Ka Nupepa Kuokoa, Volume LXII, Number 40, 4 October 1923 — Page 6

Ka Nupepa Kuokoa

KE KILOHANA POOKELA NO KA LAHUI HAWAII.

 

Hoolana Holo Moho

 

O. T. SHIPMAN

 

(ALE KIPIMANA)

 

E holo Moho ana o O. T. SHIPMAN (Ale Kipimana) ma e kulana PUUKU no ke Kalana o Hawaii ma ka aoao Demokalaka.  Ke  noi aku nei i kona mau Hoaloha lehulehu e haawi mai i ka lakou mau kakoo ana, no ka "palekana o ka waihona o ke Kalana o Hawaii."  Mai poina i ke "Keiki Manu Lele o ka Niu Pa'ipa'i."

 

Uniform Vaporization.  Complete Combustion

            I kou kuai ana i Gasoline, e kuai ana oe i mana ikaika.  O ka nui o ka mana ikaika e loaa ana ia oe no ke kalani aila, ua kauka'i aku ia.  o ka mua maluna o ka heluna wela iloko olaila, a o ka lua, o ia ka hoololi holookoa ia ana o keia wela i mana.

            E hoike mai ana na enekinia otomobile ia oe, o ka aila kaa kupono loa.  o ia ka aila kiekie loa o ka wela, e hoomahu ai me ka hikiwawe ame ke kaulike maloko o ka ipuea.  a i hoopau holookoa ia maloko o na ku-e o ka enekini.

            Ua hooko ke Gasoline Red Crown i keia hoakaka o ke ano - 100%.

            He hikiwawe kana hoomahu ana me ke kaulike - o kona ano he eleu ka hoomaka ana me ka palanehe.  Ua hoopau holookoa ia ia iloko o na ipu-ea - o kona ano he mana ikaika oi ae me ke emi o ka lillo.

            Hoopiha ma ka Hoailona Red Crown - ma na Wahi Hoopiha Aila, na halekaa ame ka poe kuai aila e ae.

The Gasoline of Quality

Standard Oil Company (California)

100% power  RED CROWN GASOLINE

 

O ka MAKAUKAU a i ole o ka HEMAHEMA anei?  O Keaha KAU E koho ai no ka Lawelaweia o na Hana o ke Kulanakauhale a Kalana?

CHARLES N. ARNOLD

Ke noi aku nei i kou baloka maluna o kona moolelo o ka

makaukau:  Umi-kumamakahi makahiki neepapa i noho

ai he hoa no ka Papa o na Lunakiai.

 

O KA BALOKA NO ARNOLD

(Kale Anola)

He baloka ia no ka hoopoonopono aupuni kulanakauhale maemae, makaukau, holomua ame hoomakaulii.

 

IKE MAKA IA MAUI HIKINA

 

            E Mr.  Lunahooponopono, o ke Kuokoa, ka ipukukui nana e hoomalamalama nei i na kaiaulu aloha o ka aina, aloha pumehana kaua: E oluolu mai oe e hookau iho i ka'u wahi puolo, ma ka rumi kapena helu 440 Kanaukilo (Kuokoa) i ike mai ai na kini hoaloha a Maui Hikina, pela hoi na poe heluhelu meahou o ke Kuokoa ina pana o Kawaikau o Keanae.

 

            Haalele ke kamahele i ke kulanakauhale o ke taona nei ma ka la 9 o Augate, ma ka Mauna Kea.  O ka nome o ka oni a ka huila o ka Maunakea, kapalulu ana i ke awa o ke kai holuholu o Kahului.  Lele aku la iuka kau ma ke kaa no ke ahi o Wailuku.  Hiki aku la i ka home o kamaaina makaukau na mea apau, no ka hoopiha ana i ka lua o ka inaina.  Ia pau ana ka hou ma ke kaa no ka uwapo o Kahului.  Kau hou ma ka Mauna Kea no Hana ka pahuhopu.  Ke pii nei ka moku no Hana, ke hoonuu nei ke kamahele i ka nanaina o ka aina mai Kahului, Puunene, Paia, a pela aku.  He nani wale no ia mai o a o.  He halakahiki wale no ka ka maka e ike la.  Hala mai hoi ia nani mahope, ke ike nei ke kamahele i na pali Koolau, o Maui.  He nani okoa no hoika waiho ana o ka aina.  E kahe ana ka wai, mai ke kuahiwi mai a lele loa i ka pali kahakai.  Nui ka nani ke ike aku.  Ku ka moku i ke awa o Pueo kahi, hoi i kaulana i ke au kahiko.  Ka puu o Kauiki ukeke ka puka o ka hale ukaka.  Nani no hoi ka waiho ana o keia aina.  Nona keia hooheno anao

            Noenoe Uakea o Hana,

            Hoapili o ka malualua,

            Elua maua i ka piko,

            I kolu i ke ala lipoa.

