Ka Nupepa Kuokoa, Volume LXII, Number 39, 27 September 1923 — O SMOOT KA I HOOKOHUIA MAI I AKUKANA KENERALA NO KA PUALI KIAI LAHUI [ARTICLE]

O SMOOT KA I HOOKOHUIA MAI I AKUKANA KENERALA NO KA PUALI KIAI LAHUI

0 Perey M. Smoot ka Peresidena Coolidge o ka hookohu ana mai nei i Akukana-Kenerala no ka Pualikoa Kiai Lahui o Hawaii, me ke kulana Konela, e like me ka lono i loaa ae i ke Kenerala C. P. Summerall, ke aliikoa kiekie nana e hoomalu mai nei ka oihana koa ma Hawaii nei, a i kulike me ia mea hou ana o ka hoike ana ae ma ka Poaha ka o ka pule i hala aku la ka hookohuia ana mai o Smoot. Ua noho hana mua o Smoot me ka pualikoa Kiai Lahui a iloko o ka manawa Amerika i komo aku ai i ke kaua nui o ke ao ma Europe ua komo aku oia i ke kaua, a i ka pau ana o ke kaua ua komo aku oia a hana me kekahi o na hui mahiko no kekahi manawa. Ua hanauia oia maloko o ka Apana o Columebia, Wakinekona, i ka la 22 o Aperila, 1882, ua hele i ke kula malaila a mahope iho i ke Kula nui o Columebia, a no na makahiki he 20 kona noho ana maloko o Wakinekona a mare wahine maloko olaila i ka 1905, a mailoko mai o laua he eha mau keiki, eia lakou a pau maloko nei o Honolulu.

Ua hoea mai oia i Honolulu nei me kona ohana i ka mahina o Novemaba o ka 1912, a me ka hui kaa otomobile o Schuman kona wahi i noho hana mua ai no aneane ekolu makahiki, a i ka haalele ana ia hui ua komo aku oia i kekahi hni i kapaia ma ka inoa o Smoot & Steinhauser, Ltd., ka hui e ikeia nei i nei manawa ma ka inoa Pond Coni' pany, nona ka halehana kaa e ku nei nia ke kihi o na alanui Ber\tania ame Alapai, a i ka manawa i komo aku ai o Amenka iloko o ke kaua nui o v ke ao ua apono oia i kona hookohuia ana mai ma ke ano he kapena no ka pualikoa helewawae, mai ka mahina mai o Aperila 28, 1917, kona paa arla ia kulana ahiki i ka mahina o Okatoba la 30 o ka 1920. Mahope o kona hookuuia ana mai ka oihana koa mai me ka maikai ua lilo oia he akena no kekahi hui no aneane hookahi makahiki, a ma ke koena mai o ia manawa ua noho hana aku oia maloko o lee keenahana enekinia ma kahi e kuaiia aku ai na mea hao me ka Hui hana hao Catton, Neill & Co., Ltd., a pela hoi me ka Hui o Lui me Kuke, ma Honolulu nei. He lehulehu na wahi e ae ana i noho hana aku ai, he mau makahiki me lea oihana kaua moana, a mamua o kona hoio ana mai no Honolulu nei ua waiho aku oia ia mau hana e ae apau. I kona hoea ana mai i lionolulu nei ua komo ae oia he lala no ka pualikoa Kiai Lahui Hawaii, elua la mahope iho o kona lilo ana he lala no ia puali ua hookiekieia ae oia ma ke~ kulana kapena, a ekolu la mahope iho ua hookiekieia ae ma ke kulana lutanela ekahi. Ma ka mahina o Dekemaba 0 ka 1915 ua haalelo oia i ka oihana koa a holo aku no Amerika no kekahi manawa loihi no kekahi liana. 1 ka hoi hou ana mai i Honolulu nei a i ka mahina o lanuari o ka 1917, ua loaa iaia ke kulana kapena ma ka manawa o ka hoikeike ana o na aliikoa ma Kahauiki.