Ka Nupepa Kuokoa, Volume LXII, Number 40, 4 October 1923 — LOAA AKU HE IPUHAO PUHI OKOLEHAO [ARTICLE]

LOAA AKU HE IPUHAO PUHI OKOLEHAO

Maloko o kekahi hale e nohoia ana e na Kepani ma ke alanui Eepuhalika, kokolee i ke alanui Demokarata i loaa aku ai ia John Colburn ame kona mau kanaka ma ka hora 11 o ko kakahiaka Poalua* nei, kekahi ipuhao puhi okolehao nui me kekahi -niau galani okolehao, o ke puhi koke ia ana aku no paha ia, ame kekahi mau galani lama i hoawaawaia he lehulehu wale, ma ka manawa o ka huliia ana aku o ia hale. O ka ipuhao puhi lama nae ka i paa ae ame na galani okolehao amo lama i hoawaawaia, koe ka paa ana o ke Kepani nana ia mau waiwai i ka hopuia no ke'kumu he wahine wale no koloko o ka hale ma ka manawa o ke komo ana aku o na kanaka hookapu waiona, aka nae ua loaa ae i na kanaka o ke aupuni na inoa o na Eepani na laua ia ipuhao.