            Lele i ka uwapo loaa ke kamaaina John Halemano, kau ma ke kaa no Kopiliula ka pahu hopu.  Ike ia nani o keia mau kuaaina ahiki i Nahiku i ka ulu a ka rubber. Ia hiki ana aku e kali mai ana kamaaina William Roback me na ho'oholona.  Ka hoki ka pinakea ame @ lio (horse).  Ma keia wahi i hoakaka liilii ai ka meakakau i kon@moolele.  O ia hoi keai:  Aole i kau wahi miula mamua, aole no i ka lio, he oki loa no.  O ka maka'u o ke ku ana, ina e haawipio ana aole ana e ike i ka nani o ka Wai kau o Keanae.

            Nolaila haalele ka maka'u kau ma ka miula puliki a paa ka makuu ona keia wahi hooheno ana.

            Kulanalana ka makuu,

            I ka noho Italia,

            Hei oe i ka'u kipuka,

            I ke kaula ili pa-ha.

            Ma keia ala auwai, he nui ka @a paa pu ke kuahiwi i ka noe @ahe ka wai o ke kahawai, kuulu@ ke kamahele.  Ike maka nae i @ nani o ka aina.  Iloko wale n@ ka ua ahiki no hoi i ka hom@ kamaaina Mr. ame Mrs. George @. Akiu.  Hui iho la me ka hauo@a pahu eo o ka huakai.  Ua makaukau na mea apau oiai e noho alii ana o Hanale Foda, kela haole onamiliona.  Ia ike ana ia Keoni Bull kela pip ahiu, mama na wawae o ka haole i ka holo.  Na ono i hoomakaukau ia.  Poi uouo kaohi puu, ka moa lawalu, opihi koele, limu pahee, na i'o wana momona, na oopu ai lehua, lawalu, na hihiwai koala, a he nui wale aku na ono e hiki ole ai ke helu papa ia.  Ua ai a haalele ina ono i pahola ia mai.

            Hooluolu ia po, a no nana aku la mao a maanei he nani maoli no ka waiho ana o ka aina.  He uliuli mai o a o o ka aina.  Ahuwale ke kuahiwi nani o Maui.  Haleakala ame Lauulu.  Hele makaikai aku la mao a maanei o ka aina me ka hoonuu puu i ka ono a ka maka.  Ike i'o i ka Waikau o Keanae, auau ia wai huihui, luu i ka wai o Laalaau, Kukuipuka Waialohe.  Eia iloko o keia muliwai ke kauila aka (Hekili) ke lii o Maui, kupanaha no.  Hele makaikai ia Wailuanui.  Kau ma ko kaa o ka hui Poi o Keanae, e kalaiwa ia ana e William Isaaka, hiki i Waianuhea, i ka home oia mau kamaaina, Mr. ame Mrs. Hueu, pa kahea e hookomo ai, mahalo aku la, i ka lokomaikai o balala ma a hoi mai oiai ma Mailua ka pahu hopu i makemake ia.  Nolaila hoomau no ka holo ana o ke kaa a ku n.a o aku o Waianu.  O Ohia ka inoa o keia awawa, eia ianei ka wai a kela mau kupua i kaulana.  O Kane ame Kanaloa.  Eia kahi moolelo liilii i loaa i kou kamahele, oiai keia mau kapua e kaahele ana ahiki i keia wahi, ua hoaumoe laua me ke kamaaina olaila, mama ka awa a ku i kanoa, nele i ka wai, ninau aku nei keia mau malihini i kamaaina i wai, oiai he wai no aole nae he wai maemae, nolaila hele aku nei keia mau kupua a kumu pali mo ka laua mau ihe pakahi a hou no hoi o Kane i kana ihe a huki, kahe ka wai pela no hoi o Kanaloa.  Eia ka mea apiki o ka Kane wai halulu ke kahe mai o Kanaloa wai hoi he nehe.  Ua olelo ia no ka huhu no o Kane pela no kana wai i halulu ai.  O Kanaloa hoi no kona oluolu no pela no i nahenahe ai kana wai.  Keia kekahi o ka wai ono loa, o ia no oe o ka wai hau ka huihui.  Nui ka wai o keia mau lua.  Nana e hoolawa na kaupapa-loi o ia owawa.

