Ka Nupepa Kuokoa, Volume LXII, Number 40, 4 October 1923 — Ka Ninau Pili i ka Poi [ARTICLE]

Ka Ninau Pili i ka Poi

Ke hoopipii hou ia mai nei ke knmukuai o ka poi i keia manawa. Oke kumu o keia hoopipii ana, ma ka aoao o ka poe iloko o ka oihana kuai poi, ke hoopohihihiia nei ko kakou noonoo, koe wale no ke koho ana aku, he hana imi pomaikai keia ma ka aoao o ka poe kuai poi. me ka nana ole mai i ka nui o ka kakou mau dala e uku nei, i loaa mai ai ka poi ia kakou. Oka hapa mai o ka loaa ana o ke kalo; o ka pipii o ka ukuhana ona limahana; o ka nui o na hoolilo, o keia oihana, he niau kumu ia e hoopiiia ae ai ke kumukuai o ka poi, ma na mea oiaio nae e hoomaopopoia nei, aole he pokole o ke kalo ma Honolulu nei, a ma na wahi e ae o keia Teritore, aole no hoi i hoopii hou ia ae ka ukuhana o na limahana, he o ia mau no ia, elike me ka manawa aku nei i nala, e loaa ana ka poi me ke kumukuai kupono; aole no ioi ae na hoolilo o keiai' oihana i keia \va; nolaila o ka hoopii hou ia ana ae o ke kumukuai o ka poi, o kekahi hana keia e pono ai e loaa na alaliele e hoolilo ole ia mai ai kakou, i poe paani wale ia e ka poe kuai poi, i nana wale no i ko lakou mau pakeke, aole 1 ka pono kaulike o na aoao a elua. Kc olelo nei o Mr. Noa Aluli, kekahi o 'na moho e holo n«i no ka papa o na lunakiai o ke Kulanakauhale a Kalana o Honolulu nei, ma ka aoao Repubalika, he hana hiki wale no i ka papa o na lunakiai ke hana a hooholo, i kekahi mau alahele e hoemiia mai ai ke kumukuai o ka poi, ma ka lawe ana ae o ka papa o na lunakiai i na ko'iko'i, o ka huli ana i na aina e kanuia ai ke kalo, a kuaiia aku i ka lehulehu. ma 'na makeke, me ka oluolu. O ka hiki ame ka hiki ole 'ke hookoia keia loina a Mr. Aluli i manaoio ai, no ka pono o ka lehulehu, he mea hiki ole i keia pepa ke olelo ae, koe«wale no, ko kakou haawi ana aku i manawa maikai nona e hooiaio mai ai i ka mea hiki iaia ke hana, ma ka hapai ana aku iaia i hoa no ka papa lunakiai. Ke hoemiia kc kumukuai o ka poi, nianiuli o kekahi mau hooponopono ahaolelo a ka papa o na lunakiai e hooholo mai ai, alaila o ke alahele hookahi ia, e hoemiia mai ai na meaai e ae, na meaai i lilo i koo 110 kc ola ana o na lahui kanaka like ole ma o kakou nei.