Ka Nupepa Kuokoa, Volume LXII, Number 39, 27 September 1923 — MAMULI O KA MOKU PAHI I HOUIA AI E MAKE AKU ANA PAHA AUANEI [ARTICLE]

MAMULI O KA MOKU PAHI I HOUIA AI E MAKE AKU ANA PAHA AUANEI

M<a ka hora 11 o ka po Sabati nei no kekahi kumu i maopopo ole ua ala ae la he hakaka mawaena o M. Tanaka, ka ona nona ka hale inuwai momona e ku nei ma ka alanui Beritania ame K. Hirata, o ka hopena o ia hakaka ana ua houia 0 M. Tanaka me ka pa'ni, a ma ka oleloia he uku ko Tanaka palekana mai kela poino mai. Ma kahi o ka eono iniha ka hohonu o ka maka pahi i houia ai a komo i ke akemama o Tanaka, he eha i manaoia he uku kona pakele mai ia eha mai. Ua laweia ae oia i ka halema'i o na poino ulia a malaila i haawiia aku ai iaia ke kokua mua, a mahope iho i hoihoiia ae ai 1 ka halema'i Moiwahine. Ma kekahi o na hora o ka wanaao Poakahi nei i loaa ae ai ka lono no ke koikoi loa o ka pilikia o ka mea i houia me ka pahir

Ma ka hoakaka a Kodani, t ke Kepani i ikemaka i kela hakaka ana o Tanaka me Hirata, me ka ona o Hirata i komo aku ai i ka halekuai o Tanaka a me kona hoonauluulu ole ia mai ua hooheu aku la ka i ka hakaka, me he mea la ua hoomauhala mua paha o Hirata ia Tanaka. Ua kipakuia mai o Hirata e hele a no ka hoopaakiki loa o Hirata us hele okoa mai la o Tanaka e lawelawelima me ia me ke kulai ana i ua o Hinata ona e hookaawale-iaia mailoko mai o ia hal«.

I ka hiki ana mai o na Kepani hakaka elua maluna o ke alanui kauaoao malaila laua i aumeume ai no kekahi manawa a ma ia manawa i houia aku ai o Tanaka me ka pahi ma ke kua a komo loa ka oi o ka pahi a lona ke aiemama. Ia manawa i lele mai ai o Kodani e aumeume me Hirata ahiki i ka lilo ana aku o ka pahi ia Kodani, a paaia o Hirata malaila ahiki i ka hoea ana aku o ke kanaka o ke aupuni a laweia mai ka mea houpahi i ka

halewai, a ke paaia mai nei o Hirata maloko o ka halewai me ke kakali aku no ko Tanaka hopena. He lili punalua paha, ke hoohanaia la ka pahi i ka wa ona.