            Hoomau aku la no ka nee ana imua no Wailua.  Hiki i kahi o kamaaina, Mr. & Mrs. Ben Kaauamo, ua makaukau na mea apau, nui no na ono i paholo ia mai, oia hoi ka poi uouo o Wailuanui e pipili ai ko puu ke moni, ka puaa kalua kele na poke hee limu pahee, na poke oio, kukui inamona, opihi, opae, a he nui loa aku no koe i hoomaopopo ole ia.  Hui pu iho me kahi wai kaulana o Waikani, kohakoha hoi kau i ka puu, ua ai a lawa, ua inu a kena, i ka lokomaikai o ko Keanae poe, a hoonanea liilii kani na kaula o uwe hone, honehone malie i ke alo pilo.  Lawe o Pilahi i kana.  Nui ka hauoli.  Hookuu na hana ua ahiahi ke kani mai nei leo o ka manu.  Huli hoi no ka home ma ka ehu kai o Kawee.  Hiki i Waianuhea i ke kula o Pahoa, pa kahea, mai e ai.  Oiai ka maona e kau ana no i ka houpo, hooko aku la i ke kono aia mau puuwai hamama Mr. ame Mrs. J. K. Hueu, ua hele ka pakaukau a ohuohu Halemano i ka ua nui  Ma keia pakaukau he mea ai (pake) o @ hoi (Chop Sui), nui ka ono, @ hoonuu aku a puu-a kau a mea @ ka maona loa.  Haawi ke aloha Good Night no ka Waikau ka pahu hope.  Ma na mea ano nui au ke olelo ae o Maui no ka oi.  Pololei @o no.  He nui na mea maikai ame @a paina hoolaulea i pahola ia mai @ na kamaaina o ka aina, mai ia Mr. ame Mr.s @nkett kekahi paina @ui, i hiki aku ka nui o ka poe i konoia ma kahi o ka haneri a oi aku, a emi mai, o-i ai aku i ka puaa a liliha, opihi, ka opae, ka oopu, ka hihiwai ame na mea he nui wale aku.  He nui no na pana i hele ole ia e kou meakakau nei, mamuli no ia o ka pokole o ka manawa.  O ia hoi ka lele ana o Kap@a Wailuaiki, ka eku ana a Kamapuaa ia Pali Pilo, ke keiki Nanahoa i ka nuku o ka makani i Mokuma na.  Ke kanoa awa a Kane i Waikani.  A he nui wale aku na wahi i hele ole ia.  Aka na keia nee ana aku e hoike mai.  Kau i ka moku ma ka la 8 o keia mahina no Honolulu ka pahu eo, me na mea maikai, he nui loa mai ia oukou mai, na kupa o ka aina.  Ke haaw@aku nei au i ka'u mau hoomaikai palena ole ia oukou apau.  Mai ka wai o Oopuola ahiki aku i Waikani, huli aku ia Kahookuli, Pinaau, Kawaikau no hoi o Keanae.  E oluolu oukou apau e lawe aku i ka'u hoomaikai palena ole, a.hoopaa aku ma ko oukou mau puuwai pakahi a na ka haku Iesu e ninini mai i n pomaikai he nui, a e hoopiha mai i ko oukou mau waihona, piha a hu mawaho.  Na ke Akua e kiai mai ia kakou a hohui hou iloko o Kona aloha.

            Me ke aloha,

            MRS. ANNIE KALAU,

            1236B Pua Lane, Honolulu, Sept. 14, 1923.

 

HOINOIA NA HAWAII E. M. C. PACHECO.

 

            Iloko o kekahi manawa ae nei i hala, mamuli o ke kono a Kiaaina W. R. Farrington, i na ahahui like ole o keia kulanakauhale, e haawi mai i ka lakou mau hooia ana, a ku-e ana paha, no kekahi kanaka ana i manao ai, ua kupono no ke keena o ka Buro o na Malihini Makaikai, a iwaena o na ahahui i uiia mai e ke kiaaina, o ka Hawaiian Civic Club kekahi, ua noonoo iho la kela kalapu i ka mea pono, elike me ke kono a ke kiaaina, a waiho aku la i ka lakou pane imua o ka papa o na lunakiai, ma ke ano o kela papa ke kuleana e hookaawale ae ai i ka haawina dala no keia buro.

