Ka Nupepa Kuokoa, Volume LXII, Number 41, 11 October 1923 — Page 6 Advertisements Column 4 [ADVERTISEMENT]

He Leo Uwalo Akea I na Mana Koho .Baloka o ke Kulanakauhale a Kalana o Honolulu: E na Hoa MakaainanaOiai ua hooholo au i ko'u manao e lilo i moho no ke kulana lunakiai ma keia koho baloka e hoea mai ana, a oiai he hana paakiki no u ka hele kino ana aku e hui pu me oukou iloko oka manawa pokole, ke lawe nei au i keia alahele no ka hoike ana aku i ko'u kulana holo moho me ke noi ana aku i ka oukou kakoo ana mai. Ke manao nei au he hanohano nui ke kohoia i kekahi oihana ma ke ano he makana na na kanaka Amerika, a ke manaoio nei au he hana laahia, ina nei no ke kohoia, ka lawelawe ana aku i ka hana me ka hoopono ame ka makaukau. He Repubalika au ae ku no au maluna o ke "kahuahana" aka aoao. Mawaho ae o kela e alakaiia no ka'u mau hana e ka pono ame ke kaulike. O na mea ano nui iloko o ke ola ana o kekahi kulanakauhale o ia no na kula, na halema'i ame na home no na hapauea, ka poe palupalu, ilihune, i mau home maemae no na kanaka hana me ka uku hooHmalima kupono. i wai maemae lawa pono, na paipu lawe meaino, na kukui uwila, na alanui maikai, i mau paka me na kahua paani maemae, i oihana makai ame kinaiahi makaukau o na loina lawelawe ano hou loa, e hoohanaia me ke kupono a e loaa ka uku kupono. I hale aupuni kulanakauhale no ka lawelawe ana i na oihana o ke kulanakauhale. O keia na loina ano nui o kekahi kulanakauhale Amerika holomua. Oka loaa mai o keia mau mea oka iini nui ia iloko o'u ina au e kohoia ana a puka mamuli o ko oukou hilinai. Me ka mahalo, JOHN A. HUGHES,