Ka Nupepa Kuokoa, Volume LXII, Number 39, 27 September 1923 — HOOLOLI O CRABBE I KONA MANAO HOLO NO KE KULANA MEIA [ARTICLE]

HOOLOLI O CRABBE I KONA MANAO HOLO NO KE KULANA MEIA

He mau pule lehulehu i hala aku ua hoolaha ae o Clarence L. Crabbe i kona manao e holo ana oia no ke kulana Meia a ma ka pule i hala aku la kona hoike hou ana ae no kona hoololi ana i kona manao e holo ana oia no ke kulana lunakiai, a ua noi ae oia i ka Advertiser e hoikeia ae ia hoololi ana ona. Ua h'oakaka ae oia i kana mau kumu o ka hoololi ana maliope o kona noonoo ana me ke akahele, o kekahi o ia mau kumu, ma kona manao, he oi aku kana mea e hana ai no ke kulanakauhale ame kalana a pela hoi me ka pono o na makaainana ma o kona lilo ana he hoa no ka papa lunakiai mamua o kona lilo ana he Meia, no ka papa lunakiai he mana hoomalu kona maluna o ua hana apau o ke aupuni kulanakauhale ame kalana, a oia ke knlana kupona iaia .i kona manao. Ma ka hapa hope o ko Mt. Crabbe manao ua noi mai oia i na kakoo ana a na mana koho nona ma ka la koho baloka e hiki mai ana na kokoo i haawiia aku ai iaia ma ka manawa i noiia aku ai oia e hoio no ke kulana meia.