            Ma ka noho ana o ka halawai ka papa o na lunakiai, ua ninau ao la kekahi hoa o ka papa, ina paha he mea kekahi a ka Hawaiian Civic Club i noonoo ai maluna o ka inoa o ke kanaka a ke kiaaina i makemake ai e hookohu no ka buro @ na malihini, a ia manawa i pane mai ai ka Lunakiai Pacheco, me na olelo ikaika:

            "Owai ia mea he Hawaiian Civic Club!  Ina kakou e kauka'i ana i kekahi ahahui o keia ano, alaila ua like no ia me ko kakou kauka'i ana aku i na hooia ana mai a ka po kuai waiona, ame ka ahahui o na kanaka paliki kamaa."

            He mau olelo kipehi maoli keia ia kakou na kanaka Hawaii.  O kekahi hoa o ka papa o na lunakiai i aa e hoopuka mai i na olelo hoohaahaa o keia ano, a i manao e hele ak@ imua o oukou  e na Hawaii, a no aku i ko oukou mau baloka, no k@ koho hou ana mai iaia, aole a oukou pane oi aku o ke kupono e haawi mai ai, o ka hoihoi wale aku no iaia ma ka puka a Kaniho.

            Me ka mahalo,

LALA O KA HAWAIIAN CIVIC CLUB.

 

            AHAHUI KULA SABATI A ME

HOOIKAIKA KRISTIANO O

KA MOKUPUNI O KAUAI

 

            E noho mai ana na ahahui i ole loia ma ka luakini o Waioli, Hanalei, Oct. 20, 22, 1923, hora 1:30 pm., Poaono me Poakahi.

            E. hoomanao mai i keia; e hoomakaukau na kahu Kula Sabati i elua kope o na hoike papahelu; a pela pu me na Peresidena o na C. E. makua, na alakai o na C. E. Kuwaena me Pokii, e hoomanao pu e na elele o na Kula Sabati me na C. E., e hoomakaukau i elua hoike elele, e haawiia aku i ke kaukauleta o ka Aha Mokupuni J. Mahia Kaneakua, i hookahi kope a kela me keia kahu Kula Sabati, na Peresidena me na Alakai o na C. E., a pela pu me na hoike elele, e loaa koke aku i ke kakauleta, elua pule mamua ae o ka noho ana mai o ka Aha Mokupuni, no na hoike i koe iho i @ kahu Kula Sabati, na Peresiden me na Alakai o na C. E., a me na elele, e heluheluia i ka wa e noho mai ai ia mau aha.

            E hoomanao pu mai, "Aohe u' hele wale o Kohala," a o ia keia, aohe kahu Kula Sabati, Peresiden alakai, a me elele, e hele wale ma aka, e hele pu mai me ka malam ola o na aha a me ka waihona na aha elua.

            E hoomanao pu na Kula Sabati me na C. E. malalo o keia mau aha e malamaia ana ka hoike hui o n Kula Sabati ma ka la 21 ma ka@ i oleloia, hora 10:30 a.m., a o k rally a na C. E., ma na hora o ka auwina la o ia la hookahi no.

ABBIE KAAUWAI,

            Kakauolele o na Aahahui Elua.

 

NA HUNAHUNA MEAHOU O KA

OIHANA MAKAI.

            O na hihia o ka poe piliwaiwai he umi-kumamalima i hopuia ai ma ke kakahiaka Sabati ma ka lua pohaku o Kamoiliili ua hoopaneeia mai e ka aha homalu ka hoolohe ana a ka la 19 o keia mahina.

 

            No ka hoeha me ka mea eha ku i ka make i hopuia ae ai o Schouls ame R. H. Boyd ma ka po Poakahi nei a hoopiiia ae no ia hewa.  Ma ka hoakaka a ka Makai Boyd, ma ke alanui Alakea kahi o ka hooulu ana o nei mau kanaka i kekahi hakaka, he hakaka i komo pu mai ai kekahi mau koa a hookahi ka @ele ana o na puupuu.

 

            No ka pepehiia ana o Wo Quong, he kuene no ka Haleaina Park i paa ae ai o John Grant ame V. Dow i ka hopuia ma ka po Poakahi nei a hoopiiia ae no ia hewa.  Lewa ka papa auwae o ka Pake, a no ia eha i hoihioia ae ai i ka Halema'i Moiwahine no ke kama@aia ana mai o ia wahi on a i eha mauwale.

