Ka Nupepa Kuokoa, Volume LXII, Number 41, 11 October 1923 — W. C. ACHI [ARTICLE]

W. C. ACHI

E holo ana no ke kulana Lunakiai malalo o ke kumuhana malalo iho, a i kulike nae me ke Kumuhana o ka aoao Eepubalika. 0 ka pii o na auhau ke kumu e pii nei na lilo o ka noho ana; a o na auhau kiekie hoi ua loaa mai-ia mamuli o ka nui hewahewa o na lilo o ka hookele ana i ke aupuni. Nolaila, he mea pono e hanaia na hoolilo o ke aupuni ma ke ano ai pakiko; o na luna a me na limahana o ke aupuni he mea pono e haawi ae lakou i 100 pakeneka o ka lakou mau lawelawe ana i na hana o ke aupuni i mea e kupono ai ko lakou ohi ana i ko lakou mau uku malama a uku hana la paha; 0 na hoolilo ano ole he mea pono e hoopau loa ia. 0 na hoolilo o ka lehulehu mawaena o na poe hooulu a hoomakaukau 1 na meaai, a mawaena oia poe, ame ka poe nana e ai nei ia mau mea he pii loa ke kumukuai, nolaila, he mea pono e hoohanaia ka Makeke aupuni, ma ke ano i hoemi ia mai na lilo noho ohana ana o ka lehulohu. Ke hoolilo nei na poe limahana i ka hapanui o ko lakou mau loaa mai no na meaai; nolaila, he mea pono e hanaia kekahi mau mea c pili ana i ka makeke aupuni ma ke ala e hiki ai e loaa mai kekahi mau hoemi ana mai ia mau hoolilo; a ia manawa hookahi e kokua aku ana ia i na poe mahiai a hanai holoholona a lawai'a paha ma ka hoomahuahua ana mai i na meaai ma ka makeke. Ke kiai nei ka oihana makai i na ola a me ka waiwai o ka lehtilehu, a he hana molia no hoi lakou mau ola iho; nolaila he mea pono no e hoomahuahua ia ka heluna o na makai me na uku kupono, a he mea pono no hoi e hanaia.aku ka oihana kinaiahi ma ia ano hookahi. He mea pono no hoi e nana ia aku na Paka o ka lehulehu ma na apana kuaaina. ' He mea pono e loaa i aupuni holomua me na hoolilo kupono e kaupaona ana i na kulana a pau. E OLA 0 HAWAII A MAU.