Ka Nupepa Kuokoa, Volume LXII, Number 41, 11 October 1923 — HOAO O AUSTIN E PAIO ME KA MAKAIKIU. [ARTICLE]

HOAO O AUSTIN E PAIO ME KA MAKAIKIU.

Ma ke ku ana mai a ka niokualii Ventura no Honolulu noi, kela mokuahi i hoihoiia aku ia o John D. Austin, ma ke ano he lawehala na ke kanawai, malalo o ka malu o ka Makaikiu Lynch, no Kapalakiko, i hoakaka ae ai ke kapena o kela mokuahi, no' ka hiikaka naaoli ana o Austin, me ka makaikiu maluna o ka mokuahi, a e ole wale no ke komo aua niai o na aliimoku e kokua, pela i paa ai o Austin i ka hao, a pau kona hoopilikia anH aku i ka makaikiu. Wahi a kela kapena, i ka moku e holo ana i ka moana, a ma ka hora ekolu o ka wanaao, mahope o ka haalele ana mai ia Honolulu nei, ua hoopuiwaia ka malamamoku am«? kekahi aliimoku e ae, mamuli o knkahi haluku maloko o ka rumi o k,i Makaikiu Lynch, o na ohua ka keia uo lakou ua rumt, e pili kokoke ana me ka rumi o ka makaikiu, ua pau loa lakou i ke ala, mamuli o kela haluku. Ma ka weheia ana aku o ka puka e na aliimoku, ua loaa aku la o Austin e hakaka ana me ka makaikiu, a ma ka honkaka a ka Mnkaikiu Lynch, ua hoao ka o Av.«l?n, e hahau iaia mo kekahi omolewai nui. Mamuli o kela hana ma ka aoao o Austin, ua kauoha okoa ke kapena o ka Ventura i kona mau aliimo ku, e hoopaa i na lima o ka lawehala me ka liao, a mahope mai o kela manawa, aole he mau hoopilikia hou ana a Austin, ahiki wale i ke ku ana o ka moku i Kapalakiko. Ma ka haalele ana aku a ka mokuahi Ventura, a i kulike ai no hoi me na hoike i loaa mai i ka oihana makai kuloko, aia no o Austin maloko o ka halepaahao o Kapalakiko kahi i paa ai, ua hiki ole oia e hookuuia mawaho, mamuli o ka loaa ole o kekahi mea nana e bona iaia.