 

            He keiki uuku o 14 makaihki nona ka inoa o John Dias ka i haki ka papa auwae ma ka auwina la Poakahi nei ma kona manawa i hookuiia mai ai e ke kaa kalaka e kalaiwaia ana e Joseph Philbrook maluna o ke alanui Moi ame Puuhale.  E holo ana ke keiki maluna o ke kaa baikikala, elike me ka hoike a ka Makai Boyd, a ka hoihoi ana ae a ma ke alahele pololei loa hoi ke kaa kalaka e holo mai ana.  I ka ike ana mai o ke kalaiwa i ke keiki, a i ole ai e hooku'i mai kona kaa i ke keiki ua hoohuli ae la oia i ka akau o ka hooku'i aku la no ia o ke kaa i ka palaau o ka pa-hale o M. H. Choy a nahaha ka pa.

 

            He ekolu mahina hoopaahao ka hoopa'i a ka aha hoomalu o ke kau ana mai maluna o J. Arakaki, ke kahi o na kanaka i hooiaioia ae ai o ia kekahi i komo pu ma ka hoeha ma i kekahi mau luina maluna o ka Uwapo 16.

 

            No ka hiki ole ia John Kapalena ke hoopaa i ka holo o kona kaa ka@ka nui i ka manawa kupono e @ooku'i ole aku ai me ke kaa oto @kalaiwaia ana e L. A. Beveidge na ke kihi o na alanui Uniona ame Alakea ma ka auwina la o nehinei, o ka hopena o ia hooku'i ana o ia ka hooku'iia ana aku ohope o ke kaa oto a opaha ka pahu aila kaka@na, a i ko Beveridge hoohuli ana @e i kona kaa, ua hooku'i aku la @e ke kaa oto e kalaiwaia ana e @rnberg a poino like ia mau kaa.  @ole o Kapalena i hopuia, ua ae ae @ae oia nana e uku na hoolilo apau @ ka hana ana.

 

            NOA W. ALULI

He Maui - he Ewa

            Hoonaauaoia ma na kula kiekie o Amerika.

He Aloha Aina - He Aloha Lahui

He nohona kuokoa a wiwoole

He kanaka hana i ke ao ame ka p no ko kakou pono,

            ..pomaikai a holomua.

He LUNAKIAI e hooikaika ana e emi ke kumukuai o ka

.           …poi, a ai uni na keiki a kakou i ka poi, ikaika na kino a lanakila ole ka ma'i, a loaa ka manaolana no ka ulu hou o ka Lahui o kakou.

            E Koho ia Aluli, Noa W. no ka Papa Lunakiai.

 

HOOLAHA KOHO BOLOKA.

I NA MANA KOHO BALOKO O KE KALANA O HAWAII

            MA KEIA - 'HOOLAHA, ke hoike aku nei au ia oukou, he Moho au no ke kulana Makai-nui o ke Kalana Hawaii nei, ma ka Aoao Kalaiaina Repubalika no ke kohoia ana mai ma ke Koho Baloka Wae Moho ma ka la 13 o Okatoba, 1923.

            O ko'u kahua e holo nei, o la no keia:

            "I AUPUNI MAEMAE, A E HOOKOIA NA KANAWAI."

            Ina e waeia au i ke Koho Wae Moho, ma ka la 13 o Okatoba ae, a puka i ke koho nui iloko o Novemaba, e hooikaika ana au a e hoopau loa ia na hana ana, ame ke kuai ana o na waiona kupono ole, e ike ia nei mai o a o o keia Kalana, a e hooikaika ana au e hoopau lea ia na hale piliwaiwai a o k kahi mau hale piliwaiwai, aole i mamao loa mai ke keena.  Makai o Hilo, a e hooikaika ana au e hoopau loa ia na hale inu lama i kapaia "Tea House," e ikeia nei ma Waiakea.

            Ina e koho ia au a lanakila, e hooko ana au i na kanawai ma na ano apau a e hooponopono ana au i ka oihana makai o keia Kalana, i wahi e loaa ai na kanaka maikai ame ke kupono no ka oihana, elike no hoi me kekahi mau makai e ike ia nei, a ma ia hooponopono ana i ka Oihana Makai, e loaa ai ka inoa maikai i keia Kalana.

