Ka Nupepa Kuokoa, Volume LXII, Number 39, 27 September 1923 — MALUNA O KAKOU KE KO'IKO'I O KA WAE ANA. [ARTICLE]

MALUNA O KAKOU KE KO'IKO'I O KA WAE ANA.

Ma ka moolelo o na koho baloka i malamaia ma na kalana lehulehu o kakou, aole paha he kau koho baloka wae moho, i ikeia ai ka nui o na moho e holo nei no na kulana oihana kalana lehulehu elike me keia; he hoike maopopo loa keia, no ke ake ana o kekahi poe, e loaa ka hanohano o ka paa ana i kekahi mau kulana oihana ia lakou. Aole nae no ka lianohano wale no o ka oihana, ke kumu i i nui ai na moho e holo nei, no na kulana lehulehu, aka mamuli i mai kekahi o ke kupono ole ame ka pololei ole o ka lawelaweia | ana o na hana o kekahi mau keena. O ka mea hookaha'na i ko kakou manao ma keia kau koho e hoea mai ana, o ia no ka nui o na Repubalika e aumeume ana i na kulana oihana mawaena o lakou iho, a hapa hoi na Demokaratā; o ke kumu hapa no nae o na Demokarata, no ka loaa ole no o ka poe kupono iloko o kela aoao-kalaiaina o kakou, a ma keknhi mau wahi, ua nele maoli no i na Demokarata. Xo ke Kulanakauhale a Kalana o Honolulu nei, o ke kulana makai nui, kekahi o na kulana nui o na nioho e holo nei, he eha Demokarata a he elima Repubalika, he mea keia i ike ole ia ma na kau koho haloka ae nei i hala; mamuli mai keia 0 na hoailona maopopo loa, no ke kupono ole o ka hoohanaia ana o ka oihana makai. Oiai nae ma ka hoomaopopo a keia pepa, ua oni mai ka noonoo o ka hapanui o na mana koho o keia kulanakuuhale, e hoololi i ke poo o ka oihana makai ma keia kau koho; i ka nana aku, he hana kuhihewa Joa, ka holo ana a nui na moho no keia kulana; no ka mea mamuli o ka lehulehu loa o keia mau moho, e kauliilii ana ka ikaika i manaoia no kekahi kanaka kupono, o ka lanakila no ia o ka mea i akeia aku ai e haule. Oiai nae, ua haawi' ke kanawai i ke kuleana i kela ame keia mea e holo moho, aole e hiki ia kakou ke hoahewa wale aku maliina o kekahi mea, koe wale no ko kakou hoao ana elike me ka hiki, e hoihoi i ka ikaika, maluna o kekahi moho, e loaa ai iaia ka waeia, a e haule ai hoi ka mea e paa nei i ke poo o ka [oihana makai. _ , līe nui na moho e'holo nei no na kulana oihana e ae, mai ka poe hiki ke hoomaopopoia aku no ko laleou mau ano kupono, ame ka poe kupono o'le, nolaila maluna iho na mana koho baloka, ke ko'iko'i o ke koho ana i ka poe a kakou e ma--1 naoio aku ai, ma o lakou la e oili mai ai ke kaulike o ka lawelaweia o na hana o ka lehulehu, e kaoaeia ae ai ka ninau kalaiaina mahope, a o ko ka lehulehu pono mamua.