Ka Nupepa Kuokoa, Volume LXII, Number 40, 4 October 1923 — He Moolelo no KA MEAHUNA POHIHIHI A I OLE Ka hoohokaia Ana o ka Manao Puuwai o ka Mea Lili-He Moolelo i Piha me na Wiliau o ke Aloha [ARTICLE]

He Moolelo no KA MEAHUNA POHIHIHI A I OLE Ka hoohokaia Ana o ka Manao Puuwai o ka Mea Lili-He Moolelo i Piha me na Wiliau o ke Aloha

Aia no o Josepine ame Hahaki Naika maloko p ke keena hookipa uuku kahi i noho ai, aole he maopopo ia laua o ka laua mea c hana aku ai, nolaila hopu wale aku la no o Josepine i kekahi bake kii, a noke iho la i ka lolelole no ka nana ana 1 na kii, oiai no nae ua hele kela mau kii a pakuwa iaia, i ka nana inau ia aia hoi o Habaki ma ka puka aniani kahi i ku aj, me ka nana ana iwaho. No kela ano noho mumule loa o keia mau opio, he ano maikai ole kela iwaena o ka poe maikai, nolaila waiho okoa aku la o Josepine i ka buke kii, nana mai la ia Habaki Naika me ka pane ana mai: "Pehea, e kii ae anei au i ka papa mu, a lawe mai, no ko kana paani mu ana?" wahi ana me ka anahe ana ae e ku iluna. Ua lilo ka paani mu, i hana maa maloko o kela home, oiai o ka Hahaki ano hana hoihoi wale no ia, iloko o kona wa e waiho ana i ka ma'i a -o ke kumu no i'a o ko Josepine hoomaoe ana ae e kii ka papa mu. Hnli ino mai Ia o Habaki Naika ihope e nana ia Josepme me ka akaaka pu ana mai, alaila haalele aku la i kona wahi e ku ana, a hele mai la a noho iho la ma ka aoao o Josepine, me ke kamailio ana mai: "Auhea oe e Josepine," i hoomaka mai ai oia e kamailio me j ka leo malie loa. "Eia maloko nei o kuu lima kekahi komo me ka pohaku momi kumukuai kiekie. Ke makemake nei au e hoakaka aku ia oe i ka moolelo o keia komo, aole no e kala kahiko i loaa ai ia'u ka manao e hana aku pela, kanalua wale iho la no au, malia paha aole e maopopo pono an'a ia oe, pela i hoohakalia loa ia ai ko'u hoike ana aku, ahiki i keia manaw£. "He elua makahiki ad nei i 'hala, ua kuai iho la au 1 keia komo, ma ke ano he mea hoopaa ia u ame Xiodora, aka nae i knn wa i haawi aku ai iaia, ua hoote loa mai oia i ka lawe ana aku i keia komo, a o kana i pane mai ai. 'E malama aku oc i kena komo, a haawi aku i ka wahine opio i loaa ke aloha oiaio iloko o kona puuwai nou, a ,ia oe e haawi aku ai i keia komo iaia, e hele pu aku ia me "ka'u mau hoomaikai ana he nui; pehea e ae ana anei oe e Josepine i lawe aku ai keia komo me kuu aloha pu?" Hoomohala ae la oia i kona limā, aia hoi, e waiho ana he komo me ka anapa ana ae o ke daimana, kela komo no a Tiodona i hoole mai ai i ka lawe ana aku/ no ko laua hoopalau, a o ke komolima hookahi no hoi, i loaa aku ai i ka makaikiu, a o kekahi o na mea ano nui, nana i akaa ae i ka pohihihi o ke karaima pepehikanaka, i hanaia e Keoni Naika, maluna 0 kana keiki hanauna. Xana pono mai la o Josepine i ke komo daimana, no kekahi mau sekona, alaila nana mai la ma na maka o Habaki, alaila kulou iho la maluna o ka buke kii, me kona pane ole mai he hookahi huaolelo, eia nae ua hele na papalina o