            Ina e apono oukou i keia kahua hana maluna ae, alaila e oluolu oukou e koho ia'u i Makainui no ke Kalana o Hawaii.

            Ke noi haahaaa aku nei au ia oukou e koho ia'u i Makainui no ke Kalana o Hawaii ma ka la 13 o Okatoba, 1923.

THOMAS PEDRO JR.

(Kome Pikalo)

Moho Makainui, Kalana o Hawaii

 

S.P. CORREA

(PILIPO)

 

MOHO NO KE KULANA

 

LUNAKIAI

MA KA AOAO REPUBALIKA

Kulanakauhale a Kalana o Honolulu

 

Honolulu, T. H., Sept, 29, 1923.

I O'u Mau Haku Makaainana:

            Oiai, mamuli o ke koi hoomano a ko'u mau hoaloha, e ae aku au e lilo i moho no ke alualu ana i ke kulana Lunakiai no Oahu nei, a mahope o kekahi wa loihi o ko'u noonoo akahele ana, ua haawi aku au i ko'u ae a like me ko lakou makemake.

            Oiai, eia kakou ke hookokoke loa aku nei i ka la e wae ae ai kakou i ka kakou mau moho ma ka pahu baloka, o ko'u iini nui nae, mamua o ka hoea ana mai o ua la nei, o ia no ka hui kino ana aku me kela ame keia mana koho, a hookahi ke kukakuka pu ana maluna o na ninau nui o ka la no ka pono o kela ame keia, a o ka oi loa aku paha no ka poe o na kuaaina.  Aka, mamuli o ka nui laula o ka aina, a mamuli o ka haiki loa mai o ka manawa, e hiki ole ana paha ia'u ke hui kino aku me kela ame keia manakoho a puni ka aina nei, a hoomaikeike aku ia lakou i kekahi o ka'u mau loina hana i manao ai e hana, ina no ko'u koho ia, no ka pono holookoa mai o a o.

            Nolaila, mamuli o ia mau kumu, ke kakau nei au i keia leka, i wahi alanui no'u e hui ai me oukou, a hoomaikeike aku i kekahi o ka'u mau loina lawelawe hana, ina au e lilo ana i kauwa na oukou.

            Ua manao au he mea pono e loaa i ka poe mea home hookuon oono kekahi mau kokua ana mai ke Aupuni Kalana mai, ma na mea e pili ana i ke alanui ame ka wai, o ka oi loa aku ma na wahi a ka Ahaolelo i haawi ai i kekahi mau bila haawina, a i hoohana ole ia.

            He mea pono e loaa i mau kahua paani no na kamalii ma kela ame keia wahi i noho paapu ia e na kanaka.

            E hooponopono hou ia na paipuwai ma kela ame keia wahi i ike maopopo ia ka lawa pono ole o ka wai, e like me Auwaiolimu, Kalihi-uka, Lanakila Tract ame kekahi mau wahi e ae.

            Ku-e loa no au i ka hooliloia o na dala o ka lehulehu ma na hana e ike ia ana he mea ia e pii hou ae ai ka auhau.

            E hoeueu ana ma na hana hou e pomaikai ai ka lehulehu mai o a o, aole hoi no ka poe kakaikahi wale no e like me ia e ike ia nei, me ka hoopilikia ole ia o ka lehulehu.

            He kanaka au i hanauia ma Honolulu nei a ua kamaaina no ka hapanui o oukou ia'u.  Ua lawelawe au i ka oukou mau hana me ka ewaewa ole maloko o ko kakou mau hale kau kanawai, no kekahi mau kau loihi, a ua lilo ia mau makahiki loihi a'u i hana ai no ka lehulehu i mea nana e hoonui hou ae i ka ike iloko o'u no ka pilikia ame ka makemake o ka lehulehu.

            O keia ae la maluna, ame kekahi mau loina hana e ae he nui, ka'u i makemake ai e hooko, ina au e lilo ana i kauwa na ka lehulehu ma ke koho baloka e hoea mai ana.  Nolaila, me keia mau wahi lalani ke waiho aku nei au imua o oukou, a o oukou na lunakanawai, a

            Me keia mau mea, ke haawi aku nei au i ka'u mau hoomaikai palena ole, me na manaolana pu e haawi ana oukou i ka oukou noonoo akahele ana, me ka haawi pu ana mai hoi i ko oukou kahape'a no'u ma ka la koho.

                                                Owau iho no me ka haahaa,

S. P. CORREA

(Pilipoe