Joscpine a lamalama, me ka neenee loa ana aku o Habaki a kokoke iaia, alaila i aku la. "Auhea oe e Josepine, aole aii e kala kahiko i hauleia ai i ke aloha ia oe, o ka hilahila nae ka mea nana i kaohi mai ia'u, mai ka hoike kahiko ana akuia oe i ka'u meahuna. He nani nae ia ua owaka ae la kuu waha, a hoopnka aku la i na olelo c hiki ole ai ia'u ke hoihoi hou mai, nolaila o ka iini wale no iloko o'ii, e lohe i kau pane e Josepine, e ae ana anei oe p lilo mai i wahine mare na'u?" "Iloko o na pule kakaikahi ae nei i hala, o ko kaua launa pn ana. ua hiki loa ia'u ke ike aku ma kou mau maka, a pela no paha oe i nana mai ai ia'u, ua haulehia Hke kaua a elua 1 ke aloha kekahi no kekahi, nolaila mai hoao oe e huna aku i ka mea oiaio loa, ua hiki ia'u ke heluhelu aku i na mea iloko o kou naau. Ua aloha au-ia oe e JoJsepine, a oi aku mamna o lsuu makee no k;uu ola nei, nolaila e haawi mai i ko lima, i hookomo aku au i keia komolima, i hoailona, no ko kaua hoopaa ana ia kaua iho, i hookahi kaua N iloko o na hauoli ana iloko o ko kaua mau la i koe e ola aku ai ma keia ao." Aole a Josepine pane no kekahi mau sekona, aka i ka hala ana o kekahi manawa pokole o ke kakali ana aku o Habaki Naika, ina paha e ae ana o Josepine i kana noi ame ka ole, aia hoi, aea ae la ke poo o Josepine iluna, naim mai la ma na maka o ke kanaka opio, aole me ka helehelena o ka mea i nele ka manao aloha no keia kanaka opio kilakila, aka me kela mau manao makee apau no Habaki Naika, alaila waiho mai la oia i kona lima, ma ka aoao o ke komo e paa ana iloko o ka lima o Habaki. Me ka pane ole aku no hoi ma kona aoao, hookomo mai la o Habaki Naika i ke komo, ma ka manamanalima o Josepine, ine ka puliki ana iho i ka lima o ka wahine opio ana i aloha ai. alaila lalau aku Ia kekahi lima i ke poo o Josepine, a honi aka la iaia, me ka hooho ana ae i keia mau huaolelo: "Ua laa oe na'u a na'u hookahi wale no; a ke hoomaikai ae nei au i ke Akua no ka hoopakele ana ae i kuu ola, ahiki i ka manawa kupono Ana i ike ai, e haawi mai i kokoolua no'u no ke ola ana aku iloko o na hauoli o keia ao." I ka manawa i pahola ae ai ka nuhou no ka hoopalauia ana » Habaki Naika me Josepine Wakona, ua hoohauoli loa ia *ku o Tiodora ame Gai Wakona, oiai no nae ua hoohuoi mua lio kela mau opio, e hoea mai ana no i ka manawa a laua e ike ai i ka mea oiaio, nolaila aole he hana aku i koe, o ka hoomakaukau wale no, ma ko lakou aoao, no ka hoea mai i ko lakou la e hoohuiia ae ai iloko o ka berita o ka mare. He oiaio iloko q na mahina ekolu mahope mai, ua malamaia iho la ka mare mawaena o na paamare elua, no o leela balepule i mareia ai o Silia Haukona Sr. Kuene, a no ka elua no hoi o na manawa, i lilo ai o Mr. Kelekolio, -i makuakane no oa wahine opio, no ka haawi ana aku ia laua, imua o ka laua enaukane. Mamua nae o ka mareia ana o na opio, ua huli mua o Gai Wakona, a loaa kekahi hale, kupono no laua e noho ai ma ke Kuea Sana Kimo, me ka hoolako ana i ua home nei, no laua « hoi aku ai maloko olaila e noho ai, ke pau na la o ko laua mahina meli, pela no hoi o Habaki Naika i kuai a'i i home no laua ma kekahi wahi mawaho aku o ke kulanakauhale o Ladana. Mahope o ko lakou mareia ana, ua hooholo iho la na paa mare a elua, i hookahi no ko lakou hele like ana i ka maleaikai, nolaila ua hoohalaia e lakou he ekolu mahina, ma ka hele ana ma kela ame keia wahi, aole no ka makaikai wale arra 0 ka hoi ana mai, a nohopaa i kahi hookahi. tto, aka no ka hoohala pu ana aku i kekahi la hauoli mamua Oiai hoi na paa mare e hele Ia i ka makaikai, ua kuai hooSlo alen o Mr. Kelekolio i kona home, no ka mea ua haawi aku oia i kona ae i ke koi a Tiodora e hoi a noho pu me ia maloko o kona home hou, mamuli no 0 ko Tiodora makee ia

Mr, Kelekolio, me he makuakane ponoi loa la; i noho aku ai no ua kaikamahine la imua o kona makua. I kinohi, aole no o Mr. Kelekolio i ae i kela manao koi o Tiodora, me ka i okoa ana aku: "Heaha auanei ke kohu o ka e noho pu aku ai me olua e na opio, e lilo ana au i mea hoopilikia aku i kou noonoo e kuu kaikamahine," wahi ana me ka hoao ana aku e minoaka, ma ke ano, ua kamailio wale aku no oia i kela mau olelo ma ke ano hoopaani. '"Aole o'u makemake e lohe i kou olelo mai he elemakule oe, a i ole o kekahi mea eae paha! Ua makaukau kou rumi, maloko o ko maua home, nolaila e hoi mai ana oe a noho pu kakou maloko o ka hale hookahi. O kou noho mai imua o laiu alo, he mea hoohauoli loa mai ia i ko'u manao, mamua o kou noho aku i kahi okoa, me he mea la ua nalowale loa oe mai ia'u aku." "Heaha la hoi, no kou paakiki loa e kuu kaikamahine ea, ke ae aku nei au e hoi aku a noho pu me oe," wahi a Mr. Kelekolio, mahope iho o kona noho hamau ana no kekahi manawa loihi. "Ua kulike loa maoli no kou mau ano apau me na ano o kou makuahine," alaila hopu okoa aku la o Mr. Kelekolio ia Tiodora me ka honi ana aku i ke kaikamahine opio, me he kaikamahine ponoi loa la nana, me ka hiolo ana mai hoi o na waimaka ma kona mau papalina, o kona ku ae la no ia iluna, a hemo aku la i waho o ka hale, no ka hoomama ana i kona mau manao ehaeha... 1 Oka Rev. Edimona ka mea nana i hooko ika mare maluna o na pa.ama.re opio, i kokuaia mai e ke kahu maoli o ka halepule i alanaia ai ke anaina mare, alaila hoi aku la na mea apau no ka home o Mr. Kelekolio, malaila i akoakoa aku ai na hoaloha o na paamare, no ke komo like ana iloko o na hauoli, a no ka noho ana e ai i na meaai i hoomakaukauia, no kela la ano nui iloko o ke ola ana o na opio. Mahope o ka hoohalaia o kekahi mau hora iloko o ka hauoli, a iloko hoi o na leo kalokalo, no ka ukaliia o ka huakai makaikai a na paamare me na haawina pomaikai, me ka hoomauia aku o ko lakou mau ola ahiki i ka hehi hou ana i ka lepo o Ladana, i haalele iho ai na paamare i ka home, a kau aku Ia maluna o na kaa, no ka hale hoolulu kaaahi, no ka lawe ana aku ia lakou, no ke awakumoku, a kau aku maluna o ka mokuahi, e holo ana no Amerika. ] KA HOPENA. !